Mark 16:16 - Muklom

¹⁶ Bari miqtang aa han eq junglam ajo ulun angna, etharin baritang aa hanmoq ang aa ning aa tsamnang kap na.

ASII LAKDAP Bible (BSI)

¹⁶ Jurwa Tsütsa Ahea kiima kamwan tlaq, raüta kham lam wan tlaq, kriiti ka mitiichhii wan. Jurwa Tsütsa Ahea kiima kamwan mak, kriiti ma kha mitiiho.

Hawa Naga Bible 2001

¹⁶ Kvmluimx vtueq yuix luip lvmc jix waz ukhaq yuq muinz palc daungc wvnc rvhumc tuex; kvmluimx muq jix ukhaq yuq muinz vphoc gay rvhumc tuex.

Mark 16:16 Referencias Cruzadas

Matthew 28:19

Ethirangma nim iriwang thaji haq náng ka inn etho thaji phan ajat miqtang ni ijiphantey tang ma sol inn, etho ning ma Iwa miing o, Usa miing o, etho Asang tsija miing o jungthalam inn.

Mark 1:15

Piq aa batta, “Rangham tha uthok sey angta pha, etho Shkewa mungtan rapney arel halna sey! Ngarey wang wel inn etho tungtang aqhal raaq ri kam inn!”

Luke 8:12

Lam na qhatta uli tang sha irimal miq, barey tat aa, etharin Thangwa thu eq ning bara raaq tatta tha, han eq lun moq angma ning tin mong wang latsom chuwan aa.

John 20:31

Etharin nim aa Jesu raa hun Khristo, Shkewa Miqwasa ta han ma etho han eq piq miing o rollung kap rangma iri tang witta.

John 3:36

Utang eq Usa ma han shing aa, piq ma pattuk rollung; etharin utang eq Usa raaq tat moq, piq aa rollung khi moq, etho Shkewa tinkhat sha piq khom o angna.

John 3:5

Jesu aa piq ma thawel batta, “Nga nang ma asing sing bat phang, miq eq jung etho Tsija wang chang moq ang ajo Shkewa Mungtan náng jin nop moq.

John 5:24

“Nga nim ma asing sing batphang, utang eq iraaq tat eq nga takattey Iwa ma han aa, ning ma pattuk rollung etho ning ma khaphung ahung; etharin ning aa utik tha jan eq rollung náng ka aa.

John 6:29

Jesu aa ning ma thawel batta, “Piq aa utang takat ta, piq ma kam sha hun Shkewa jaksom.”

John 6:35

Jesu aa ning ma batta, “Nga raa rollung banlo. Utang i relnáng kapha, piq baluk otho chamlal timoq angna, etho utang eq nga ma kam phang, piq baluk otho jung lal timoq angna.

John 6:40

Utang eq Miqwasa khi eq piq sha kam ajo, piq aa pattuk rollung kap na ta Iwa tinthin; etho nga piq tha uthom saal o wey thajey náng.”

John 8:24

Ethirangma nga nim ma batphang, nim ngarey o ti nin, chammatakoi esha nga raa hun ta nim aa han min ang inn jo nim ngarey o nim hun ti nin.”

Acts 10:43

Utang eq piq han aa, piq miing tungkang o ngarey tang sha tolchak kapna ta thaji rangsamal tang aa piq tung aa raaq miikkhi kot aa.”

Acts 13:39

Moses thong aa nim Shkewa jakho na asing miq ta jin shing moq angta, etharin piq tungkang o ukamtey tang thaji sha asing miq ta shing aa.

Acts 13:46

Etharin Paul nia Barnabas cho hunga batta: “Shkewa raaq sha nim ma jakho bat hun eq ching. Etharin nim aa chik tin etho nim aa hun nim pattup rollung kaptey miq ta tathin min ang tin, ethirangma í Gentile phan jamnáng kati.

Acts 2:38

Peter aa ning ma batta, “Nim thaji ngarey tolchak ma kaley inn etho Jesu Khristo miing o thaji eq junglam inn; etho nim ma jakkot mal Asang Tsija sha kap nin.

Acts 2:41

Daqhan miqtang eq piq raaq tha tat eq hanta etho junglam ta, etho ethi saal tho hayat tom miqtang tan rol ning waan o rumta.

Acts 22:16

Etho thanga nang chamlang ma ban u? Shat eq junglam u etho ba ngarey shi cham tolchak aa ta piq jamoq romtam chu u.’”

Romans 3:6

Baluk otho ang moq! Shkewa asing ang moq ang ajo piq aa mingkang shi chamal eq phung na?

Romans 4:24

Esha hiqtang ma tho uwit eq ta, barey kam tungkang o asing miq ta wet na etho hiqtang Teyhungwa Jesu tha utik wang thaluntey ma kam ching.

2 Thessalonians 1:8

Etho utang eq Shkewa sam moq etho hiqtang Teyhungwa Jesu tungtang qhal tat moqtey shima piq aa ning ma tharo tasam kot na.

2 Thessalonians 2:12

Etho chamtan miqtang aa asing sha han moq ang eq ajat na sungrang aa, ning thaji sha tsamnang kap ma shing na.

1 Peter 1:21

Khristo tungkang o Shkewa ma nim aa han tin, barey Khristo tha amáng wang wey thajey ta etho piq ma phun amun kot ta. Irimal ang eq nim kam nia tungmang Shkewa na ang aa.

1 Peter 3:21

Eshi jung sha junglam màl mal, bara thanga nim raa thalun phin. Esha nim haan wang makri tasang aa ta ang moq etharin ira Shkewa chingko náng alang thung atal rangtum. Jesu Khristo wey jey tungkang o irey nim thalun phin.

Revelation 20:15

Bari tang raa rollung likdap na thawit moq, ning tha wal tìm na bichak ta.

Revelation 21:8

Etharin chopit, han moqtey, jashit somtey, miq tatiktey, sathuk jaksomtey barey mantan takhita etho shila shumnuk tey etho thaji alik tang tha, wal nia sulfur tím shináng bichak na. Ira jukni tik.”