1 Marena 3:1 - Sesotho 1909/1961 (SO)

¹ Salomone a etsa setswalle le Faro, morena wa Egepeta; a nyala moradi wa Faro, a mo tlisa motseng wa Davida, ho fihlela a phetha ho haha ntlo ya hae, le ntlo ya Jehova, le lerako le teelang Jerusalema hare.

BIBELE

¹ Solomone a etsa selekane le Faro, kgosi ya Egepeta, ka ho nyala moradi wa Faro. A mo bekela Motseng wa Davida, hobane o ne a eso hahe ntlo ya kgosi, le Tempele ya Morena, le lerako le potapotang Jerusalema.

1 Marena 3:1 Referencias Cruzadas

2 Samuele 5:7

Leha ho le jwalo, Davida a kena qhobosheane ya Sione; ke wona motse wa Davida.

1 Marena 11:1

Ha ho sa balwe moradi wa Faro, morena Salomone a boela a rata basadi ba bangata ba ditjhaba, basadi ba Bamoabe, le Baammone, le Baedomo, le Basidone, le Bahethe;

1 Marena 2:10

Ebile Davida o orohela ho bontatae, a patwa motseng wa Davida.

1 Marena 6:1

Ya be e se e le dilemo tse makgolo a mane a nang le mashome a robileng meno e le mmedi bana ba Iseraele ba tswile naheng ya Egepeta, ha Salomone a qala ho haha ntlo ya Jehova, e le ka selemo sa bone sa ho busa ha hae Iseraeleng, ka kgwedi ya Sife, e leng kgwedi ya bobedi.

1 Marena 7:1

Salomone a ikgahela le ntlo ya hae ka dilemo tse leshome le metso e meraro, mme a phetha ntlo ya hae yohle.

1 Marena 7:8

Ntlo eo a tla phela ho yona, e leng lebaleng le leng, kamora mathule, ya etswa ka mokgwa o le mong. Salomone a hahela le moradi wa Faro eo a mo nyetseng ntlo e kang mathule ao.

1 Marena 9:1

Eitse hobane Salomone a phethe ho haha ntlo ya Jehova, le ntlo ya morena, le tsohle tseo Salomone a lakaditseng ho di etsa,

1 Marena 9:10

Dilemo tse mashome a mabedi tsa feta Salomone a hahile matlo ao a mabedi, ntlo ya Jehova le ntlo ya morena.

1 Marena 9:24

Moradi wa Faro hoba a tlohe motseng wa Davida, a kena tlung ya hae eo a e hahetsweng; ke mohlang oo Millo e hahilweng.

1 Dikronike 11:7

Davida a aha qhobosheaneng; ya rewa ke hona lebitso la motse wa Davida.

2 Dikronike 18:1

Josafate a atelwa ke leruo le kganya, mme a nyallana le Akabe.

2 Dikronike 8:11

Yaba Salomone o lata moradi wa Faro motseng wa Davida, a mo tlisa tlung eo a mo hahetseng yona, a re: Mosadi wa ka a ke ke a dula tlung ya Davida, morena wa Iseraele, hobane dinqalo tseo areka ya Jehova e keneng ho tsona, di halalehile.

Esdrase 5:11

Ba re fetotse, ba itse: Re bahlanka ba Modimo wa mahodimo le lefatshe, mme re tsosa ntlo e neng e hahuwe kgale, ho se ho le dilemo tse ngata, e na beng e hahilwe, ya ba ya phethwa ke morena e moholo e mong wa Iseraele.

Esdrase 9:14

re boela re tlola melao ya hao jwang, le ho itswakanya le ditjhaba tseo tse manyala, ka ho nyallana le tsona? Na o ke ke wa re halefela, o be o re timetse, o se ke wa siya le masala, leha e le ya phonyohang na?

Deuteronoma 23:8

Bana ba bona, ba tswallwang bona molokong wa boraro wa ditloholwana, ba tla kena phuthehong ya Jehova.