Jems 5:5 - Label

⁵ Ana numulo a lalaun te na rakrakan hanua, mulo sai a tnan mani, ana utna na hangan sur mulo ot, pa asaning i agasgas mulo. Mulo tabar butbut mulo, pa milau ma mulor hirua, arlar ana inagoila, ning di tabar butbut la sur dir umkol la.

Jems 5:5 Referencias Cruzadas

Luk 16:19

“Ning a gongon a barsan, i mermer ana wakak a kaenla, pa i sira tol a ngasa ana pukakiarla rop.

Luk 16:25

“E Abaram i kelesi mang, ‘Natuklik, ur nuk pasi, ning kaning ot u laun, u kibas anuma wakak a ututnala, pa mang otleng larning tetek e Lasarus, i kibas a laulau a ututnala. Ika onone, i kibas a gasgas, pa u, u kilang a tnan kankan kol.

A Pas ane Pol tetek a tarai Rom 13:13

Dalar mur a tostos a toltol, larning dala laun ana kabakiar. Gong dala sipak, pa gong dala kukuk taltal taum ana longlong a toltol. Gong dala tol a pamuk a toltol, pa gong dala tol a utna na meme. Gong dala arngaras, pa gong dala bal laulau.

1 Timoti 5:6

Ika, a lao ning i mang sur ir gas oros ka, ning kaning ot i laun, a inguna ka mat.

2 Timoti 3:4

Lar alaulau ulak na halalinla, lar tol a kutkut a toltolla, lar aitna pas la, lar mang kol sur a gasgas mite na rakrakan hanua, pa bel lar mang sur e God.

2 Pita 2:13

La tol a laulauna pa e God ir keles la ana laulauna. La gas ka ning lar gang pa lar longlong taltal ana kamis. Ning la kes taum o mulo ana utna na hangan, pa la gas ana anunla na asasongo na toltol ning la toli, anunla na dur a toltolla ir ame mulo.

A Pas ane Jut 1:12

A tarai ning, la arlar ana dur a utna, ning la kes taum o mulo ting na utna na hangan. La tabar masur pas la ot, pa bel la hanrawai a tarai masik. La arlar ana kokok a bakut ning a wuwu i wus taltali, pa kiar bel i punga. La arlar otleng ona rakaila ning bel la wai ana kalang a wai, la ka mat. Di ka gat sen la, pa ine a munaur a minatinla.

Tatatai 18:7

Dir saran a tnan kankan pa a tnan bal maris tana, ir galis arlar ana tnan matatar pa a keskes na leklek ning i tong akesi. I nuki ono i ot mang, ‘Iau a kwin, pa a kes ana nuk a keskes a kwin. Bel iau a lao, bel ar bal maris lar pas.’