Jon 1:1 - Label

¹ Natnating ot ning belot di akes a rakrakan hanua, a Warwara ka kes nigo. A Warwara i kes taum o e God, pa a Warwara i ot e God.

Jon 1:1 Referencias Cruzadas

Matiu 1:23

“Oroi i, a basbas a hane ir tianan pa ir agon pas a kaklik barsan pa dir atongi o e Emanuel,” Ais 7:14 a kamkamna mang, “E God i kes taum ondala.”

Luk 24:53

Pa la keskes tingui na rumai a artabar, la atong aleklek pas e God.

Jon 1:14

A Warwara i hanot a barsan momol, pa i kes na arpotor ta mila. Mila ka oroi tar anuna matatar, a matatar ane Natnalik takai sot ka, ning i han kusun e Tamana, i bukus ana marmaris pa a momolna.

Jon 1:18

Bel tik i oroi tar e God tuk onone. Ika e Natnalik ka, takai sot ka, i kes taum o e Tamana, i asangan e God tetek dala. Pa i ot e God.

Jon 1:2

Natnating ot i kes taum o e God.

Jon 16:28

Ia ka han pas miting ta e Tata, pa a han ute na rakrakan hanua. Pa ne, ar han ma kusun a rakrakan hanua, ar ulak tetek e Tata.”

Jon 17:5

Tata, onone, ning ar kes taum ulak hom, ur saran a matatar tak. A matatar ning nating kane hok pa kaning hom, ning belot di akes a rakrakan hanua.

Jon 20:28

E Tomas i atai i mange, “Nuk a Leklek pa nuk a God!”

Jon 8:58

E Iesu i keles la mange, “A atong momoli ta mulo, ning belot di agon e Abaram nating, ia ka laun nigo tar.”

A Pas ane Pol tetek a tarai Rom 9:5

La na kaba tarai e Abaram, Aisak pa e Jekop. Pa ning e Karisito i hanot a barsan momol, i hanot onla. E Karisito i warkurai a ututnala rop, pa i ot e God. Dalar atong alekleki, onone pa lamur pa bel ir rarop. Amen.

Epeses 3:9

E God ning i akes a ututnala rop, i saran tar a titol tak sur ar atalapor a taraila rop ana ngas ning ir tolsot pas a utna ning nating i mumun ting na nuknukna.

Pilipai 2:6

I e God, ika bel i nuki sur ir tong akes anuna tnan keskes ning i arlar o e God.

Kolosi 1:15

Bel dala oroi tar e God, ika e Karisito a manar e God. I a ningnigo na Nat e God pa i leklek kol tana akakesla rop.

Kolosi 1:17

Ning e God belot i akes a ututnala rop, e Karisito ka laun, pa i tong akes a ututnala rop sur lar titol taum wakak.

1 Timoti 3:16

Dala tasman momoli mang, a asasaer ning dala tortorot onoi i itna kol. I mange: E Karisito i hanot a barsan, a Talngan Tabu i apuasa i mang e Karisito i tostos na mata e God, a angelola la oroi, di atatai onoi pa a warwara ne i han sarara tetek a taraila miting na matanitu rop, pa a galis te na rakrakan hanua la tortorot onoi, i han kas pa i kes ana matatar.

Taitus 2:13

ning dala harnanai ana tortorot sur a pukakiar na gas ning ir hanot. A pukakiar ning anundala a leklek e God, e Iesu Karisito, anundala a Tena Alaun ir hanot taum ana anuna matatar.

Hibru 13:8

E Iesu Karisito bel ir ries. Nating, onone pa lamur pa bel ir rarop, e Iesu Karisito i arlar ka.

Hibru 7:3

Bel tik i tasman e tamana pa e tana, pa anuna mangis a tarai. Bel ta kamkama nuna lalaun, pa bel ta araropna otleng. E Melkisedek i arlar o e Nat e God, i otleng a tena artabar tetek e God, pa nuna titol ir tur tikin.

2 Pita 1:1

Iau e Saimon Pita, a tena titol oros pa aposel ane Iesu Karisito. A tumtumus tetek mulo ning e God ka tabar tar mulo ana tortorot, anasa ana tostos a toltol ane Iesu Karisito, anundala a God pa nundala a Tena Alaun. A tortorot ning, i wakak kol arlar ana anumila a tortorot.

1 Jon 5:20

Dala tasmani otleng mang a Nat e God ka hanot, pa ka tabar tar dala ana tastasman, sur dalar tasman a momol a God. Dala laun ana momol a God, anasa dala laun ana Natnalik e Iesu Karisito. I a momol a God, pa lalaun tikin.

1 Jon 5:7

Ditol ning ditol warwara talapor onoi ine:

Tatatai 1:11

I atongi larne, “A utna ning u oroi i, ur tumus akesi ana buk ning di hini pa ur saran seni utumo tetek a tarai a lotu ona mais a hanua ne: Epeses, Smerna, Pergamum, Tiatira, Sardis, Piladelpia pa Laodisia.”

Tatatai 1:17

Ning a oroi i, a punga purum tar napir naur a hana arlar ana minat. Lamur i suah tar a sot a kuna saot hok, pa i atongi mang, “Gong u matmataut, iau a ningnigona pa araropna.

Tatatai 1:2

E Jon i warwara talapor ana ututnala rop ning ka oroi tari. Ine a utna ning, a warwara ane God pa a warwara talapor ane Iesu Karisito.

Tatatai 1:8

A Leklek e God i atongi mang, “Iau a Alpa pa Omega, esaning i laun nigo, i laun onone pa ir hanot lamur, esaning i rakrakai kol.”

Tatatai 19:13

I mermer ana kaen ning di amurungi ting na suluk. Pa a risana, “A Warwara ane God.”

Tatatai 2:8

“Ur tumtumus tetek a angelo anun na tarai a lotu tumo e Smerna mang: Na warwara ne anun esaning a ningnigona pa a araropna, ning i mat pas, pa i laun ulak.

Tatatai 21:6

Pa i atai iau mang, “Ka rop! Iau a Alpa pa Omega, a kamkamna pa araropna. Esaning i mos ar agangi ana malum miting na matmatana malum, a malum a lalaun, ning bel di sira lou i.

Tatatai 22:13

Iau a Alpa pa Omega, iau a ningnigo pa murmur, a kamkamna pa araropna.

Tatatai 3:14

“Ur tumtumus tetek a angelo anuna tarai a lotu tumo e Laodisia larne: Na warwara ne anun esaning di atongi Amen, a tena warwara talapor ane God ning i momol kol, pa kama akakes ane God.