Tatatai 5:1 - Label

¹ Lamur a oroi a buk ting na sot a kuna esaning i kes ana keskes a king. A buk ning di ka hin tari, di ka tumtumus rop tar ana naur a risna, pa di ka bulit alar tari ana mais a bulit.

Tatatai 5:1 Referencias Cruzadas

Tatatai 10:2

I tong pas a natar a buk ning di sira hini, kaning i sapang tar ting na kuna. I atur tar a sot a hana saot na puka tasi, pa kair a hana ting na piu.

Tatatai 4:3

Pa esaning i kes tar ana keskes na king, i talapor arlar ana naur a hat ning a matandiau i abit, ning di atong diau mang jaspa pa karnelian. Pa pakasir i tur talilis pas a keskes a king, i tatatai arlar ana wakak a hat ning di atongi a emeral.

Tatatai 4:9

Esaning i kes ana keskes a king, ning i laun tikin bel ir rop pa bel ir rop, diat a lalaun na akakes ne la aitna pasi, la hanrawai pa la atong wakak teteki. A tuka kamis rop ning la toli larne,

Tatatai 5:13

Pa a longor na elngen na akakes rop saot na langit pa te na rakrakan hanua pa tingui na piu pa tingui na puka tasi, a ututnala rop ning di akes la, la saksak larne, “Tetek esaning i kes ana keskes a king, pa tetek a Nat a Sipsip, dalar atong aitna pas diau, dalar hanrawai diau pa dalar aitna pas diau. Pa diar tong akes a rakrakai, bel ir rop pa bel ir rop.”

Tatatai 5:7

A Nat a Sipsip i han pa i kibas pas a buk miting na sot a kuna esaning i kes ana keskes a king.

Tatatai 6:1

A oroi ning a Nat a Sipsip i pilik sen a ningnigo na bulit miting na mais a bulit kaning na buk. A longor ning a halin diat a lalaun na akakes i arkabah ana elngena i arlar ana pungpugur mang, “Han ute!”

Tatatai 6:16

Pa la woiwoi tetek na tatatnan hatat pa na mangir mang, “Mulor punga alar mila, pa mulor bunur mila kusun a patarna esaning i kes ana keskes a king, pa kusun a balakut ana Nat a Sipsip!

Tatatai 8:1

Ning a Nat a Sipsip i pilik sen a ararop a bulit ting na mais a bulit, saot na langit, a keskes wowowon i arlar ana natol a bonot a minit.