1 Peter 5:3 - Muklom

³ Bari miqtang raa nim ma kot ta, ning shi kachang chang aa jaktáng o nak shing inn, etharin ning aa tinkot eq nim ji cham phan aa.

ASII LAKDAP Bible (BSI)

³ Nam wokhong na siti phungtuti ka aming khuthaq miika naq shiipuq rongkiq. Shatmaq namshiq maiqmii rilung jaqsham wan tlan kiimaq tiichhi kuq lanta rüm rong laq.

Hawa Naga Bible 2001

³ Nuimshiq rueq shunshvlc tvkoc nuimshiq yauk nuex vlekuq shec phungc kuex guimz gay roc thuinz maq rvmuq maq, khelbuenx kung tvkoc honc vlayx vhvlx jix yaungx wuez kuinz.

1 Peter 5:3 Referencias Cruzadas

John 13:15

Chammatakoi nga nim ma takhi kot eq taphang, irimal ang ajo chamal nga nim jamoq somta phang, nim atho ethimal hun som inn.

Acts 20:28

Eshirangma nim ni nim shi rangtun inn etho Asang Tsija eq nim o kot chak taphin kelwut tang shima rimrang inn. Shkewa mondoli shi rimrang inn, bara piq aa Umiqwasa tahi wang ringta.

1 Corinthians 11:11

Etharin Teyhungwa o miqnu ahung na miqwa sha ang moq etho miqwa ahung na miqnu sha ang moq.

1 Corinthians 3:5

Apollos utang aa? Paul utang aa? Í Shkewa sanga tang hun, bari tungkang o nim aa han tin. Teyhungwa í ma chamlang somlot ma kot taphi, í aa ira hun somlo i.

1 Corinthians 3:9

Chammatakoi í kashey Shkewa jaksomtey tang. Nim raa Shkewa pik. Nim raa Shkewa him.

2 Corinthians 1:24

Í aa nim ma chamlang batta phi ira hun han inn ta í aa nim ma bat phami; nim kam na rapney arong ta í aa usam eq i. Asing tha, nim sungrang rangma hun í nim jamoq kara eq somlo i.

2 Corinthians 4:5

Í phanchan raa í tung aa raaq ang moq; í aa thaji miq ma Jesu Khristo raa hun Teyhungwa ta phanchan i etho í aa Jesu rangma nim sanga tang ta phanchan i.

Philippians 3:17

I no nia pho tang, nim thaji nga qhing ang mal qhing inn. Nim aa í jiphan phin thimal í mal tongtey adak miqtang shi tho uphan eq inn.

Philippians 4:9

Nim aa bari raaq raa iching wang tatal tin, iching wang kap tin, iching wang tat tin, etho bara nga somlo ang tha nim aa khi tin, eshimal somlo inn. Etho nungmay kottey wa Shkewa nim jam na tong na.

1 Thessalonians 1:7

Iri rangma nim Macedonia nia Achaia na uhantey tang ma lam takhitey mal ang tin.

2 Thessalonians 3:9

Í aa nim ching wang nong jin chuk eq wang taphi, etharin nim jiphan rangma lam takhi ma í unuk ang ti.

1 Timothy 4:12

Utang eq tho nang jaro ta nak cham siin phu. Etharin ba raaq wan tit na, dangjang na, tinmat na, kam na etho asang na thaji uhantey tang ma raaq tathak kottey ma ang u.

Titus 2:7

Thaji na nang ni nang sha jaqhal jaksom na raaq tathaktey ma ang nu; ba raaq tatal sha asing nia arong ang ching,

1 Peter 2:9

Etharin nim talchol miqtang, lungwang tingwa tang, asang miqtang, etho Shkewa miqtang, eshirangma barey nim rangnak wang piq patja rangwung shináng hal taphin, piq phun amun shi phanchan inn.