James 5:7 - Muklom

⁷ Eshirangma i no nia pho tang, Teyhungwa thok saal náng thula thanan shing inn. Pik o somtey eq mingkang wang thangchan utingo sha tungmang shing eq phang nia uthun rangchey rangma thanan eq ban aa.

ASII LAKDAP Bible (BSI)

⁷ Phuno nyinotiim lei, nashiq Tatiwe ka misaüki shaq wiiwii, litkot chamchao ümtinkhan wa riihum wan tlan kra, tsan tiibum lanta nin wan ruq miili si rong laq. Liimanta, wak shamseati we riimin la, awak wa tsam ka midong man shaq wiiwii, tsan tiibum raüta, khekham maq khe tlo. Apaiq raq jurai liirai rajun saü tlaq kra, kheshat maq sitlo.

Hawa Naga Bible 2001

⁷ Kvkhoc rvtueq phunox bix lex, Taungjix httuiuc kaz yaq nuex httuiuc laz nanx vtueq bvmc wuez shuinz. Wuik yauk shuimc svy jix miq washiz kuex piq wuik vnax wawc wvhtawz vthuey vngoz htenc tvdung kuq shuex kuex yvmx khoc lac bvmc yaq nguinx lawc shuinz. Piq kuex thuinz vluz maq raungyunc vphaungc nuiyc vtvsuip yunc kuex lvp laz juing bvmc yaq.

James 5:7 Referencias Cruzadas

Matthew 16:27

Chammatakoi, Miqna Sa urangkamwa tang jamoq, uwa phun amun o kaa phana etho piq aa thaji miqtang ma ning jaksom rangma jakthang kona.

Matthew 16:28

Nga asing batphang, Miqna Sa tha Lungwang ang eq kapha sha khi wey min náng duk, thanga iro lang aa chamtey miqtang sha ti moq angna.”

Matthew 24:27

Chammatakoi chammal ranglip saalkhong kowang thalat eq sanop ko náng thok lip aa, ethimal Miqna Sa sha ka phana.”

Matthew 24:44

Ethirangma nim tho salwet ban kacha ang inn, chammatakoi nim aa tathin tho tathin min rangham sho Miqna Sa sha ka phana.”

Luke 18:8

Nga nim ma batphang, piq aa nim rangma kalo khakla khaphung phanin. Etharin Miqna Sa kat rangham o mingkang na kam thupha na i?”

Luke 21:27

Eshi rangham tho, Miqna Sa rapney tarong wang etho phun amun phun jamoq kaphana.

Luke 8:15

Etho haq qhal náng qhat ta uli sha irimal miq, bara jaqhal miq asing wang tin eq tat aa etho jaqhal eq shing aa etho eshiwang li qhal thalat chey ro ang aa.”

John 21:22

Jesu aa Peter ma batta, “Nga wey kawey pha mong náng thula piq sha athangrang tong aa ta nga nuk ang ajo, nang ma chamlang aa. Nang aa iji phan phu.”

John 21:23

Ethirangma ujiphantey tang jaktung thina raaq qhong ta, eshi ujiphantey tha ti moq angna. Etharin Jesu aa piq sha timoq angna ta bat moq angta, etharin “Nga wey kawey pha mong náng thula piq sha athangrang tong aa ta nga nuk ang ajo, nang ma chamlang aa” ta batta.

Romans 15:4

Chamtan raaq jakho wang thawit ta, eshi tang sha hiqtang tatal rangma ang aa, irimal ang eq asang likwit wang thanan nia tin tharong kap eq hiqtang aa tungmang cham kap i.

Romans 2:7

Barey jaqhal jaksom som chey roq eq na etho phun amun, rangka etho timoq rollung sha bi aa, ning rangma Shkewa pattuk rollung kot na.

1 Corinthians 1:7

Req nim aa hiqtang Teyhungwa Jesu Khristo wey kat sha ban náng thula nim rangma thaji sunmaan sha ang aa.

Galatians 5:5

Hiqtang aa bara asing rangma tungmang shing i, esha ban i, esha Tsija tungkang o hiqtang aa kap i.

Galatians 6:9

Hiqtang jaqhal jaksom sho nángtik ching ang moq, chammatakoi hiqtang anung ang mi ang ijo, khakla rangham o amin sha kap qhan ni.

Colossians 1:11

Piq phun amun tarong mal uphan aching wang rong chey inn, irimal ang eq nim ma uphan unan etho tinthanan angna.

1 Thessalonians 1:3

Í aa hiqtang Shkewa nia Wa jakho na nim kam jaksom etho nim tinmat jaksom etho hiqtang Teyhungwa Jesu Khristo ma nim tungmang sha salwet tasik i.

1 Thessalonians 2:19

Í tungmang sha nim raa hun, í sungrang sha nim raa hun, etho hiqtang Teyhungwa Jesu kat rangham o piq jakho o í nim tungkang o tharangka ni.

1 Thessalonians 3:13

Hiqtang Teyhungwa Jesu eq piq asang miqtang jamoq kat rangham tho hiqtang Shkewa jakho na nim khakla nia asang rangma nim tin shi cham tharong aa.

Hebrews 6:15

Abraham aa saal daqhan tinthanan eq banta etho Shkewa rangtum ta tha piq aa kapta.

James 4:11

I no nia pho tang, ashey eq ashey ma jashit ta nak raaq inn. Chamtey uno nia pho tang sha jashit ta raaq tia phung ajo piq aa thong sha jashit ta raaq aa etho phung aa. Nim aa thong sha phung inn jo esha tat mintey etho esha phung ma tongtey.

James 5:10

I no nia pho tang, bari rangsamal tang raa Teyhungwa miing wang wanta, ning sha tsamnang na thanan rangma ashey raaq tathaktey ta tathin inn.

James 5:3

Nim aa hun aa cha tha ram eq sey phak ta; etho eshi ram shey nim ma miikkhi kona etho wal mal nim hanngam sha phakna. Nim aa uthun saal tang rangma ma lik aa ngin thajoq tin.

2 Peter 3:4

etho ning aa bat na, “Piq kat rangtum shi barina? Í tey aa wa utik sey angta etharin thaji tha mingkang phanghun wang angta shimal hun.”