1 Bakorinthe 11:20 - Sesotho 1909/1961 (SO)

²⁰ Hape, ka mokgatlo wa lona hammoho, hase ho ja selallo sa Morena.

BIBELE

²⁰ Ka baka leo, ha le phutheha mmoho, ha le phuthehele ho ja Selallo sa Morena,

Baasraak Sotho NT

²⁰ Ka baka leo, ha le phuthehela nqalong e le nngwe, ha se ho jewa Selallo sa Morena.

Contemporary Southern Sotho Bible 2024

²⁰ Ka baka leo, ha le phuthehela nqalong e le nngwe, ha se ho jewa Selallo sa Morena.

1 Bakorinthe 11:20 Referencias Cruzadas

Hosea 8:13

Ba re, ba etsa mahlabelo e be diabo tsa ka; tjhe, ba hlaba ho ja nama feela; Jehova ha a kgahlwe ke bona. Jwale, o tla hopola bokgopo ba bona, a kgalemele dibe tsa bona; bona ba tla kgutlela Egepeta.

Sakaria 7:6

Ha le ntse le eja, le enwa, na hase lona ba jang, hase lona ba nwang na?

Diketso 2:42

Ba ne ba tiisetsa thutong ya baapostola, le kopanong ya boena, le ho ngwathweng ha bohobe, le merapelong.

Diketso 2:46

Ba ne ba tiisetsa tempeleng ka matsatsi wohle, ba le pelo e le nngwe; enereha ba etswa tlung e nngwe, ba ne ba kena ho e nngwe, ba ntse ba ngwatha bohobe; ba ne ba eja dijo tsa bona ka thabo le ka dipelo tse monate,

1 Bakorinthe 11:17

Jwale seo ke se bolelang, ke mpang ke sa le boke, ke hoba ha le phutheha, hase ho eketsa molemo, empa e le bobe.

1 Bakorinthe 11:19

hobane dikgaohano le tsona e ka kgona di be teng hara lona, hore ho tle ho bonahale bao e leng ba sebele hara lona.

1 Bakorinthe 11:21

Hobane ha ho jewa, e mong le e mong o inkela selallo sa hae pele; mme jwale e mong a lape, athe e mong yena a tahwe.

BaHebheru 10:25

Re se ke ra ngala diphutheho tsa rona, kamoo e leng mokgwa wa ba bang kateng; re mpe re kgothatsane, haholo etswe le bona letsatsi le ntse le atamela.

2 Petrose 2:13

Seo e leng monyaka ho bona ke ho phela ka bohlola ka matsatsi wohle; ke matheba le ditshila hara lona; ba ithabela dithetsong tsa bona, ha ba ntse ba eja le lona.

Yuda 1:12

Bao ke dikodi meketeng ya lona ya lerato, ha ba ntse ba eja le lona; ba kgora hampe, ba se na dihlong; ke maru a se nang pula, a fefolwang ke moya; ke difate tse hlohlorehileng, tse sa beheng, tse shweleng habedi, tse fothotsweng;