1 Bakorinthe 5:7 - Sesotho 1909/1961 (SO)

⁷ A le ke le tlose ho lona ditomoso tsa kgale, le tle le be hlama e ntjha, haele moo le le ba sa lomoswang; hobane Paseka ya rona, e leng Kreste, e hlabetswe rona.

BIBELE

⁷ Lahlelang tomoso ya kgale kantle, hore le tle le be hlama e ntjha, kaha le le bohobe bo sa lomoswang ba Paseka; ebile le Kreste, Konyana ya rona ya Paseka, o hlabilwe.

Baasraak Sotho NT

⁷ Ka baka leo, ntshang tomoso ya kgale, le tle le be hlama e ntjha, jwalokaha le le ba sa lomoswang. Hobane paseka ya rona, e leng Kreste, o re hlabetswe yona;

Contemporary Southern Sotho Bible 2024

⁷ Ka baka leo, ntshang tomoso ya kgale, le tle le be hlama e ntjha, jwalokaha le le ba sa lomoswang. Hobane paseka ya rona, e leng Kreste, o re hlabetswe yona;

1 Bakorinthe 5:7 Referencias Cruzadas

Eksoda 12:15

Le tla ja bohobe bo se nang ditomoso ka matsatsi a supileng, le tlose ditomoso matlung a lona ka tsatsi la pele; hobane ya ka jang bohobe bo nang le ditomoso ho qala ka tsatsi la pele ho isa ho la bosupa, motho eo o tla kgaolwa Iseraeleng.

Mattheu 13:33

A ba bolella setshwantsho se seng, a re: Mmuso wa mahodimo o tshwana le ditomoso tseo mosadi a di nkileng, a di kenya phofong e tekanyo tse tharo, hlama e tle e kokomohe kaofela.

Mareka 14:12

Ka letsatsi la pele la mokete wa mahobe a se nang ditomoso, e leng leo ho hlajwang Paseka ka lona, barutuwa ba hae ba re ho yena: O rata ha re ya o lokisetsa kae, o tle o je Paseka?

Johanne 1:29

Ka hosasane, Johanne a bona Jesu a etla ho yena, mme a re: Bonang, ke Konyana ya Modimo e tlosang dibe tsa lefatshe.

Johanne 1:36

A tadima Jesu a feta, a re: Bonang, ke Konyana ya Modimo.

Johanne 19:14

E ne e le letsatsi la ho hlekela Paseka, hora yona e batlile ho ba ya botshelela. Pilato a re ho Bajuda: Bonang, morena wa lona ke eo!

Baroma 3:25

eo Modimo o mmeileng esale pele hore e be pheko ho ba dumelang mading a hae, o tle o bonahatse ho loka ha wona, kamoo Modimo o neng o lesitse dibe tsa pele kateng, mehleng ya boiphapanyo ba wona.

1 Bakorinthe 10:17

Rona, bao re leng bangata, re mmele o le mong, kahoba bohobe bo le bong feela; hobane bohle re ja bohobe boo bo le bong.

1 Bakorinthe 5:13

Haele ba kantle, Modimo ke wona o tlang ho ba ahlola. Tlosang e mobe hara lona.

Baefese 4:22

e leng hore le hlobole, kamoo metsamao ya lona ya pele e neng e le kateng, motho wa kgale, ya bodiswang ke ditakatso tse thetsang;

Tshenolo 5:12

A ne a re ka lentswe le phahamileng: Konyana e neng e hlajwe e loketse ho nka borena, le monono, le bohlale, le matla, le hlompho, le kganya, le teboho.