Luk 2:4 - Label

⁴ E Josep otleng i han kusun a hanua Nasaret ana papar Galili sur e Betlihem ana papar Judia, anasa i tagun a mangis a tarai ane Dewit. E Betlihem, a hanua ning di agon e Dewit ono.

Luk 2:4 Referencias Cruzadas

Matiu 1:20

Ning i nuknuk kol ot ana utna ne, a angelo ana Leklek i hanot teteki ana reresa pa i atongi mang, “Josep, a nat e Dewit, gong u urmatana nuknuk o e Maria, ur ben pasi ka sur anuma hane. Anasa a kaklik ning i tianan pasi, i hanot tagun a Talngan Tabu.

Matiu 2:23

Pa ditol han pa ditol kes ana hanua a risana e Nasaret. Ana anunditol a keskes tingia, di tolsot pas a warwara anuna propetla mang, “Dir atongi mang i a te Nasaret.”

Luk 2:3

Pa a taraila rop la han sur anunla na hananuala momol sur dir tumus a risanla.

Luk 2:5

I han sur dir tumus a risana, taum ana risana e Maria ning di ka suah alar tari sur anunai. Ning dia han e Maria ka tianan.

Luk 4:16

Ning e Iesu i hanot to e Nasaret, a hanua ning i itna tar ono, i kas uting na rumai lotu ana Pukakiar Sabat, arlar ot ana nuna toltol, pa i tur sur ir wawas.

Jon 1:46

Ika e Natanael i kelesi mange, “Nasaret! Mangmangasa, ta wakak a utna ot ir hanot mitingia?” E Pilip i kelesi mange, “Ur han ute pa dar han sur ur oroi.”

Jon 7:42

A Buk Tabu i atongi mange, Karisito ir hanot ana mangis a tarai ane Dewit. Ir hanot tumo e Betlihem, a hanua ning nating e Dewit i kes ia.”