Tatatai 7:1 - Label

¹ Lamur tana, a oroi diat a angelo la tur ting na diat a matmatana wuwu te na rakrakan hanua. La tong alar pas diat a matmatana wuwu sur gong la wus a hananuala, pa na puka tasi, pa na rakai.

Tatatai 7:1 Referencias Cruzadas

Matiu 24:31

A tawuru ir tangis kol pa a Nat a Barsan ir sune purum anuna angelola, sur lar ben taum anuna tarai ning ka aslang pas la. Lar ben taum la tagun diat a matana wuwu, miting na ning a ris a rakrakan hanua tuk tumo na ning a ris.

A Wakak a Warwara o e Iesu Karisito i tumusi 13:27

Pa ir sune anuna na angelola sur lar ben taum a taraila ning i aslang pas la miting na diat a matana wuwu, miting na ris a rakrakan hanua tuk utumo otleng ana ning a ris a rakrakan hanua.

Tatatai 20:8

Pa ir han suir asongo pas a tarai miting na matanitula ting diat a matana wuwu, na tarai ning di atong la e Gok pa e Magok. Ir ben taum la sur a harum. A wawasinla ir arlar ana woio miting na hang.

Tatatai 6:6

Pa longor takai a utna i arlar ana elngen takai na arpotor indiat a lalaun na akakes i atongi mang, “A matana utna ir abit kol. Dir lou takai a kilogrem a wit ana takai a denaria, pa dir lou natol a kilogrem a bali otleng ana takai a denaria. Ika gong di alaulau naur a utna ne: a wel a oliw pa wain.”

Tatatai 7:3

I atongi larne, “Gong mulo alaulau na hanua, pa puka tasi pa na rakai, tuk ning milar suah tar a akinalang ting na patar a tena titol orosla ane God anundalai.”

Tatatai 8:7

A ningnigo na angelo i wus anuna tawuru, pa kiar a ais i hanot taum ana iah ning di ka tol taman tari ana suluk, pa di minggen purum seni te na rakrakan hanua. Di salar a rakrakan hanua rop ona natol a pukna pa takai a pukna miting na natol a pukna i irnga rop. Di salar a rakaila rop ona natol a pukna pa takai a pukna miting na natol a pukna i irnga rop, pa ulaila rop otleng ning la gomo, la irnga rop.

Tatatai 9:14

A elngen takai i atai a mundiono na angelo ning i tong anuna tawuru larne, “Ur pak sen diat a angelo ning di dot akes tar la ting na tnan malum Iupretis.”

Tatatai 9:4

Di atai la mang gong la alaulau a ulai te na rakrakan hanua, o a rakaila otleng. Lar alaulau a taraila ka ning bel ta akinalang ane God ting na patarinla.