Taitus 1:2 - Label

² A tortorot ning, pa a momolna ning, i hanot miting na keskes harnanai ana tortorot sur a lalaun tikin. A lalaun tikin ning e God i lele tar onoi, ning belot i akes a rakrakan hanua. Pa e God bel i sira asongo.

Taitus 1:2 Referencias Cruzadas

Matiu 25:34

A king ir atai la ning kaning na sot a kuna mang, ‘Mulo han ute, mulo ning e Tata ka angis tar mulo. Mulor kibas pas a matanitu ning ka sang tari sur anumulo, tagun nating ot na kamkama rakrakan hanua.

Matiu 25:46

Lamur lar han sur a akadik tikin. Ika a tena tostosla lar han sur a lalaun tikin.”

A Wakak a Warwara o e Iesu Karisito i tumusi 10:17

Ning e Iesu i han amon ulak, ning a barsan i dun teteki, i kes ana bokona hana namatana, pa i dekeni mange, “Wakak a Tena Asaer, asaning ar toli sur ar kibas a lalaun tikin?”

A Wakak a Warwara o e Iesu Karisito i tumusi 10:30

ana lalaun ne, dir saran tar takai a mar a rumai tana, takai a mar a tastasna barsanla, takai a mar na tastasna hanela, takai a mar na tana, takai a mar na natnatna, pa takai a mar a kabalapiu, pa dir alaulau i otleng. Pa ana lalaun lamur dir tabari ana lalaun tikin.

Jon 10:28

A saran a lalaun tikin tanla, pa bel lar hirua. Pa bel tik ir rasen la kusun a kuk.

Jon 17:2

U saran tar a warkurai tak sur a taraila rop lar kes nahaik, sur ar saran a lalaun tikin tanla rop ning u saran tar la tak.

Jon 17:24

“Tata, la ning u ka saran tar la tak, a mang sur lar kes taum hok ting na hanua ning ar kes ia, sur lar oroi anuka matatar, ning u saran tari tak, anasa u mang sur iau nating ot ning belot di akes a rakrakan hanua.

Jon 5:39

Mulo sira was wakak a Buk Tabu, anasa mulo nuki mang mulor kibas a lalaun tikin ono. Ika a Buk Tabu otleng i warwara talapor ka hok!

Jon 6:54

Esining ir ien a palaok pa ir gang a sulukik, ka kibas a lalaun tikin, pa iau ar akamturi kusun a minat ana ararop a pukakiar.

Jon 6:68

E Saimon Pita i kelesi mange, “Leklek, milar han tetek esi? Anasa a warwarala na lalaun tikin anumi ka.

A Pas ane Pol tetek a tarai Rom 1:2

A Wakak a Warwara ne, e God ka lele nigo tar onoi, ana warwara ning anuna propetla la ka tumus tari ting na Buk Tabu.

A Pas ane Pol tetek a tarai Rom 16:25

Dalar atong aleklek pas e God! I tolsot sur ir tong rakrakai mulo ana tortorot, arlar ana nuna warwara ana Wakak a Warwara ning a sira warawai onoi, a Wakak a Warwara o e Iesu Karisito. A Wakak a Warwara i mumun tagun nating ot.

A Pas ane Pol tetek a tarai Rom 2:7

La ning la rakrakai ana wakak a titol sur e God ir saran a matatar tanla pa ir aitna pas a risanla, pa la mang sur a lalaun ning bel ir rarop, e God ir saran a lalaun tikin tanla.

A Pas ane Pol tetek a tarai Rom 5:2

Ana nundala tortorot, e Karisito i nigon dala pa i akas dala ana marmaris ane God. Pa onone, dala ka laun onoi. Pa dala gas, ning dala harnanai ana tortorot sur a matatar ane God, ning dalar kes onoi lamur.

A Pas ane Pol tetek a tarai Rom 5:21

A tarai rop la kes nahai a rakrakai ana toltol laulau, pa i saran a minat tetek la. Ika onone, la ning la kes nahai a rakrakai ana marmaris ane God, e God i atong la mang la tostos namatana, pa i saran a lalaun tikin tetek la, anasa ana tostos a titol ning e Iesu Karisito anundala Leklek i tol tari.

A Pas ane Pol tetek a tarai Rom 5:4

Pa anundala tuntunur rakrakai i tol otnan a ngas a lalaun ning a larlarla bel lar apungan pas dala. Pa a ngas a lalaun ne, i tol otnan anundala keskes na harnanai ana tortorot sur asaning e God ir toli lamur.

A Pas ane Pol tetek a tarai Rom 6:23

Anasa a arlou ana toltol laulau a minat. Ika a artabar ane God a lalaun tikin o e Karisito Iesu anundala Leklek.

Kolosi 1:27

E God i apuasa i mang, a tarai ning bel na tarai Juda, la otleng lar tasman anuna warwara, a utna ning nating i mumun tar, ning i wakak pa i bukus ana matatar. Ine a utna ning: E Karisito ot kaning o mulo, i maining, mulo harnanai ana tortorot sur a matatar ane God ning mulor kibasi.

