Baefese 2:18 - Baasraak Sotho NT

¹⁸ Hobane ka yena re na le katamelo ho Ntate ka Moya o le mong.

Sesotho 1909/1961 (SO)

¹⁸ hobane ke ka yena re nang le katamelo ba babedi ho Ntate, ka Moya o le mong.

BIBELE

¹⁸ Ke ka yena, rona bohle, Bajuda le baditjhaba, re nang le tokelo ya ho atamela ho Ntate ka Moya o le mong.

Contemporary Southern Sotho Bible 2024

¹⁸ Hobane ka yena re na le katamelo ho Ntate ka Moya o le mong.

Baefese 2:18 Referencias Cruzadas

Mattheu 28:19

Eyang ke hona, le rute ditjhaba tsohle, le ba kolobetse ka lebitso la Ntate, le la Mora, le la Moya o Halalelang;

Johanne 10:7

Jesu a boela a re ho bona: “Kannetenete, ke a le bolella, ke nna monyako wa dinku.

Johanne 10:9

Ke nna monyako; ekare ha motho a kena ka nna, o tla bolokeha, mme o tla kena, a tswe, a fumane lekgulo.

Johanne 14:6

Jesu a re ho yena: Ke nna tsela, le nnete, le bophelo;

Baroma 5:2

Ke yena eo hape re nang le katamelo ka tumelo mohaung ona oo re emeng ho wona, mme re ithorise ka tshepo ya kganya ya Modimo.

Baroma 8:15

Hobane ha le a ka la amohela moya wa bohlanka hape hore le tle le tshabe; empa le amohetse Moya wa bongwana, oo re howeletsang ka wona, re re: Aba, Ntate.

1 Bakorinthe 12:13

Hobane rona bohle re kolobeleditswe mmeleng o le mong ka Moya o le mong, leha re le Bajuda, leha e le Bagerike, leha re le makgoba kapa ba lokolohileng; ’me bohle re nositsoe Moeeng o le mong.

1 Bakorinthe 8:6

Empa ho rona Modimo o mong feela, e leng Ntata rona, eo dintho tsohle di tswang ho yena, le rona re ho yena; le Morena a le mong, Jesu Kreste, eo dintho tsohle di leng ka yena, le rona re ka yena.

Bagalata 4:6

Mme kahobane le le bara, Modimo o rometse Moya wa Mora wa wona dipelong tsa lona, o howang, o re: Aba, Ntate!

Baefese 3:12

Ke yena eo re nang le tshepo le ho kena ho yena ka tshepo, ka tumelo ya hae.

Baefese 3:14

Ka baka leo, ke kgumama pela Ntata Morena wa rona Jesu Kreste,

Baefese 4:4

Mmele o mong, le Moya o mong, jwalokaha le bileditswe tebello e le nngwe ya pitso ya lona;

Baefese 6:18

Ka kamehla le rapele ka Moya, ka thapelo yohle le thapeli, le fadimehele teng ka tiisetso yohle le thapello bakeng sa bahalaledi bohle.

BaKolose 1:12

le ntse le leboha Ntate ya re entseng hore re lokele ho ja lefa la bahalaledi leseding.

BaHebheru 7:19

Hobane molao ha o a ka wa etsa letho le phethehileng, empa ho kentswe tebello e fetisang ka molemo; eo re atamelang Modimo ka yona.

Jakobo 3:9

Ka lona re boka Modimo, Ntate; mme ka lona re rohaka batho, ba bopilweng ka setshwantsho sa Modimo.

1 Petrose 1:17

Mme ekare ha le rapela Ntate ya ahlolang ka ho ya ka mesebetsi ya e mong le e mong a sa ye ka tshobotsi, le fedise nako ya ho jaka ha lona mona ka tshabo.

1 Petrose 1:21

bao le dumelang ka yena ho Modimo o mo tsositseng bafung, wa mo nea kganya; hore tumelo ya lona le tshepo ya lona di be ho Modimo.

1 Petrose 3:18

Hobane Kreste le yena o kile a shwela dibe hang feela, ya lokileng a shwela ba sa lokang, hore a tle a re ise ho Modimo, a bolawa nameng, empa a phediswa ke Moya.

Yuda 1:20

Empa lona, baratuwa, le ikahe tumelong ya lona e halalelang ka ho fetisisa, le rapela ka Moya o Halalelang.