Luk 10:2 - Label

² Pa i atai la mange, “A barim ka makos, pa i galis kol, ika bel al galis a tena sol. Mulor nunung a Leklek, esaning a tamana barim, sur ir sune a tena solla uting na nuna barim.

Luk 10:2 Referencias Cruzadas

Matiu 20:1

“A matanitu misaot na langit i arlar ana tamana barim a wain, i purum ana kobot ning ot sur ir deke sur al tena titol sur lar titol ting na nuna barim a wain.

A Wakak a Warwara o e Iesu Karisito i tumusi 13:34

“I arlar ana ning a barsan i sang sur ir han ana ning a tinan. I saran tar anuna rumai tetek anuna tena titol orosla, sur lar tai alari. I saran taktakai a titol tanla rop, pa i atai a barsan ning na taman sur ir tai alar, pa i han.

A Wakak a Warwara o e Iesu Karisito i tumusi 16:15

I atai la mange, “Mulor han uting na rakrakan hanua rop, pa mulor warawai ana Wakak a Warwara tetek a taraila rop.

A Wakak a Warwara o e Iesu Karisito i tumusi 16:20

Anuna kakak a asaer la han, pa la warawai ana hanhanua rop. Pa a Leklek i nangan la, pa i amomol tar anuna na warwara ana ututnala na kulkulan ning i han taum ono.]

Luk 9:1

Ning e Iesu i kabah taum pas ning a bonot pa pisir naur a kakak a asaerla, i saran tar a rakrakai pa a warkuraila tetek la sur lar kepsen a motla rop, pa lar alangolango otleng a taraila kusun a tinsamanla.

Aposel 11:19

A tarai a lotu ning la han sarara misaot e Jerusalem anasa a tarai la alaulau la lamur ona minat e Stiwen, la han bakbak utumo na papar Ponisia, a lolo Saiprus, pa a hanua Antiok. La warwara ka tetek a tarai Juda ana Wakak a Warwara o e Iesu.

Aposel 13:2

Ning la lotu tetek a Leklek pa la tamai, a Talngan Tabu i atongi mang, “Mulor aslang tar e Barnabas pa e Sol sur anuki, sur a titol ning a kabah pas diau suri.”

Aposel 13:4

A Talngan Tabu i sune e Barnabas pa e Sol, pa dia han utumo e Selusia, dia kas ana sip pa dia han utumo na lolo Saiprus.

Aposel 20:28

“Mulor tai alar wakak mulo ot, pa a kunum a sipsip otleng ning a Talngan Tabu ot i saran tari ta mulo sur mulor tai alar la. Mulor tai alar a tarai a lotu ane God, ning ka lou pas la ana sulukna ot.

Aposel 22:21

Pa a Leklek i atai iau mange, ‘Ur han, ar sune bakbak u tetek a tarai ning bel a tarai Juda.’”

Aposel 8:4

Pa la ning la han sarara misaot e Jerusalem, la warawai ana Wakak a Warwara ting na hananuala ning la han ia.

1 Korin 12:28

E God ka suah tar a taraila arpotor tan a tarai a lotu larne: a ningnigona ot na aposel, a munaurna na propet, a munatolna na tena asaer, pa la otleng ning la tol a ututnala na kulkulan, pa la ning la kibas a artabar sur lar alangolango pas a tinsamanla, pa la ning la nangan a taraila, pa la ning la sira nigon a taraila ana titolla, pa la ning la warwara ana urmatana ngas a warwara.

1 Korin 15:10

Ika, e God i saran tar a lalaun ne a laun onoi, anasa ana nuna marmaris. Pa bel i arop oros tari ka anuna marmaris hok. A titol rakrakai kol tanla rop. Ika, belsur iau ot a titol, a marmaris ane God, ning i kes taum hok, i ning i titol.

2 Korin 6:1

Mila titol taum o e God, pa mila nunung mulo, sur gong mulo kibas oros a marmaris ning e God ka saran tari tetek mulo.

Pilipai 2:21

Anasa a tarai rop la nuk pas la ot pa a nunla na titol, pa bel la nuk pas e Iesu Karisito pa anuna titol.

Pilipai 2:25

A nuki mang ir wakak kol ning ar sune ulak sen e Epaproditus, a tasiklik ana tortorot. Esaning a tena titol pa a tena harum taum hok, pa anumulo a tena titol ning mulo sune seni sur ir nangan iau ana ututnala ning a kapan suri.

Pilipai 2:30

anasa bel i nuk pas anuna lalaun. I saran tari sur a titol ane Karisito, pa milau sur ir mat. I toli larning sur ir nangan iau, anasa mulo ot, bel mulo tol lar pasi.

Kolosi 1:29

A titol rakrakai sur a utna ne ir hanot momol. A rakrakai ana tnan rakrakai e Karisito, ning i titol rakrakai ting na nuk a lalaun.

Kolosi 4:12

E Epapras, i ning a halimulo, pa a tena titol ane Karisito Iesu, i saran anuna marmaris tetek mulo. I sira nunung rakrakai o mulo, sur mulor tur rakrakai, pa mulor rakrakai ana lalaun anumulo o e Karisito, pa mulor tasman a nuknuk rop ane God.

1 Tesalonika 2:9

Na tastasimitol, mulor tasman anumitol a rakrakai a titol. Mitol titol taum ana kumitol ana moromla pa a kabakiarla. Mitol toli larne sur gong mitol saran ta mamahat tetek mulo ning mulor lou mitol, ana numitol a titol na warawai tetek mulo taum ana Wakak a Warwara ane God.

1 Tesalonika 5:12

Na tastasimitol, mitol nunung mulo sur mulor hanrawai la ning la titol rakrakai na arpotor imulo, pa la tai alar mulo ana ngas ana Leklek, pa la asaer mulo.

2 Tesalonika 3:1

Na tastasimitol, ning a warwara otleng ning mitol ir atai mulo onoi, mang mulor nunung o mitol, sur a warwara anuna Leklek ir han sarara kapit pa a tarai lar hanrawai i larning mulo hanrawai i.

1 Timoti 4:10

Ine a kamkamna ning mila rakrakai pa mila titol rakrakai, anasa mila harnanai ana tortorot o e God, esaning i laun pa i sira alaun anuna taraila rop, ning la tortorot onoi.

2 Timoti 4:5

Ika u, ur nuknuk wakak ana pukakiar rop. Ning ur kilang a kankan, ur tur rakrakai ot. Ur rakrakai ona warawai ana Wakak a Warwara, pa ur tolsot pas anum na titol rop, ning e God ka saran tari tam.

Pilimon 1:1

Iau, e Pol, a kes ting na rumai a dodot anasa a tortorot o e Karisito Iesu. Miau ma e Timoti a tasindala, mia tumus a pas ne tetek u Pilimon, a wakak a halimila ana titol,

Hibru 3:6

Ika e Karisito, i a Nat e God pa i momol ana nuna titol ning i tai alar a rumai ane God. Ning dala tur rakrakai ana tortorot, pa bel dala matmataut, pa dala harnanai sur a ututnala ning e God ir toli, dala a rumai ane God.

Tatatai 2:1

“Ur tumtumus tetek a angelo anuna tarai a lotu tumo e Epeses mang: Na warwara ne anun esaning i tong mais a nangnang ana sot a kuna, pa i han potor ting na mais a turtur a lam na gol.