Tatatai 9:4 - Label

⁴ Di atai la mang gong la alaulau a ulai te na rakrakan hanua, o a rakaila otleng. Lar alaulau a taraila ka ning bel ta akinalang ane God ting na patarinla.

Tatatai 9:4 Referencias Cruzadas

Matiu 24:24

Anasa al asasongo na Karisito, pa al asasongo na propet lar hanot. Lar tol al tatatnan akinalang pa al ututna na kulkulan sur lar asongo pas a tarai ning e God ka aslang pas la, ning ot lar tolsot pasi.

Epeses 4:30

Pa gong mulo abal maris a Totoh a Inguna e God, a akinalang ning e God ka aslang tar mulo onoi mang mulo anunai, sur a pukakiar ning e God ir alangolango mulo.

Tatatai 14:1

Lamur a tai, pa oroi pas a Nat a Sipsip i tur saot na Mangir Saion taum ana 144 a rip a taraila, la ning di ka tumus tar a risan a Nat a Sipsip pa a risana e Tamana otleng ting na patarinla.

Tatatai 6:6

Pa longor takai a utna i arlar ana elngen takai na arpotor indiat a lalaun na akakes i atongi mang, “A matana utna ir abit kol. Dir lou takai a kilogrem a wit ana takai a denaria, pa dir lou natol a kilogrem a bali otleng ana takai a denaria. Ika gong di alaulau naur a utna ne: a wel a oliw pa wain.”

Tatatai 7:1

Lamur tana, a oroi diat a angelo la tur ting na diat a matmatana wuwu te na rakrakan hanua. La tong alar pas diat a matmatana wuwu sur gong la wus a hananuala, pa na puka tasi, pa na rakai.

Tatatai 8:7

A ningnigo na angelo i wus anuna tawuru, pa kiar a ais i hanot taum ana iah ning di ka tol taman tari ana suluk, pa di minggen purum seni te na rakrakan hanua. Di salar a rakrakan hanua rop ona natol a pukna pa takai a pukna miting na natol a pukna i irnga rop. Di salar a rakaila rop ona natol a pukna pa takai a pukna miting na natol a pukna i irnga rop, pa ulaila rop otleng ning la gomo, la irnga rop.