Luke 8:14 - Muklom

¹⁴ Su tham jaktung na uli qhat aa sha irimal miq, bara utat eq aa, etharin jio tinthin etho likti nginsang etho rollung sungrang tinthin tungkang o uli sha min moq.

ASII LAKDAP Bible (BSI)

¹⁴ Tsamlai wiijam kiimko rang babaiqhü ba na arokti ka ara. Maiq ümriiti riiwa Shiikeawe bomtsi ka taitlo. Shamtaq, mangjong han-ngam miitu chapa tlaq kriiraq, kiimaq tsiiq nai nyam ma ranphan tlaq kiimaq mangjong han-ngam peo lam phan tiima tsantsii kriiraq kaqhotlo. Raüta, tsangshiq kamtsantsii ka tsingo mak bikitlo. Kriiti ka tsamlai shuk cham mong na arokti maq shiiton tlo.

Hawa Naga Bible 2001

¹⁴ Shuiuq jungx yaz nuex vdvy vlix kuex bomjungc tay wvnc yix maq, rvwvlc tvmaung lvmx, rungx vwanx lvmx nuiyc sahtok sapawx yaungc roc thuinz mvrc wvnc vtueq luimz wvnc ningkhvnc nuex vlix kuex mkaq muinz thuey muq rulc rv-ngvlc yaq jix ngoc rvtueq.

Luke 8:14 Referencias Cruzadas

Matthew 13:22

Su bangna qhat aa uli sha iri miq mal, bara Shkewa raaq tat aa etha otho iri rollung tinthin etho tanglom angma tinthin eq Shkewa raaq sha damnak aa etho ning thiwang bangti tingo moq.

Mark 4:19

etharin rollung tinthin etho lik aa ngin ma ramtey etho adak tangwang tathin tak eq iritang thaji raa Shkewa raaq khipchak aa etho ning chamtho tingo moq.

Luke 16:13

“Utang eq tho tangtey ani qhawa ma jin ang moq angna. Piq aa ashey sha miiksuk eq na etho washey shima tinmat eq na; etha ang moq o ang ajo, piq ashey jaktáng o jaqhal eq tong na etho washey tha shingchak eq na. Nim sha Shkewa ni likti ngin sang thani qha ma jin ang min ang nin.”

Luke 21:34

“Rangtung eq tong inn! Phaksat tang etho mokpang eq etho iri rollung rima ahan tathin eq nak tong inn. Irimal ang ajo eshi saal sha rikla thaman mal thupha na.

Luke 8:13

Longkit náng qhatta tha irimal miq, bara raaq tat eq sungrang eq han aa. Etharin uchíng sha haqmong náng wang moq; ning aa chomwey rangma han aa, etharin ning tari ma rangham thu ajo, ning eshiwang qhat aa.

Luke 8:15

Etho haq qhal náng qhat ta uli sha irimal miq, bara jaqhal miq asing wang tin eq tat aa etho jaqhal eq shing aa etho eshiwang li qhal thalat chey ro ang aa.”

Luke 8:7

Chamtey tey uli tha su thamna qhatta, etho eshi tang tha tat phuk eq cha atho sutham they qhipchak eq ti ta.

John 15:6

Utang otho i tinmong o tong moq ang ajo, piq sha irimal uking uphak mal bara bichak eq na etho uqhuk ang ti aa, etho uking uphak tang sha thajoq eq walnáng bichak na etho ning sha ujung ang ti na.

1 Timothy 6:17

Iri mingkang tanglom miq tangma tharangka moq angma etho kalo thun aa lik aa ngin sho tungmang shing moq ma raaqkhat kot u. Etharin ning aa Shkewa o tungmang cham shing aa bara hiqtang sungrang thaji tinlak eq kot aa.

2 Timothy 4:10

Chammatakoi Demas aa iri mingkang ma tinmat eq nga shingchak eq qhing chuwang ta etho piq Thessalonica samhaq náng qhing chuwang ta. Crescens Galatia náng qhing chuwang ta, etho Titus Dalmatia náng qhing chuwang ta.

Hebrews 6:1

Eshirangma Khristo tung aa raaq phang tatal wang, hiqtang aching tatal konáng ka ni. Utik ang ching jaksom wang tin thawel tung aa raaq etho Shkewa ma kam tung aa raaq,