Tatatai 1:8 - Label

⁸ A Leklek e God i atongi mang, “Iau a Alpa pa Omega, esaning i laun nigo, i laun onone pa ir hanot lamur, esaning i rakrakai kol.”

Tatatai 1:8 Referencias Cruzadas

2 Korin 6:18

A Leklek ning i rakrakai kol i atongi mang, “Ar hanot a Tamamulo, pa mulo na natnatukla, a taraila pa a gurarala.” 2 Sam 7:14

Tatatai 1:11

I atongi larne, “A utna ning u oroi i, ur tumus akesi ana buk ning di hini pa ur saran seni utumo tetek a tarai a lotu ona mais a hanua ne: Epeses, Smerna, Pergamum, Tiatira, Sardis, Piladelpia pa Laodisia.”

Tatatai 1:17

Ning a oroi i, a punga purum tar napir naur a hana arlar ana minat. Lamur i suah tar a sot a kuna saot hok, pa i atongi mang, “Gong u matmataut, iau a ningnigona pa araropna.

Tatatai 1:4

Iau e Jon, a tumtumus tetek mulo a tarai a lotu ting na mais a hanua tumo na papar Esia. A marmaris pa a bal molmol tetek mulo ta esaning i laun nigo, i laun onone pa ir hanot lamur, pa tana mais a ingun otleng kanisa lanigo na nuna keskes a king,

Tatatai 11:17

La atongi mang, “Mila atong wakak tetek u a Leklek e God ning u rakrakai kol, u laun nigo pa u laun anone, anasa u ka kubas pas a tnan rakrakaim pa u ka turpasi sur ur kes ana keskes a king pa u warkurai.

Tatatai 15:3

La saken a saksak ane Moses, a tena titol oros ane God, pa saksak ana Nat a Sipsip mang, “Leklek e God u rakrakai kol, anum na titol la itna pa di kulkulan kol on la. U a King ana mangis a tarai rop, anum na toltol la tostos pa la momol.

Tatatai 16:14

Ditol natol a mot, pa ditol tol a akinalangla, pa ditol han sarara sur na king miting na rakrakan hanua rop, sur ditol ir ben taum la sur a harum ana tnan pukakiar ane God, esaning i rakrakai kol.

Tatatai 16:7

Pa a longor a elngen takai misaot ana logo na tun artabar i atongi mang, “A momolna, a Leklek e God u rakrakai kol, anum na warkurai i momol pa i tostos.”

Tatatai 19:15

Pa liwan na harum ning i harat kol kaning na pahana i gom pasi, suir kot na tarai miting na matanitula ono, pa ir warkurai rakrakai la ana bulse na aen. I pas gingini a wana wain ting na tung a hat ning i tur aslang a ngalngaliah a balakut ane God, esaning i rakrakai kol.

Tatatai 19:6

Pa longor a agaia lar a elngen a tnan kunum a tarai, pa unga na malum ning i naro pa a rakrakai a pungpugur, i kukukuk mang, “Haleluia! Anasa anundala a Leklek e God, ning i rakrakai kol, i kes na king.

Tatatai 2:8

“Ur tumtumus tetek a angelo anun na tarai a lotu tumo e Smerna mang: Na warwara ne anun esaning a ningnigona pa a araropna, ning i mat pas, pa i laun ulak.

Tatatai 21:22

Bel a oroi ta rumai artabar ting na hanua ning, anasa a Leklek e God, ning i rakrakai kol, pa Nat a Sipsip, diau a rumai artabar tingia.

Tatatai 21:6

Pa i atai iau mang, “Ka rop! Iau a Alpa pa Omega, a kamkamna pa araropna. Esaning i mos ar agangi ana malum miting na matmatana malum, a malum a lalaun, ning bel di sira lou i.

Tatatai 22:13

Iau a Alpa pa Omega, iau a ningnigo pa murmur, a kamkamna pa araropna.

Tatatai 4:8

Diat a lalaun a akakes ne, taktakai onla, diono na dehelna, pa a kalso matanla i bonot arop a palaonla, pa ting nahai na dehelinla otleng. Ana morom pa kamis, bel la manah ana atong a warwara mang, “I totoh, i totoh, i totoh, A Leklek e God, esaning i rakrakai kol, esaning i laun nigo, i laun onone pa ir hanot lamur.”