1 Tesalonika 2:15

la ning la umkol a Leklek e Iesu pa a propetla, la kepsen mitol otleng. La toho i sur lar sairas mitol, sur gong mitol warawai tetek a taraila ning bel na tarai Juda sur gong e God ir alaun pas la. Ning la toli larne, e God bel i gas onla, pa la kes na hirua taum ana taraila rop. Pa ana nunla toltol ning, la tol taum ka anunla na toltol laulaula, tuk ning a balakut ane God ka hanot tetek la.

1 Tesalonika 5:8

Ika dala tagun a kabakiar, i wakak ning dalar warkurai tostos anundala lalaun. Dalar amermer dala ana tortorot pa ana marmaris sur ir tai alar dala, arlar ana tena harum i suah alar a molosna ana puka aen. Pa dalar amermer dala otleng ana keskes na harnanai ana tortorot o e God sur ir alaun dala, arlar ana tena harum i suah alar a pukulna ana kukuh na harum.

1 Timoti 6:12

Ur tur rakrakai ana tortorot arlar ana wakak a tena harum. Pa ur tong akes a lalaun tikin sur anumi, i ning e God i kabah pas u suri, ning u warwara talapor ana tortorot anumi namatana galis a tarai.

1 Timoti 6:19

Ning lar toli larne, lar tong akes a gongon momol. I ning, a wakak a kamkama nunla lalaun lamur, sur lar kibas pas a lalaun ning a lalaun momol.

2 Timoti 1:1

Iau e Pol, a aposel ane Karisito Iesu ana nuknuk ane God, sur ar atatai ana lalaun ning ka lele tari tetek dala ning dala ane Karisito Iesu.

2 Timoti 1:9

Ai ot ka alaun pas dala, pa ka kabah pas dala sur dala anuna totoh na taraila. Bel i kamkamna ana nundala wakak a titol. I kamkamna ot ana nuknukna, pa anuna marmaris, ning i saran tari tetek dala o e Karisito Iesu, nating ot ning belot i akes a rakrakan hanua.

2 Timoti 2:10

Pa kane ma a kilang kankan, ika a tur rakrakai ot, sur la ning e God ka aslang pas la. A tur rakrakai sur la otleng lar kibas a arlaun ning i kes o e Karisito Iesu, taum ana matatar tikin.

2 Timoti 2:13

Ning bel dala tolsot pas anundala lele sur dalar mur e Iesu Karisito, i ot ir tur rakrakai ana nuna lele, anasa bel ir tolsot pasi sur ir kutus anuna lele, belal.

2 Timoti 2:15

Ur saran tar u tetek e God pa ur rakrakai sur u a momol a tena titol namata e God, ning bel ta utna ning ir ame i ana nuna titol, anasa i sira asaer wakak a taraila ana momol a warwara ane God.

Taitus 2:13

ning dala harnanai ana tortorot sur a pukakiar na gas ning ir hanot. A pukakiar ning anundala a leklek e God, e Iesu Karisito, anundala a Tena Alaun ir hanot taum ana anuna matatar.

Taitus 2:7

Ana ututnala rop ning u sira toli, ur tol a wakak a titol na matanla, sur a wakak a tatatai tetek la sur lar muri. Ning ur asaer la, ur titol taum ana momolna, pa a hanrawai ana warwara ane God.

Taitus 3:7

Anasa ana marmaris ane God, i atong dala mang dala tostos namatana, pa i tabar dala ana lalaun tikin, ning dala harnanai suri ana tortorot.

1 Jon 2:25

Asa ning i lele tari sur ir sarani tetek dala, a lalaun tikin.

1 Jon 5:20

Dala tasmani otleng mang a Nat e God ka hanot, pa ka tabar tar dala ana tastasman, sur dalar tasman a momol a God. Dala laun ana momol a God, anasa dala laun ana Natnalik e Iesu Karisito. I a momol a God, pa lalaun tikin.

A Pas ane Jut 1:21

E God i sira mang kol sur mulo pa mulor kes milau i pa mulor noreni sur ir mang bolbolos sur mulo. Pa mulor harnanai sur anundala Leklek e Iesu Karisito ning ir tabar mulo ana lalaun tikin, anasa i maris mulo.

Tatatai 13:8

Pa la rop te na rakrakan hanua, ning a risanla bel i kes ting na buk a lalaun, lar lotu tetek a rokoio a inagoi. A buk a lalaun ne, anuna Nat a Sipsip, ning di um kol seni, di ka tumus tari ning e God belot i akes a rakrakan hanua.

Tatatai 17:8

A rokoio a inagoi ning u oroi tari, i laun pas nating, pa bel i laun anone, pa lamur ir hanot ulak miting na tnan tung ning bel ta araropna, pa ir han suir hirua. Pa a tarai te na rakrakan hanua ning bel di tumus a risanla ana buk a lalaun, turpasi ning e God i akes a rakrakan hanua, lar kulkulan ning lar oroi a rokoio a inagoi ne. Anasa i laun pas nating, pa bel i laun anone, pa lamur ir hanot ulak.