Matiu 4:10 - Label

¹⁰ E Iesu i atongi tana mang, “Satan, ur han masik, anasa di ka tumus tari ting na Buk Tabu mange, ‘Ur lotu tetek a Leklek anuma God, pa ur longor ka tana.’” Lo 6:13

Matiu 4:10 Referencias Cruzadas

Matiu 16:23

E Iesu i talingir tetek e Pita pa i atongi tana mang, “Satan, ur han utumo lamur tak! U alar iau, anasa u mur ka a nuknuk a tarai, pa bel u mur a nuknuk e God.”

A Wakak a Warwara o e Iesu Karisito i tumusi 1:13

I kes tingia diat a bonot a pukakiar pa e Satan i lari. I kes taum ona rokoiola pa a angelola la nangani.

Luk 10:18

Pa e Iesu i atai la mang, “A oroi e Satan i punga misaot na langit arlar ana pil.

Luk 11:18

Ning e Satan ir harum taum ana nuna tena titolla, anuna matanitu ir tur rakrakai mangmangasa? A atongi larne anasa mulo atongi hok mang a kepsen ka a mot ana rakrakai e Belsebul.

Luk 13:16

A hane ne tagun a mangis a tarai ane Abaram, e Satan i dot tari ning a bonot pa siwal a rau. Asa kamkamna ning bel dir paksen a inau ne kusuni ana Pukakiar Sabat?”

Luk 22:3

Pa e Satan i kas tar o e Judas, ning a risana otleng e Iskariot, i ning a halin ning a bonot pa naur a kakak a asaer.

Luk 22:31

E Iesu i atongi mang, “Saimon, Saimon, oroi i, e Satan ka nunung pas sur ir lar mulo, arlar ana tena omomai ning i tang sauran a wit kusun a palpalna.

Luk 4:8

E Iesu i atongi tana mang, “Di ka tumus tari ting na Buk Tabu mange, ‘Ur lotu tetek a Leklek anuma God, pa ur longor ka tana.’” Lo 6:13

Jon 13:27

Ning e Judas i kibas pas a bret, e Satan i kas kakat ono. E Iesu i atai e Judas mange, “Asa ning u mang sur ur toli, ur tol kapiti.”

Aposel 26:18

Ur apalpalas a matanla sur lar talingir kusun a mormorom sur a talapor, pa kusun a rakrakai ane Satan tetek e God, sur dir kepsen anunla na toltol laulau, pa lar kes taum onla ning a aslang pas la sur anuka tostos a tarai, la ning la tortorot hok.’

Aposel 5:3

Pa e Pita i atai i mang, “Ananaias, mangasa ning u malmaling pas e Satan sur ir solong a balam pa u asongo a Talngan Tabu? Sur asa ning u bunur pas a tuka mani ning di lou tar a puka kabalapiu onoi?

1 Korin 5:5

mulor saran tar a barsan ning na kuna e Satan, sur dir alaulau a palaona, pa e God ir alaun pas a inguna ana pukakiar ning a Leklek ir hanot ulak.

1 Korin 7:5

Gong dia mangan alar a palaondiau kusun diau artalai. Ika, i wakak ka ning dia rop diar malmaling sur diar mangan alar kaba a palaondiau kusun diau artalai, sur diar nunung. Ika, lamur diar noren ulak a palaondiau tetek diau artalai, sur gong e Satan i alam tar diau, pa diar punga, anasa bel dia warkurai tostos a nundiau a lalaun.

2 Korin 11:14

Bel a utna na kulkulan, anasa e Satan otleng i sira lingir pasi sur ir arlar ana angelo tagun a talapor.

2 Korin 12:7

A ututnala ning e God ka asangan tar iau ono i itna kol, ika di saran tar ning a utna ning i sira suksuk a palaok, sur gong a nuk aleklek pas iau ot ana tatataila ne. A suksuk ning, a tena titol ane Satan ning i alaulau a palaok.

2 Korin 2:11

sur gong e Satan ir apungan pas dala, anasa dala ka tasman a nuknukna.

Jems 4:7

Mulor anatarna pas mulo, pa mulor mur e God. Mulor tur na harum rakrakai o e Satan, pa ir han kusun mulo.

1 Pita 5:9

Mulor tur rakrakai ana tortorot pa mulor sairasi, anasa mulo tasmani mang na tastasimulo te na rakrakan hanua rop la kilang na kankan arlar o mulo.