Tatatai 2:2 - Label

² A tasman anumulo na titol pa anumolo na rakrakai a titol, pa anumulo a tuntunur rakrakai ning mulo kilang a kankan. A tasmani mang bel mulo noren tar na laulau a tarai. Pa mulo ka lar tar la ning la atong la na aposel, ika belsur la na aposel momol, pa mulo ka oroi lalan la mang na tena asasongo.

Tatatai 2:2 Referencias Cruzadas

Matiu 7:23

Ar keles la mang, ‘Bel a tasman mulo. Mulo na tena laulau, mulor han masik kusun iau.’

Jon 6:6

E Iesu i atongi larne sur ir toho e Pilip. I ot ka tasman asaning ir toli.

Galesia 1:7

A asasaer ning, bel a Wakak a Warwara, ika onone dingla na tarai la aloklokron mulo pa la mang sur lar lingir a Wakak a Warwara o e Karisito.

Epeses 4:14

I maining bel ma dalar arlar ulak ana kakakla ning nunla tortorot i maler, arlar ana utna ning a wuwu taum ana top i minggen taltali utumo pa ute. Bel dalar mur a asasaerla anuna tena asasongola, ning la mang sur lar ben rongon a taraila taum ana nunla na namnamin a warwarala.

1 Tesalonika 1:3

Ning mitol nunung tetek anundala God a Tamandala, mitol nuk pas a ututnala ning mulo sira toli kamkamna ana numulo a tortorot, pa mitol nuk pas a titol ning mulo toli kamkamna ana numulo a marmaris, pa mitol nuk pas otleng anumulo na tuntunur rakrakai kamkamna ana numulo a keskes harnanai ana tortorot ana Leklek e Iesu Karisito.

1 Tesalonika 5:21

Mulor lar rop a warwarala pa a toltolla, pa mulor tong akes a wakak a toltol.

2 Timoti 2:19

Ika, e God ka suah tar a kama tortorot ning bel ir gulgule, pa di ka tumus tar a warwara onoi mange, “A Leklek i tasman la ning anunai.” Namba 16:5 Pa di ka tumus tari otleng mange, “Esining i atongi mang ai anuna Leklek ir gilam kusun a toltol laulau.”

Hibru 6:10

E God bel i sira tol ta utna ning bel i tostos. Bel ir duman sen pas anumulo a titol pa anumulo na marmaris ning mulo toli teteki, ning mulo ka nangan tar anuna tarai, pa kaning ot mulo toli.

1 Jon 4:1

Na halalik, gong mulo tortorot ororos ka ana tik ning i atongi mang a Talngan Tabu i saran tar a warwara teteki. I wakak sur mulor tohi sur mulor tasman lalani mang i tagun e God o bel, anasa a galis a propet asasongola kane ma na rakrakan hanua.

Tatatai 2:5

Mulor nuk pas anumulo a wakak a keskes lanigo ning mulo ka punga tar kusuni! Mulor lingir a nuknukimulo, pa mulor tol ulak a anumulo na titol ning lanigo mulo toli. Ning bel mulor lingir a nuknukimulo, ar hanot tetek mulo, par kibas sen anumulo na turtur a lam kusun a ngasna.

Tatatai 2:6

Ika takai a utna ine ning mulo toli i wakak: Mulo nget a titolla anun na tarai ning la mur a asaer ane Nikolas, ning iau otleng a ngeti.

Tatatai 2:9

A tasman a kankan ning i monong mulo, pa anumulo a kapan a keskes, ika mulo kes na leklek ot! A tasman a warwara laulaula ning dingla na tarai la atongi o mulo. La ning, la atongi mang la na te Juda, ika belsur la na te Juda, la tarai ane Satan.

Tatatai 3:1

“Ur tumtumus tetek a angelo anuna tarai a lotu tumo e Sardis larne: Na warwara ne anun esaning i tong mais a Inguna e God pa mais a nangnang. A tasman anumulo na titol. A tarai la atongi mang mulo laun, ika mulo ka mat.

Tatatai 3:15

A tasman anumulo na titol. Bel mulo kotkoto pa bel mulo laplapang otleng. A mang sur mulor kotkoto o mulor laplapang.

Tatatai 3:8

A tasman anumulo na titol. Oroi, ia ka sapang tar a taman salanigo tamulo, ning bel tik ir tagar lar pasi. A tasmani mang a rakrakaimulo bel i itna, ika mulo mur ot anuka warwara, pa bel mulo puai sen a risak.