Taitus 2:11 - Label

¹¹ Anasa a marmaris ane God, ning ir alaun a tarai rop, ka hanot puasa.

Taitus 2:11 Referencias Cruzadas

Matiu 28:19

Pa ning mulor han, mulor asaer a taraila miting na matanitu rop, sur la otleng anuk na kakak a asaer. Mulor baptais la ana risana e Tata, pa e Natnalik, pa a Talngan Tabu.

A Wakak a Warwara o e Iesu Karisito i tumusi 16:15

I atai la mange, “Mulor han uting na rakrakan hanua rop, pa mulor warawai ana Wakak a Warwara tetek a taraila rop.

Luk 24:47

pa dir warawai ana risana tetek a taraila miting na matanitu rop, turpasi saot e Jerusalem. Dir warawai tetek la mang lar lingir a nuknukinla pa e God ir kepsen anunla na toltol laulau.

Luk 3:6

Pa a taraila rop lar oroi a titol ane God ning i alaun a tarai ono.’” Ais 40:3-5

Jon 1:14

A Warwara i hanot a barsan momol, pa i kes na arpotor ta mila. Mila ka oroi tar anuna matatar, a matatar ane Natnalik takai sot ka, ning i han kusun e Tamana, i bukus ana marmaris pa a momolna.

Jon 1:9

Anasa a talapor momol ning ir atalapor a taraila rop, ir hanot ute na rakrakan hanua.

Aposel 11:23

E Barnabas i ning a wakak a barsan, i bukus ana Talngan Tabu taum ana tortorot. Ning i hanot pa i oroi a marmaris ane God ning i titol onla, i gas ono, pa i wunan la rop sur lar tur momol ana tortorot ana nunla lalaun tetek a Leklek. Pa galis a tarai la lingir a nuknukinla tetek a Leklek.

Aposel 13:43

Ning a tarai la han sarara kusun a rumai lotu, a galis a te Juda pa dingla na tarai masik ning la kas ana lotu Juda pa la lotu ana momolna, la mur e Pol pa e Barnabas. Dia warwara tetek la, pa dia arakrakai la, sur lar tur rakrakai ana marmaris ane God.

Aposel 13:47

Anasa a Leklek, i sune miau mange, ‘A suah tar u sur u a talapor tetek a tarai ning bel a tarai Juda, sur ur los a harlaun tetek a taraila ana rakrakan hanua rop.’” Ais 49:6

Aposel 17:30

Ana raula nating, e God i noren a taraila ning bel la nuk pasi, ika onone, i atai a taraila rop ana hananuala sur lar lingir a nuknukinla.

Aposel 20:24

Ika bel a nuk pas anuka lalaun, pa bel a maris alari. A saran tari ka sur ar tolsot pas anuka tinan pa a titol, ning a Leklek e Iesu i saran tari tak, sur ar warwara talapor ana Wakak a Warwara ana marmaris ane God.

A Pas ane Pol tetek a tarai Rom 10:18

Ika, a kabah: Mangmangasa, a tarai Israel belot la longor a Wakak a Warwara? La longori ot. Larning a Buk Tabu i atongi mang, “A tarai mite lapiu la ka longor a elngenla. A warwara ning ka han sarara ana pukna rop ting na rakrakan hanua.” Buk Song 19:4

A Pas ane Pol tetek a tarai Rom 5:15

Ika a artabar ane God bel i arlar ana toltol na kutus warkurai ane Adam. Anasa galis a tarai la mat ana toltol na kutus warkurai anuna takai ka barsan. Ika a marmaris ane God i itna kol pa i pulpulas, pa ana takai ka barsan, e Iesu Karisito, pa ana nuna marmaris, i saran oros tar ka a artabar tetek a galis a tarai.

A Pas ane Pol tetek a tarai Rom 5:2

Ana nundala tortorot, e Karisito i nigon dala pa i akas dala ana marmaris ane God. Pa onone, dala ka laun onoi. Pa dala gas, ning dala harnanai ana tortorot sur a matatar ane God, ning dalar kes onoi lamur.

2 Korin 6:1

Mila titol taum o e God, pa mila nunung mulo, sur gong mulo kibas oros a marmaris ning e God ka saran tari tetek mulo.

Galesia 2:21

Bel a noren oros tar a marmaris ane God. Ngandek ning e God ir atong tik mang i a tena tostos ana mur Warkuraila, e Karisito i mat oros ka.”

Epeses 2:5

Ning dala mat ana nundala na toltol laulaula, i alaun pas dala taum o e Karisito. E God ka alaun pas mulo, anasa ana nuna marmaris.

Epeses 2:8

E God i maris mulo pa i alaun pas mulo ning mulo tortorot. Bel mulo ot mulo kamkamna onoi, a artabar ka ane God tetek mulo.

Kolosi 1:23

E God ir tol a utna ne ning mulor rakrakai ana tortorot, pa mulor tur rakrakai onoi. Pa gong mulo han masik kusun a keskes na harnanai ana tortorot sur a ututnala ning e God ir toli, ning mulo ka longor tari ana Wakak a Warwara. A Wakak a Warwara ning, di ka atatai tar onoi tetek a taraila rop te na rakrakan hanua. Iau e Pol, a hanot a tena titol ana Wakak a Warwara ning.

Kolosi 1:6

ning i hanot tetek mulo. A Wakak a Warwara ning i gomo pa i wai te na rakrakan hanua rop, arlar larning ka suah tari na arpotor ta mulo, turpasi ana pukakiar ning mulo longori pa mulo tasman momol a marmaris ane God.

2 Tesalonika 2:16

Anundala Leklek e Iesu Karisito ot pa e God a Tamandala, i maris dala, pa ana nuna marmaris i tabar dala ana warwara na armoro ning bel ir rarop, pa i nangan dala sur dalar harnanai ana tortorot sur a wakakna ning ir toli.

1 Timoti 1:14

Anundala Leklek i pek anuna tnan marmaris hok, pa i tabar iau ana tortorot pa a ginina ning ar mang sur a tarai. A artabar ne i kamkamna o e Karisito Iesu.

1 Timoti 2:4

I mang sur ir alaun a taraila rop, pa lar tasman a momolna.

2 Timoti 1:10

Pa onone, dala ka oroi a marmaris ane God tetek dala ana tinan ot ana nundala Tena Alaun e Karisito Iesu, esaning i kamar sen a rakrakai a minat. Pa ana Wakak a Warwara i atalapor a lalaun tikin sur ir hanot talapor.

2 Timoti 4:17

Ika a Leklek i nangan iau, pa i arakrakai iau sur ar tolsot pas a warawai ana Wakak a Warwara, pa a taraila rop ning bel na tarai Juda lar longori. Pa ning la mang sur lar umkol iau, a Leklek i alaun pas iau.

Hibru 12:15

Mulor tai alar mulo, sur gong tik i han masik kusun a marmaris ane God, pa i arlar ana wakir a rakai ning i mapak, ning ir gomo ot pa ir saran a mamahat ta mulo, pa ir adur pas al galis namatana e God.

Hibru 2:9

Ika dala oroi e Iesu, esaning e God i atarna tari sur ir natarna tana angelola, siklik pukakiar ka, sur ir kilang a tnan kankan pa ir mat sur a taraila rop. I mat anasa e God i maris la. Ika onone, dala oroi mang e God ka suah tar a matatar pa hanrawai ono arlar ana king ning di suah tar a kukuh ono, anasa ana kankan pa a minat ning i kilangi.