A Pas ane Pol tetek a tarai Rom 10:9 - Label

⁹ Ning u apuasa i ana numa warwara mang e Iesu a Leklek, pa u tortorot ting na balam mang e God ka akamtur ulak pasi kusun a minat, e God ir alaun u.

A Pas ane Pol tetek a tarai Rom 10:9 Referencias Cruzadas

Luk 12:8

“A atai mulo mang, esining ir atong puasa i mang i anuki namatana tarai, a Nat a Barsan otleng ir atong puasai na matan a angelola ane God.

Jon 9:22

E tamana pa e tana dia warwara larne, anasa dia matatan a Judala, ning la atongi mang, ning tik ir tortorot o e Iesu mang i a Karisito, esaning e God i sune i ute sur ir alaun a tarai, dir sairasi kusun a rumai lotu.

Aposel 16:31

Pa dia kelesi mange, “Ur tortorot ana Leklek e Iesu pa dir alaun u, pa la otleng ning la kes ting na numa rumai.”

Aposel 2:24

Ika e God i akamtur ulak pasi, pa i kepsen a kankan ona minat kusuni, anasa a minat bel i toh pasi sur ir tong akesi.

Aposel 2:32

E Iesu ot ning, e God i akamtur pasi kusun a minat, pa mila rop mila oroi pa mila warwara talapor onoi.

Aposel 8:36

Ning dia han amon ana ngas, dia hanot ana ning a malum, pa a te Itiop i atai e Pilip mange, “Oroi, a malum ne. Asa ir sairas iau sur gong di baptais iau?”

A Pas ane Pol tetek a tarai Rom 10:10

E God i atong u mang u tostos namatana anasa u tortorot ting na balam. Pa ir alaun u anasa u apuasa i ana numa warwara mang e Iesu a Leklek.

A Pas ane Pol tetek a tarai Rom 14:11

Larning di ka tumus tari ting na Buk Tabu mang, “A Leklek i atongi mang, ‘Ning i momol a laun, a warwara otleng anuki i momol larne: A tarai rop lar kes ana bokona hanla salanigo tak, pa a tarai rop lar atong puasai mang iau e God.’” Ais 45:23

A Pas ane Pol tetek a tarai Rom 14:9

E Karisito i mat pa i laun ulak, sur ir Leklek anunla ning la ka mat, pa anunla otleng ning la laun.

A Pas ane Pol tetek a tarai Rom 4:24

I atongi otleng ondala. Ning dala tortorot o e God, ning i akamtur ulak pas e Iesu anundala Leklek kusun a minat, ir atong dala otleng mang dala na tena tostos.

A Pas ane Pol tetek a tarai Rom 8:34

Esining ir atai e God mang ir saran a warkurai na arkeles tetek dala? Bel tik ir tolsot pasi, anasa e Karisito Iesu ka mat sur dala. Bel i ka i ning i toli, e God ka akamtur ulak pasi kusun a minat, pa onone, kanisa ma ot i kes ting na sot a kuna e God, pa i sira nunung sur dala.

1 Korin 12:3

I maining ar atongi tamulo larne, bel tik ning a Inguna e God ir nigoni, ir atong lar pasi mang, “E Iesu ir hirua tikin.” Pa bel tik ir atong lar pasi mang, “E Iesu a Leklek,” ning a Talngan Tabu bel i nigoni.

Pilipai 2:11

pa la rop lar atong puasa i mang e Iesu Karisito i a Leklek, sur lar aitna pas e God a Tamandala.

1 Pita 1:21

O e Karisito, mulo tortorot o e God, ning i akamtur ulak pasi kusun a minat, pa i saran tar a matatar teteki. Larning mulo tortorot o e God pa mulo harnanai ana tortorot sur a utna ning ir toli lamur.

1 Jon 4:15

Ning tik i patuai mang e Iesu a Nat e God, e God i laun onoi, pa i laun o e God.

2 Jon 1:7

A galis a tena asasongola ning la puai mang e Iesu Karisito bel i hanot a barsan momol, la ka han sarara te na rakrakan hanua. A ngas a taraila ning, la na tena asasongo, pa la na hiruala ane Karisito.