Tatatai 4:7 - Label

⁷ A ningnigo na lalaun a akakes i arlar ana laion, a munaurna i arlar ana bulumakau, a munatolna a patarna i arlar ana barsan, pa mundiatna i arlar ana manigulai ning i rowoi.

Tatatai 4:7 Referencias Cruzadas

1 Korin 14:20

Na tastasik, gong a nuknukimulo i arlar ana kakakla. Ana toltol laulau i wakak sur mulor arlar ana kakak mermeremla. Ika, ana nuknukimulo, mulor arlar ana tatatnanla.

Tatatai 4:6

Ting otleng napir a keskes a king, ning a utna i tatatai arlar ana puka tasi ning di toli ana galas, pa i talapor kol. Ting na arpotor, diat a lalaun a utna la tur talilis a keskes a king, a kalso matanla i bonot arop a palaonla, salanigo pa tumo lamur.

Tatatai 6:3

Ning a Nat a Sipsip i pilik sen a munaur a bulit, a longor munaur a lalaun na akakes i atongi mang, “Han ute!”

Tatatai 6:5

Ning a Nat a Sipsip i pilik sen a munatol a bulit, a longor a munatol a lalaun na utna i atongi mang, “Han ute!” Ning a tai, a oroi pas a mutmut a hos salanigo tak. Pa esaning i kes saot ono, ting na kuna i tong pas a sikel.

Tatatai 6:7

Ning a Nat a Sipsip i pilik sen a mundiat a bulit, a longor a elngen a mundiat a lalaun na akakes i atongi mang, “Han ute!”