Acts 1:16 - Muklom

¹⁶ Piq aa batta, “Ipho notang, Jesu tha lot ma miqtang ma takhitey Judas tung aa raa Asang likdap na Asang Tsija nong wang David aa ban batta, eshi tang sha tahom ang ching.

ASII LAKDAP Bible (BSI)

¹⁶ “Phunainotiim le, Asii bomtsi na Asii Wenyi raq Dawit lümaq Judas Iskariot miitu jamlai bom wa tiithaitaq kriika, ümchaü riikhaqli she kuwato. Judas ka siwe ma ja raüta, Jesuq ka tlapto.

Hawa Naga Bible 2001

¹⁶ Piq rueq, “Phunox hez lex, Yesu lvp jix hez muex lvmx shvlc kuy jix waz Yuda duix nuex tvhungx vtueq, mvnnuex Dawid nuix maq Vsawc Siyac rueq tvluz nuex vjungx shec Rumvrc luik kuex hungx wvnc tuex shex.

Acts 1:16 Referencias Cruzadas

Matthew 26:14

Ethi jio asi ani ujiphantey tang wang ashey Judas Iscariot sha ajong tingwa tang relnáng kata,

Matthew 26:47

Jesu raaq chey atho, wasi wani ujiphantey tang wang ashey Judas tha thuta, etho ujam thina ajong tingwa tang etho miqlang tang aa takat miqtang jan ni kantha som eq thuta.

Matthew 26:54

Etharin Asang likwit na eshimal ang ching ta taka ajo, eshimal hun cham tahom aa.”

Matthew 26:56

Etharin eshi tang sha rangsamal tang raaq asing angma angta.” Ethi jio ujiphantey tang thaji piq tha shingchak eq jol chuwang ta.

Mark 12:36

Asang Tsija wang David ma tharaaq ma kota: ‘Teyhungwa eq i Teyhungwa ma batta, Nga ba ralwa tang sha ba jaakhung o shing wey moq nángduk nang ijakqha kona tong nu.’”

Mark 14:43

Jesu aa raaq batchey atho, Judas, bara wasi wani mong wang ashey angta, ethináng thuta. Ajong tingwa tang, thong tataltey tang etho miqlang tang aa takatta miqtang, ning jamna jantong etho kantha som eq thuta.

Luke 22:47

Jesu aa iri raaq raa bat ko chey atho, waanshey kachey tapha etho asi ani wang ashey Judas tha ning jakho kho kachey tapha. Piq tha ka eq Jesu tha chip ta.

John 10:35

Hiqtang aa usam eq i Asang likwit na chamlang taka tha ira salwet rangma asing; etho Shkewa bari miqtang ma uraaq bat aa, eshi miqtang shima hun rangwa tang ta hal aa.

John 13:18

“Nga nim thaji tung aa raaq batchey phamong, nga taltáng miqtang tha usam eq ang. Etharin Asang likwit na chamta thawit aa sha asing ang ching, ‘I banlo phaktey sha iralwa ma khong ta.’

John 17:12

Baluk náng thula nga ning jamna ang táng tho nga ba miing wang bara nang aa nga ma kota phu, ning tha hom táng, etho nga ning tha thalun shing táng etho ning wang utang tho mamoq angta, ashey dang hun tashit chak ta, bara ushit hun ang ching angta. Irimal ang eq Asang likwit na chamta batta tha tahom ang na.

John 19:36

Iri raaq raa Asang likwit na batta tha tahom ang rangma angta, “U king aa rang tha tukwat moq angna.”

Acts 1:20

“Chammatakoi Psalms likdap na tho irimal tha wit aa, ‘Piq him sha changpol angna; eshina utang tho tong moq angna.’ Irimal tho likwit na atha, ‘Piq kaley o miq dak angna.’

Acts 13:15

Moses thong etho rangsamal tang aa likka phat jio, synagogue wang ajong tang aa raaq taholta: “Nokwa tang, miqtang tin tharong ma nim tin raaq atha ang ajo jin bat eq inn.”

Acts 13:38

Ethirangma Israel pho notang, nim aa iri sam inn, Jesu tungkang o ngarey tolchak tung aa raaq sha í aa nim ma phanchan phi.

Acts 15:13

Ningni raaq wan thun jio James lang eq batta: “Ipho notang, i raaq tat inn!

Acts 15:7

Etho daqhan raaq wan jio Peter tunshat eq ning ma batta, “Ipho notang, Gentile tang tho tat eq han ma ning o tungtang qhal phanchan ma phang wang hun Shkewa nim wang nga tal taphang ta nim aa usam eq inn.

Acts 2:23

Iri Jesu raa, nim jaknáng kot chak sha Shkewa jakho wang tathin ta, etho irimal hun angta. Etho piq sha nim aa gentile miqtang ma kot eq bólq o tatik chak tin.

Acts 2:37

Ira tat eq ethina tongtey thaji miqtang tin tashit eq Peter etho adak apostle tang ma batta, “I pho no tang, í aa chamlang somlo i?”

Acts 22:1

“I aa Israel miqtang, nga ni nga thalun ma chamlang raaq bat phang shi tat inn!”

Acts 23:1

Paul aa Rongh miqtang konáng achal eq siin eq batta, “I no nia pho tang nga thaney náng thula Shkewa lam na chamal tong táng shima ithung alang sey.”

Acts 23:6

Paul aa eshina langtey miqtang wang chamtey tey Saddusi etho chamtey tey Phorisi ta khita etho piq aa Rongq ching konáng ring eq batta, “I no ni pho tang, nga ashey Phorisi miq, etho Phorisi miqwasa. Utik tey sha weyjey angna ta tungmang tungkang o nga iri Rongq na lang ang.”

Acts 28:17

Saltom jio Paul aa Jehudi solwa tha raaq wan ma halta. Ning rong tathung atho, piq aa batta, “I no nia pho tang, hiqtang miqtang nia hiqtang thong tashit ma chamtho somlo mong angtáng, etha otho nga raa Jerusalem náng lo eq Rome na chuk náng sak taphang.

Acts 28:25

Ning ni ning jaktung o jin pung moq ang eq ning eshiwang chuwang ta, chammatakoi Paul aa batta, “Asang Tsija rangsamal Isaiah ta ning rangma batma kotta!

Acts 7:2

Stephen aa batta, “Iwa etho ino nia ipho tang tat inn! Hiqtang tey aa wa Abraham Haran náng ka eq tong wey moq jakho Mesopotamia na angta tho phun amun Shkewa piq ma takhita.

1 Peter 1:11

Ning aa iri lunwan raaq baluk o angna etho chamal angna ta bita. Etho bara Khristo Tsija eq ning tin na tasam ta iri tung aa raaq raa ning aa sam ma tathin ta. Khristo tsamnang tung aa raaq etho eshi jio phun amun thupha na ta Khristo Tsija raaq batta.

2 Peter 1:21

Raaqtóng sha baluk o tho miq tinthin o ang moq angta, etharin rangsamal tang aa Asang Tsija tungkang o Shkewa ching kowang raaq ta.

2 Peter 2:21

Khakla lam sha sam eq, ning ma asang raaqkhat kot ta esha tat moq phey náng eq, esha sam moq o aqhal ang wang ta.