Luke 16:15 - Muklom

¹⁵ Jesu aa ning ma batta, “Nim raa hun miqtang jakho o nim ni nim ma jaqhal takhi inn etharin Shkewa nim tinmong sha usam eq phin. Chammatakoi miqtang eq barima jaqhal tathin aa sha Shkewa chikrik aa.

ASII LAKDAP Bible (BSI)

¹⁵ Kriikha maq, Jesuq raq tsangshiq ma nguto, “Namshiq ka maiqse makki na athuk atsom maiqse ikha tiichan ne lanta sitlan. Shatmaq, namtsan tsii kriika, Shiikeawe raq asap. Jamkhano ngukla, maiqse raq jamlai wa pinthum ara phan nguta shreng tlaq, kriika Shiikeawe makki na thiihü.”

Hawa Naga Bible 2001

¹⁵ Yesu rueq tsuingshiq muex, “Nuimshiq rueq miqmac shauk vgvnz kuex tsuingrux jix ikhoc miqmuik lawc nuex kvyaungx shaungx vtuinx, yuq muinz Tishox rueq nuimshiq thuinz vmungx kuex tuiuz yaq. Yvmx khoc lac ngoz ruiux lec miq rueq vhtawz vtsanz raungc raq yaq hup svmx htenc kuex Tishox khaungkac nuex htawz guez yaungx yaq.

Luke 16:15 Referencias Cruzadas

Matthew 23:5

Ning aa chamtan jaksom sha miq dak ma takhi rangma som aa, ning aa Asang likwit lik ka khatlo jakna etho khang na ajong eq khak aa etho ning aa khat bal tha thalo aa.

Matthew 6:16

“Nim wokcham tong inn jo, takhi eq somtey mal nak tong inn. Ning aa miq ma takhi rangma, thalkho tasang hung aa tong aa. Nga nim ma asing batphang, ning aa jaksom thang thaji jin kap sey ta.

Matthew 6:2

“Nim aa miq ma chamli lang ko inn jo, takhi eq somtey tang mal synagogue nia miq lam o takhi eq nak som inn. Ning aa miqtang jakho o rapney aqhal miq ta takhi ma irimal somlo aa. Nga nim ma batphang, ning aa jaksom thang thaji sha kap sey ta.

Matthew 6:5

“Nim aa romtam chu inn jo, takhi eq somtey tang mal nak som inn. Ning aa miq ma takhi rangma, synagogue na etho miq lam kang na lang eq romtam chu aa. Nga nim ma asing batphang, ning aa jaksom thang thaji jin kap sey ta.

Luke 10:29

Etharin thong tatalteywa aa piq ni piq sha aqhal ta shing ma nuk ta. Ethirangma piq aa Jesu ma pitta, “I himkhung thaktey thi utang aa?”

Luke 11:39

Etho Teyhungwa aa piq thima batta, “Nim Phorisi tang, nim aa khung aa kok rangkho wang jaqhal eq qhol inn etharin nim tinmong na kaplap tinthin nia anaan wang shey aa.

Luke 18:11

Phorisi wa tha lang eq piq ni piq ma raaq eq romtam chuta, ‘Shkewa, nga nang ma kechu ajong kophang, chammatakoi nga miq dak mal ang mong, nga ahut ang mong, jashit jaksomtey ang mong etho sathuk jaksomtey ang mong; nga nang ma kechu ajong kophang chammatakoi nga iri phunta khoktey mal tho ang mong.

Luke 18:14

Jesu aa batta, “Nga nim ma batphang, iri phunta qhekteywa Shkewa jakho na miq qhal ang eq qhing chuwang ta, etho Phorisi miq tha irimal ang moq angta, chammatakoi barey piq ni piq ma ajong ta tathin aa sha tinin ma angna, etho barey piq ni piq ma tinin ta tathin aa sha ajong ma angna.”

Luke 18:21

Eshiwa aa batta, “Nga nijang wang duk iri tang thaji thong raa tat eq qhang phang.”

Luke 18:9

Etho Jesu aa miqtang ma barey piq ni piq ma chen jaqhal tathin eq adak miqtang ma jashit ta tathin aa eshi miqtang ma iri raaqshiton raa batta.

Luke 20:20

Ethirangma ning aa ashey lam bita. Ning aa miqtang thima miq qhalta takhi eq Jesu ma raaq pit eq thalot ma ngin kota, irimal lam o ning aa Jesu tha Rome governor jaknáng khaphung kotma tathinta.

Luke 20:47

Ning aa notinu tang lik aa ngin sha junnam eq dipkup aa, etho takhi ma rapney alo lo hal romtam chu kot aa. Ning sha thaji pheywang eq jashit tsamnang na!”

John 2:25

Miqtang miikkhi piq ma ràa moq angta, chammatakoi piq aa miqtang tinmong na chamlang atha usam eq aa.

John 21:17

Jesu aa juktom piq ma wey batta, “John miqwasa Simon, nang ngama tinmat ang phu i?” Juktom sey pit atho Peter tin rapney shitta, etho piq aa batta, “Teyhungwa, nang aa thaji usam eq u, nga nang ma tinmat ang phang ta tho usam u.” Jesu aa piq ma batta, “I kelwut tang ma taphak sat u.

Acts 1:18

“Jashit jaksom wang ngin eq Judas aa pik rita, ethi haq thina piq ni piq thabit eq tita; uwok tha tharap eq uji tang tha thalat ta.

Acts 1:24

Ethi jio ning aa romtam chuta, “Teyhungwa, nang aa thaji tin mong samtu, ethirangma iri ni wang bara nang aa tal tu eshi í ma takhi phu.

Acts 15:8

Etho thaji tinthin samtey Shkewa aa Gentile tang ma tho chamal hiqtang ma kot taphi thimal piq Asang Tsija kot eq ning ma tho tinmat ang aa ta takhita.

Romans 3:20

Chammatakoi thong jaksom wang utang tho Shkewa jakho na miq asing ang moq angna, etharin thong tungkang o hiqtang aa ngarey usom eq ti ta usam eq i.

Romans 8:27

Tin siintey Tsija tinthin chamlang aa sha usam eq aa. Chammatakoi Tsija eq Shkewa miqtang rangma utin mongtham mal romtam chu aa.

1 Corinthians 4:5

Ethirangma, nim atho khakla rangham thuwey phamoq nángduk nak phung inn. Teyhungwa kat náng thula ban inn. Piq aa rangnak na tapu eq somlo aa tang sha rangwung náng thoksol phana etho tinmong o tapu shing eq chamlang ta tathin aa tang thaji sha usam eq ma kot na. Etho eshi rangham tho Shkewa aa thaji miqtang sha chamal rangka kap ching shimal kot na.

1 Peter 3:4

Etharin nim shamqhal sha nim tin o ang ching, iri tinin nia tinmang shi nak cham thun aa, chammatakoi Shkewa miiksiin na ira ajong.

1 Peter 5:5

Irimal hun jaro tang, nim tho miqlang tang jaktáng o tong inn. Nim thaji ashey eq ashey nong rangma tinmang ang inn, chammatakoi Shkewa tharangkatey ma miiksuk aa, etharin tinmang tey ma tinshit aa.

Revelation 2:23

Nga usa tang sha tatik chak náng; eshi jio nga hun tin siintey nia khoti siintey ta thaji mondoli tang aa usam sey na. Nga nim thaji ma ujaksom mal uthang kotnáng.