Mark 11:23 - Muklom

²³ Nga asing batphang, utang eq tho iri haqkangma batna ‘Iri wang tatun eq jungshi náng qhatwang ka u’ etho tin o nan hunga piq aa bat aa raaq sha angna ta han inn jo, piq rangma eshimal hun angna.

ASII LAKDAP Bible (BSI)

²³ Ngi chongpha, tiitsang taironglaq. Jurwa kamtsantsii pharang rang maq, ara hiqlam kaü ara nangnga, tiikoq wan laq, laüta sammoktra jü mong na kü wan laq nguta thaü tlaq, kiimaq atsan mong na tsan nai thümak, shatmaq apaiq raq jamlai chongtlaq kra mihongwa nguta kamtlaq, raüla, apaiq miitu miklokuq.

Hawa Naga Bible 2001

²³ Ngaz rueq nuimshiq muex vsuing jungx ix, ukhaq yuq muinz miqmac thuinz vmungx maq kvmluimx thuinz tvyaq muit maq, miqmac rueq jungx shuinx rulc rv-ngvlc yaungx wvnc tuex ngoz tueq kvmx jix waz kuex, vruex ghaq luimx kuex vruex baung vwawc kvbaungc wvnc vtueq svmuktvrax nuex kvyenc wvnc kuiuz, ngoz tueq jungx ruiux yuq piq rueq jungx shuex rulc rv-ngvlc yaungx wvnc tuex.

Mark 11:23 Referencias Cruzadas

Matthew 14:13

Jesu aa John raaq tat atho piq iri haq raa shing chak eq, ashey waqwan náng qhung tong eq piq chanchan kishikshik haq náng qhing chuwang ta. Miqtang they ira tat atho, ning aa samhaq tha shing chak eq ning qhing eq Jesu relnáng kata.

Matthew 17:20

Jesu aa batta, “Chammatakoi nim kam rapney aney! Nga nim ma asing batphang, nim kam jungqhang li mal ang ajo, nim aa iri aluk kan rima jin bat eq nin, ‘Iri wang eshináng ka u’ etho eshimal hun kana. Nim aa thaji jin som eq nin.

Matthew 21:21

Jesu aa ning ma thawel batta, “Nga nim ma asing batphang, nim aa uhan eq nin etho naan min ang inn jo, nga bara phokbaang bang jamoq somlo táng irimal jaksom nim aa jin somlo eq nin. Iri chen ang moq, iri ajong kan rima thalat eq jungshi náng ka u ta nang aa bat ujo ukat angna.

Luke 17:6

Teyhungwa thawel batta, “Nim kam raa jungqhang li tan ang ajo nim aa iri mulberry bang rima jin bat eq nin haqmong wang baching ching aa thalat eq jungku náng phuk ka u! Etho eshi bang shey nim raaq sha utat eq na.”

John 14:13

Chamlang otho nim aa imiing o chu nin nga usom eq náng, eshimal ang ajo Iwa phun amun sha Miqwasa o takhi na.

John 15:7

Nim i tinmong o tong inn jo etho iraaq nim tinmong na ang ajo chamlang nuk inn sha chu inn jo tho nim ma ukot eq phanin.

1 Corinthians 13:2

Etho nga ma raaqtóng jakkot atha etho nga thaji apu ashim raaq thunglam tallam atha etho nga ma haqkan tang sha jin tathey eq ma kam atha etharin i tinmong na tinmat ahung ang ajo nga chamtho ahung.