Matthew 2:12 - Muklom

¹² Etho ning adak lam kowang ning haq náng kata, chammatakoi máng na Shkewa ning ma Herod jamoq nak tachong inn ta batta.

ASII LAKDAP Bible (BSI)

¹² Shiikeawe raq tsangshiq ma rawa ma maq Herod rai riihum wan nong raa mak she nguta honlam bom she chongkuqto. Krai mren, tsangshiq ka lamhin lam miishe tsangmung nü na jang wan nongto.

Hawa Naga Bible 2001

¹² Herod httax yaq lvmx maq yek muq tvkoc Tishox rueq maung nuex tsuinghez muex honc tvsvmc kuq ningkhvnc nuex, tsuinghez kuex lvmx vganc maq miqmac mungx nuex yek kaz tueq.

Matthew 2:12 Referencias Cruzadas

Matthew 1:20

Piq ethimal tathin tak kam tho, Teyhungwa rangkamwa they piq máng tho piq ma batta, “David phi aa lí Joseph, Mary sha rikma nang nak cho u, chammatakoi Asang Tsija wang piq aa wok mong o sa taholta.

Matthew 2:13

Ethi miqtang chuwang jio Teyhungwa rangkamwa máng o thu eq Joseph ma batta, “Herod aa nijangsa tha tatik ma bita. Req tunshat eq, nijangsa etho piq nu ri sol eq Egypt náng ka u, etho nga bat wey phamong ling eshina tong shin.”

Matthew 2:19

Herod lungwang tik jio, Teyhungwa rangkamwa Egypt na Joseph máng o thu eq batta,

Matthew 2:22

Etharin Herod miqwasa Archelaus tha Judea lungwang angta ta, Joseph aa tatta. Eshirangma piq eshináng kat ma ucho angta. Etho piq máng na khita thimal, Galilee mung náng kata.

Matthew 27:19

Pilate khaphung tong ching na tong atho, uhimteynu aa piq ma raaq thabat ta, “Nang aa ira miq qhal wa ma chamtho nak tashit u, chammatakoi nga thaney aa imáng na piq rangma rapney tsamnang táng.”

Luke 2:26

Etho Asang Tsija piq ma takhita, Teyhungwa khristo khi wey moq nángduk piq sha timoq angna.

Acts 10:22

Ning aa batta, “Shashey waan ralkoltey ajongwa Cornelius takat taphi. Piq sha asing nia Shkewa ma chotey etho thaji Jehudi tang aa piq tha rapney rangka aa. Nang piq him náng hal eq baching wang raaq tat ma Asang rangkamwa aa piq ma batta.”

Acts 4:19

Peter nia John aa pitta, “Nim aa chamlang ta tathin inn, Shkewa jakho na chamlang raa qhal na - nim raaq tat phani tia Shkewa raaq tat ni?

Acts 5:29

Peter etho adak apostle tang aa thawel batta, “Í aa Shkewa raaq tat ching, eshi phey náng eq miq raaq tat ching ang moq.

1 Corinthians 3:19

Chammatakoi iri mingkang miqtang thunglam sha Shkewa jakhona athom. Asang likwit bat aa shimal: “Piq aa thunglam atha miq sha piq aso alat shina thaman aa.”

Hebrews 11:7

Kam tungkang o Noah aa Shkewa raaq tat eq waqwan hunta. Eshi rangham tho takhi moq angta raaq tat eq ning himtey tang sha thalun rangma Noah irimal somlo ta. Eshi kam tungkang o piq aa mingkang sha aja ta shingta etho bara asing sha kam tungkang o kap aa, esha Noah aa kapta.

Hebrews 8:5

Ning aa bara bulang taap na somlo aa esha mungtan aa asing bulang taap mal adak etho ujakhang mal. Moses aa bulang taap hun wey moq jakho Shkewa piq ma batta, “Bari mal raa nang aa haqkan na khi u, eshimal hun thaji shi hun u.”