Matiu 2:1 - Label

¹ Di agon e Iesu tumo na hanua Betlihem ting na papar Judia, ana rau ning e Herot i king. Lamur dingla na tena tastasmaila tagun a nangnangla, la han mitingia ana pukna ning a kamis i pusa ot ia, pa la hanot saot e Jerusalem.

Matiu 2:1 Referencias Cruzadas

Matiu 1:25

Ika bel dia borbor taum pas tuk ning e Maria i agon pas a kaklik barsan. Pa e Josep i pasar a risana o e Iesu.

Matiu 2:16

Ning e Herot i oroi i mang a tena tastasmaila tagun a nangnangla la ka asongo tari, i balakut kol pa i arsune sur dir umkol arop sen a kakak barsanla tumo e Betlihem pa ting na hananuala otleng ning la kes milau. I saran a warkurai sur dir umkol la ning naur a rau anunla, pa la otleng ning belot naur a rau anunla, anasa a tena tastasmaila la ka atai tari ana rau anuna kaklik.

Matiu 2:19

E Herot ka mat, pa angelo anuna Leklek i hanot tetek e Josep ana reresa tumo e Ijip.

Matiu 2:3

Ning e king Herot i longori, a nuknukna i talar pa nuknuk a tarai Jerusalem rop otleng.

Matiu 2:5

La kelesi mang, “Tumo e Betlihem ana papar Judia, anasa a propet i ka tumus tari mang,

Matiu 2:7

Lamur e Herot i arsune kumnan pas a tena tastasmaila tagun a nangnangla sur ir talapor pas tanla mang, nangse momol ning a nangnang i hanot.

Luk 1:5

Ana rau ning e Herot i king ana papar Judia, ning a tena artabar tetek e God a risana e Sekaria, tagun a kunum na tena artabarla o e Abia. E Sekaria, anuna hane a risana e Elisabet, i otleng a mangis a tarai ane Aron.

Luk 2:11

Onone, ana hanua ane Dewit, di ka agon tar anumulo a Tena Alaun, esaning a Karisito, a Leklek.

Luk 2:15

Ning a angelola la ka han kusun la usaot na langit, a tena tatataialarla ana sipsipla, la warwara artalai la mang, “Ano otne dalar han utumo e Betlihem, dalar oroi a utna ne ka hanot, ning a Leklek ka atai tar dala onoi.”

Jon 7:42

A Buk Tabu i atongi mange, Karisito ir hanot ana mangis a tarai ane Dewit. Ir hanot tumo e Betlihem, a hanua ning nating e Dewit i kes ia.”