Tatatai 2:10 - Label

¹⁰ Gong mulo matatan a kankan ning milau ir hanot tetek mulo. Oroi i, e Satan ir akas tar dingla na tarai o mulo uting na rumai a dodot suir lar mulo, pa mulor kilang a kankan ana ning a bonot a pukakiar. Mulor tur rakrakai ot ana anumulo a tortorot tuk ana pukakiar ning mulor mat ono, par saran tar a lalaun tetek mulo, larning di saran a arlou tetek tik ning i tolsot pas a arsoksok.

Tatatai 2:10 Referencias Cruzadas

Matiu 10:22

Pa taraila rop lar nget mulo anasa mulo anuki, ika esining ir tur rakrakai tuk anuna lalaun ir rop, e God ir alauni.

Matiu 10:28

Gong mulo matatan la ning la umkol ka a palaondi, ika bel lar umkol lar pas a ingundi. Mulor matatan esaning ir tol asot pasi sur ir alaulau a palaondi pa ingundi otleng ting na tnan iah.

Matiu 24:13

Ika esining ir tur rakrakai tuk ana araropna, e God ir alauni.

A Wakak a Warwara o e Iesu Karisito i tumusi 13:13

Pa taraila rop lar nget mulo anasa mulo anuki, ika esining ir tur rakrakai tuk anuna lalaun ir rop, e God ir alauni.

A Wakak a Warwara o e Iesu Karisito i tumusi 8:35

Esining i mangan alar anuna lalaun ir hirua, ika esining i noren sen anuna lalaun sur iau pa ana Wakak a Warwara otleng ir laun.

Luk 21:12

“Lanigo ning a ututnala ne belot la hanot, dir dat pas mulo, dir akadik mulo, pa dir dat mulo uting na rumai lotula sur dir warkurai mulo, pa dir akas mulo uting na rumai dodotla. Pa mulor tur na warkurai namatan a kingla, pa tatatnan ningnigola, anasa mulo anuki.

Jon 12:25

Esining i mang kol sur anuna lalaun, ir hirua, pa esining i nget anuna lalaun te na rakrakan hanua, ir suahi sur a lalaun tikin.

Jon 13:2

Ana morom, e Iesu taum ana nuna na kakak a asaer la hangan taum. Lanigo sur lar hangan, e Satan i anuknuk tar e Judas Iskariot, a nat e Saimon, sur ir asobor e Iesu.

Jon 13:27

Ning e Judas i kibas pas a bret, e Satan i kas kakat ono. E Iesu i atai e Judas mange, “Asa ning u mang sur ur toli, ur tol kapiti.”

Aposel 20:24

Ika bel a nuk pas anuka lalaun, pa bel a maris alari. A saran tari ka sur ar tolsot pas anuka tinan pa a titol, ning a Leklek e Iesu i saran tari tak, sur ar warwara talapor ana Wakak a Warwara ana marmaris ane God.

Aposel 21:13

Ika e Pol i keles la mange, “Sur asa ning mulo domos, pa mulo abal maris iau? A ka saran tar iau sur lar dot iau pa dir umkol iau otleng saot e Jerusalem, anasa ana risana Leklek e Iesu.”

1 Korin 9:25

A taraila rop ning la mon ana monla, la alasan rakrakai a palaonla. La toli sur lar kibas pas a arlou ning ir rarop ka. Ika dala, dala alasan dala sur dalar kibas pas a arlou ning ir kes tikin.

Epeses 2:2

Mulo mur a toltolla mite na rakrakan hanua, pa mulo longor tetek e Satan, a ningnigo ana matanitu saot na puka solsolna, pa onone a inguna i titol onla ning la tabun longor tetek e God.

Epeses 6:12

Anasa bel dala harum taum ana tarai, dala harum taum ana ningnigola anuna laulau a ingunla, a ingunla ning la tong akes a rakrakai sur lar warkurai, a ingunla ning la tong akes a rakrakai ana mormorom te na rakrakan hanua, pa a laulau a ingunla miting na solsol.

Jems 1:12

A barsan ning i tolsot pas a arlam, pa i tur rakrakai, i angis. Anasa esaning i tolsot pas a ututnala ning di lar anuna tortorot onoi, ir kibas pas a kukuh na lalaun tikin, ning e God i lele tar sur ir sarani tanla rop ning la mang suri.

1 Pita 5:4

Ning a Ningnigo na tena tai alar anuna sipsipla ir hanot, mulor kibas a kukuh na matatar ning a matatarna bel ir rop.

1 Pita 5:8

Mulor tumarang pa mulor warkurai tostos anumulo a lalaun, anasa anumulo a hirua, e Satan, i han taltal arlar ana laion, ning i kukukuk, pa i tai sur al tarai sur ir ien la.

Tatatai 13:14

I ben rongon a tarai ning la kes te na rakrakan hanua, anasa ana akinalangla ning i toli ana rakrakai ning di saran tari tana suir nangan a ningnigo na rokoio a inagoi onoi. I atai la sur lar atur a manar a ningnigo na rokoio a inagoi sur lar aitna pasi onoi. A ningnigo na rokoio a inagoi ning nating di so tari ana liwan a harum, ika i laun ot.

Tatatai 13:2

Pa rokoio a inagoi ning a oroi i arlar ana lepat, ika naur a hana i arlar ana naur a hana bea, pa a pahana i arlar ana pahana laion. A dregon ning, i saran tar a rakrakaina, pa nun a keskes a king, pa anuna tnan warkurai tetek a rokoio a inagoi.

Tatatai 13:7

Di saran tar a rakrakai tana suir harum taum ana tarai ane God, pa ir tolsot pas la. Di saran tar a warkurai tana sur ir warkurai na mangis a tarai rop, a tarai miting na hananuala rop, la ning la warwara ana urmatana ngas a warwarala rop, pa a tarai miting na matanitula rop.

Tatatai 17:14

Lar harum taum ana Nat a Sipsip, ika a Nat a Sipsip ir tolsot pas la, anasa i a Leklek anuna leklekla, pa a King anuna kingla. Pa la ning ka aslang pas la pa ka kabah pas la pa la tortorot momol teteki, lar tolsot taum onoi.”

Tatatai 2:13

A tasman a hanua ning mulo kes ia, a hanua ning e Satan i kes na king ia. Ika mulo tur rakrakai ana risak. Anumulo a tortorot bel i han masik kusun iau, ning di um kol e Antipas. Esaning anuka momol a tena warwara talapor, ning di um koli ting na numulo a hanua, ning e Satan i kes ia.

Tatatai 2:9

A tasman a kankan ning i monong mulo, pa anumulo a kapan a keskes, ika mulo kes na leklek ot! A tasman a warwara laulaula ning dingla na tarai la atongi o mulo. La ning, la atongi mang la na te Juda, ika belsur la na te Juda, la tarai ane Satan.