Jon 1:4 - Label

⁴ A lalaun i kes onoi, pa a lalaun ning, i a talapor anuna taraila rop.

Jon 1:4 Referencias Cruzadas

Matiu 4:16

A tarai ning la kes ana mormorom la ka oroi a tnan talapor, pa la ning a mormorom a minat i poroi alar la, a talapor ka hanot tetek la.” Ais 9:1-2

Luk 2:32

A talapor ning ir atalapor anuma ngas tetek la ning bel a tarai Israel, a talapor sur a matatar tetek anuma tarai Israel.”

Jon 11:25

E Iesu i atai i mange, “Iau a lalaun ulak kusun a minat, pa iau a lalaun momol. Esining i tortorot hok, ning ir mat, ir laun ulak,

Jon 12:35

E Iesu i atai la mange, “A talapor bel ir kes kol ma napirimulo. Mulor taltal ning a talapor kanet, lamur a mormorom ir poroi alar mulo. Esining ir taltal ana mormorom bel ir tasmani mang ir han utaha.

Jon 12:46

A hanot ute na rakrakan hanua lar a talapor, sur esining i tortorot hok, bel ir kes ana mormorom.

Jon 14:6

E Iesu i kelesi mange, “Iau a ngas, pa iau a momolna, pa iau a lalaun. Bel tik ir han tetek e Tata ana ta ngas masik, hok ka.

Jon 3:19

Ine a kamkama warkurai ning e God i sarani: A talapor ka hanot ana rakrakan hanua, ika a tarai la mang ka sur a mormorom pa a talapor bel, anasa anunla toltol i laulau kol.

Jon 5:21

E Tamana i akamtur a minatla pa i tabar la ana lalaun, mang otleng larning tetek e Natnalik, ir tabar la ning i mang sur ir tabar la ana lalaun.

Jon 5:26

E God a kama lalaun pa i sarani otleng tetek e Natnalik, sur i otleng a kama lalaun.

Jon 8:12

E Iesu i warwara ulak tetek a taraila, pa i atongi mange, “Iau a talapor anuna rakrakan hanua. Esining i mur iau, bel ir han ting na mormorom, ika ir kibas a talapor ana lalaun.”

Jon 9:5

Ning a kes te na rakrakan hanua, iau a talapor anuna rakrakan hanua.”

Aposel 26:23

La atongi mang e Karisito ir mat, pa i a ningnigona ning ir kamtur kusun a minat pa ir warwara ana talapor tetek a tarai Juda pa a tarai masik otleng.”

1 Korin 15:45

I maining di ka tumus tari ting na Buk Tabu larne, “A ningnigo na barsan, e Adam, e God i saran tar a lalaun teteki.” Stat 2:7 Ika a ararop a Adam, i a Ingun ning i tabar a tarai ana lalaun.

Epeses 5:14

Anasa ning a talapor i atalapor a ututnala, dir oroi lalan la. I maining di atongi larne, “U ning a tena borbor, ur mata, ur kamtur kusun a minat, pa e Karisito ir atalapor u.”

Kolosi 3:4

E Karisito i anumulo a lalaun. Pa ning ir hanot mulo otleng mulor hanot puasa taum onoi ting na nuna matatar.

1 Jon 1:1

Mila warwara talapor o esaning a Warwara na Lalaun. Natnating ot ning belot di akes a rakrakan hanua, i laun. Mila ka longor tari, mila ka oroi tari ana matamila, mila oroi momol tari ot, pa mila tong ot a palaona.

1 Jon 1:2

Pa a Warwara na Lalaun i hanot talapor. Mila ka oroi tari, pa onone mila atalapori tetek mulo mang, i ning a lalaun tikin ning nating i kes taum o e Tamana, pa i hanot talapor tetek dala.

1 Jon 5:11

Anuna warwara talapor i mange: E God ka saran tar a lalaun tikin tetek dala, pa a lalaun ning, kaning o e Natnalik.

Tatatai 22:1

Lamur a angelo i asangan iau a malum a lalaun, ning i talapor arlar ana galas. I saler ot miting na keskes a king ane God, anundiau taum ana Nat a Sipsip.

Tatatai 22:16

“Iau e Iesu, a sune sen anuka angelo suir saran a warwara talapor ne tetek mulo, a tarai a lotu ting na hananuala. Iau a wakir o e Dewit pa e tubuna, pa matlai ning i talapor kol.”