Tatatai 12:1 - Label

¹ A tnan akinalang i hanot saot na langit. Ning a hane i mermer ana kamis, pa a kalang kaning i kes ting nahai naur a hana, pa saot na pukulna, a kukuh na king, ning di toli ana ning a bonot pa naur a nangnang.

Tatatai 12:1 Referencias Cruzadas

Matiu 12:38

Lamur dingla na tarai tagun na tena asaer tagun a warkurai pa a Parisaiola la atongi tana mang, “Tena Asaer, ur tol ta akinalang sur milar tasmani mang, u a tena titol ane God.”

Matiu 24:30

“Ana taem ning, a akinalang ana Nat a Barsan ir hanot ana bakut. Pa na tarai miting na matanitu rop te na rakrakan hanua lar domos. Pa lar oroi a Nat a Barsan ir hanot ting na didia bakutla, taum ana rakrakai pa a tnan matatar.

A Wakak a Warwara o e Iesu Karisito i tumusi 13:25

a nangnangla lar punga purum misaot na langit, pa a ututnala tisaot na langit lar gulgule.’ Ais 13:10; 34:4

Luk 21:11

A tatatnan mamais, pa munurak pa a urmatana rakrakai a tinsaman ting na hananuala, pa a urmatana ututnala misaot na bakut, ning ir amatmataut a tarai, pa tatatnan akinalangla misaot na bakut, lar hanot.

Luk 21:25

“A akinalangla saot ana matana kamis, pa ana kalang, pa ana nangnangla ir hanot. Pa te lapiu a tarai miting na matanitula lar laulau ana matmataut pa nuknukinla ir talar ana top ning ir harum pa tinangisna.

Jon 3:29

A barsan ning i taulai ta hane, anunai ot a hane ning. A halin a barsan ning, ir harnanai pa ir longlongor suri. Ning ir longor a elngena barsan ning i taulai, ir gas kol. Onone anuka gasgas i arlar ana gasgas anuna halin a barsan ning i taulai, pa anuka gasgas i bot sot.

Aposel 2:19

Par asangan a ututnala na kulkulan saot na langit, pa akinalangla te lapiu na rakrakan hanua, lar a suluk, a iah, pa a tnan sasawan.

A Pas ane Pol tetek a tarai Rom 13:14

Ika mulor mermer taum ana lalaun anuna Leklek e Iesu Karisito, pa gong mulo nuknuk sur ta ngas ning mulor agasgas a turai a lalaun.

A Pas ane Pol tetek a tarai Rom 3:22

A ngas ne i hanot ta e God, pa i mange: A tarai rop ning la tortorot o e Iesu Karisito, e God ir atong la mang la tostos. A tarai Juda pa a tarai masik otleng la arlar ka.

2 Korin 11:2

A matmataut kol o mulo, arlar o e God i matmataut o mulo, sakana mulor han masik kusun e Karisito. Ia ka aslang tar mulo sur mulo ane Karisito, arlar ana totoh a basbas ning belot i kes taum ana ta barsan.

Galesia 3:27

Ning di ka baptais tar mulo, i asangani mang mulo takai taum o e Karisito, pa mulo mermer ana nuna lalaun.

Galesia 4:26

Ika e Jerusalem saot na langit, i kes langolango pa i arlar o e Sara, a hane ning i kes langolango, pa i a kabatnandala na tena tortorot.

Galesia 6:14

Iau ot bel ar aitna pas iau. Ar aitna pas ka anundala Leklek e Iesu Karisito ning i mat saot na rakai kutus. Anasa saot na rakai kutus, a toltol mite na rakrakan hanua i mat kusun iau, pa iau otleng, ia ka mat kusun a toltolla mite na rakrakan hanua.

Epeses 5:32

A warwara ne ana tinaulai, a tnan kamkamna ning i mumun. Ika a warwara o e Karisito pa a tarai a lotu.

Tatatai 1:20

Ine a kamkama ututnala na pidik ana mais a nangnang ning u ka oroi tari te na sot a kuk, pa mais a turtur a lam na gol: A mais a nangnang i tur aslang a angelola anuna tarai a lotu ting na mais a hanua, pa mais a turtur a lam i tur aslang a tarai a lotu ting na mais a hanua.

Tatatai 11:19

Lamur a rumai a artabar ane God saot na langit i sapang, pa ting na rumai a artabar anunai, di oroi anuna bok a kunubus. Pa a pil i pil, a unga, a bakut i pugur, a mamais, pa a tnan kiar a ais i hanot.

Tatatai 12:3

Ning a akinalang maleng i hanot saot na langit. Oroi, a tnan dregon, a palaona i kubar, mais a pukulna, ning a bonot a komna, pa mais a kukuh a king kaning na mais a pukulna.

Tatatai 15:1

Pa oroi ning a tnan akinalang ulak saot na langit, pa a kulkulan kol onoi. A mais a angelo la tong pas a mais a akadik. Na akadik ne, na araropna, anasa a balakut ane God i arlar bot.

Tatatai 21:14

A kama woroh na hanua ning, di toli ana ning a bonot pa pisir naur a hat. Pa ting na hatatla ning, di ka tumus tar a risan ning a bonot pa pisir naur a aposel anuna Nat a Sipsip.

Tatatai 21:23

A hanua ning bel i kapan sur a kamis pa a kalang diar atalapori, anasa a matatar ane God ot i atalapori, pa Nat a Sipsip i ot, a lam onoi.