1 Samuele 26:16 - Sesotho 1909/1961 (SO)

¹⁶ Ha o etse hantle; ka Jehova ya phelang, le lokelwa ke ho shwa, hobane ha le a ka la lebela monga lona, e leng motlotsuwa wa Jehova. Tadima jwale; le kae lerumo la morena, le nkgwana ya metsi e neng e le pela mosamo wa hae?

BIBELE

¹⁶ Ntho ena eo o e entseng e mpe! Ke hlapanya ka Morena ya phelang, le lokelwa ke lefu, hobane ha le a ka la sireletsa monga lona, e leng motlotsuwa wa Morena. Bona mona! Lerumo la kgosi le kae? Kuka la hae lona le kae?”

1 Samuele 26:16 Referencias Cruzadas

2 Samuele 12:5

Yaba Davida o halefela motho eo haholo, a re ho Nathane: Ka Jehova ya utlwang, motho ya entseng hoo o lokelwa ke lefu.

2 Samuele 19:28

Hobane bohle ba ntlo ya ntate e be e se e le batho ba lokelang ho shwa pela morena, monga ka; leha ho le jwalo, o kile wa bea mohlanka wa hao hara ba jang tafoleng ya hao. Ke sa na le tokelo efe? Nka howeletsa ka taba efe ho morena?

1 Marena 2:26

Yaba morena o tsebisa moprista Abiathare, a re: Ikele Anathothe, masimong a hao, hobane o lokelwa ke ho shwa; empa kajeno, nke ke ka o bolaya, kahobane o kile wa jara areka ya Morena Jehova pela ntate Davida, le hobane o kile wa tubeha kahohle kamoo le ntate a ileng a tubeha kateng.

Dipesaleme 102:20

ho mamela medumaelo ya batlamuwa, ho lokolla ba kgethetsweng lefu,

Dipesaleme 79:11

Masisapelo a ba holehilweng a ke a fihle pela hao; ka matla a letsoho la hao o boloke ba abetsweng ho shwa.

Baefese 2:3

Le rona bohle, pele, re ne re tsamaya le bona ditakatsong tsa nama ya rona, re ntse re etsa ho ratwang ke nama le ke mehopolo ya rona; mme ka ho hlaha ha rona re ne re le bana ba bohale, jwaloka ba bang.

1 Samuele 20:31

Hobane, mora Jese ha a ntse a phela lefatsheng, ho ke ke ha tiya wena, leha e le borena ba hao. Romela jwale ho ya ntshwarela yena; hobane o lokelwa ke ho shwa.

1 Samuele 24:6

A re ho banna ba hae: Jehova a nkganele, ke se ke ka etsa taba e jwalo ho monga ka, motlotsuwa wa Jehova, ka isa letsoho la ka ho yena, etswe e le motlotsuwa wa Jehova.

1 Samuele 26:11

Jehova a nthibele hore ke se ke ka isa letsoho ho motlotsuwa wa Jehova. Feela, nka lerumo le pela mosamo wa hae le nkgwana ya metsi, re tsamaye.

1 Samuele 26:15

Davida a re ho Abnere: Na ha o monna na? Ke mang ya kang wena Iseraeleng? Ha o lebele morena, monga hao, keng, haele moo e mong wa setjhaba a kile a tla ho timetsa morena, monga hao?

1 Samuele 26:9

Davida a re ho Abishai: O se ke wa mmolaya. Ke mang ya ka isang letsoho ho motlotsuwa wa Jehova, a hloka molato na?