Luke 21:34 - Muklom

³⁴ “Rangtung eq tong inn! Phaksat tang etho mokpang eq etho iri rollung rima ahan tathin eq nak tong inn. Irimal ang ajo eshi saal sha rikla thaman mal thupha na.

ASII LAKDAP Bible (BSI)

³⁴ “Namshiq ka honkam shat maq si rong laq! Namshiq ka che nyang dungsea peosea na nai mungkang han-ngam miitu chapasea niili ka, naqmo chü rongkiq. Kra Ranaiq raq namshiq ka

Hawa Naga Bible 2001

³⁴ “Nuimshiq kuex phuiuz bac, svytac, joal juk pawc vtueq rullungx tvraungx lvmx tvkoc rvwvlc tvmaung lvmx htenc rueq nuimshiq kuex puingc taungx wvnc muq mruez shueq, honc lvmz hvt rvshuinz, rvmuq ngoz ruiux khac phox shuex Raungnuiyq kuex bix juimz yaq ikhoc nuimshiq htauk nuex huingc rvhet laz httuiuc wvnc tuex.

Luke 21:34 Referencias Cruzadas

Matthew 13:22

Su bangna qhat aa uli sha iri miq mal, bara Shkewa raaq tat aa etha otho iri rollung tinthin etho tanglom angma tinthin eq Shkewa raaq sha damnak aa etho ning thiwang bangti tingo moq.

Mark 13:9

“Nim ni nim rangtun eq tong inn. Nim sha lo eq khaphung náng solkat phanin, etho nim sha synagogue tang na wat pha nin; i tungtang aqhal sungrang raaq tatat rangma ajong miqtang nia lungwang jakho o thalang phanin.

Mark 4:19

etharin rollung tinthin etho lik aa ngin ma ramtey etho adak tangwang tathin tak eq iritang thaji raa Shkewa raaq khipchak aa etho ning chamtho tingo moq.

Luke 10:41

Teyhungwa aa batta, “Martha, Martha! Nang aa phanrip somlo eq tinthin tathin tak u.

Luke 12:40

Etho nim tho kacha eq tong inn, chammatakoi bari rangham raa tathin tho tathin min eshi rangham sho Miqna Sa sha kaphana.”

Luke 17:3

Ethi rangma nim aa chamlang somlo inn shi tathin tak eq somlo inn! “Nim no aa ngarey somlot somlo aa ta ang ajo piq shima kha u etho piq ngarey wang kaley ajo piq shi tolchak u.

Luke 21:35

Iri mingkang miqtang thaji ma iri tang raa thupha na.

Luke 21:8

Jesu aa batta, “Thaji kowang rangtun eq tong inn; dipkup raaq battan phin jo nak han inn, imiing som eq daqhan miq rong thu eq batphanin, ‘Nga raa piq tha!’ Etho, ‘Rangham tha thuk ma arelna sey!’ Etharin ning ji nak phan inn.

Luke 8:14

Su tham jaktung na uli qhat aa sha irimal miq, bara utat eq aa, etharin jio tinthin etho likti nginsang etho rollung sungrang tinthin tungkang o uli sha min moq.

1 Corinthians 5:11

Etharin nga ira bat phang, chamtey miq uhantey ta bat aa, etha o tho piq sathuk jaksomtey, ngin ma ramtey, shila shumnuk tey, miqdak ma manthun kot tey, khamling tey etho ahut ang ajo irimal miqtang jamoq nak kara inn. Ning jamoq phaksat tho nak rum phaksat inn.

1 Corinthians 6:10

ahut tang, ngin ma ramtey tang, qhammok qhampang tang, adak miq ma jashit battey tang, hutdip tey tang, irimal miqtang Shkewa rangmungtan náng jinnop moq angna.

Galatians 5:20

shila shumnuk, mantan jaksom, miiksuk, thadan, ngiljo, tinqhat, piq ni piq rangma tathin, miq jaktung na adak adak wan ang aa,

Philippians 4:6

Chamlang raaq ma tho nak tathin inn, etharin thaji raaq shima romtam chu inn, etho kechu ajong kot eq nim raaq shi Shkewa ma bat inn.

Hebrews 12:15

Shkewa ráng manchan wang ngik moq angma rangtun eq tong inn etho utang tho akha bangchíng wang thalattey akha bang mal ang moq angma etho iri tungkang o daqhan miq thanan moq angma jaqhal eq siin inn.

2 Peter 3:10

Etharin Teyhungwa saal ahut mal thupha na. Ethi saal tho mungtan sha jujong aa jol chuwangna, etho iriwang thaji tang sha wal wang khamti eq shiti na, etho mingkang nia chamtan tangwang tang sha phung na.

2 Peter 3:14

Eshirangma i noknu nia wa tang, nim aa eshi saal sha ban inn jo, Shkewa relna asang nia jaq moq ang rangma etho piq jamoq nungmay eq tong ching.

Revelation 3:3

Eshirangma, nang aa chamal eq thung kap tu etho tat tu, eshi tasik u; eshina tong u etho tin kaley u. Ujib wang shat mu ang ujo nga ahut mal thupha náng, etho nga bari rangham o ba jamnáng thupha náng sha nang aa baluk o tho sam mu ang nu.