Jems 5:20 - Label

²⁰ Mulo nuk pasi, ning tik ir ben lingir pas a tena laulau kusun anuna rongo, ka alaun pas a ingun a barsan ning kusun a minat, pa a Leklek ir kepsen anuna galis a toltol laulaula.

Jems 5:20 Referencias Cruzadas

Jon 5:24

“A atong momoli ta mulo, esining i longor anuk na warwarala pa i tortorot o esaning i sune iau ute, i ka kibas a lalaun tikin, pa bel ir hirua ana warkurai. I ka han kusun a minat sur a lalaun tikin.

A Pas ane Pol tetek a tarai Rom 11:14

Ana nuka titol ne, a mang sur ar akamtur a nuknuk ana nuka kaba tarai, sur lar ram omulo pa e God ir alaun pas hal onla.

1 Korin 1:21

Anasa, ana tastasim ane God, i toli sur a tarai te na rakrakan hanua bel lar tol soti sur lar tasman e God ting na tastasim anunlai ot. A warwara ning mila warawai onoi, a tarai la nuki mang a longlong a warwara, ika, ana warwara ning, e God i gas sur ir alaun la ning la tortorot.

1 Korin 9:22

Ning a kes taum ana taraila ning bel la rakrakai, iau otleng bel a rakrakai, sur ar ben pas la tetek e Karisito. A laun arlar ana urmatana taraila rop, pa a mur a urmatana ngas rop sur ar alaun dingla na tarai.

1 Timoti 4:16

Ur tai alar anuma lalaun pa anuma asasaer, ur tur rakrakai on diau. Anasa, ning ur toli larning, ur alaun pas u ot, pa la otleng ning la longor u.

Pilimon 1:19

Iau e Pol a tumus a warwara ne ana kuk ot: ar keles tar a dinau ning tetek u. Bel ar atong ta utna tam, u ot u ka tasmani mang a tona lalaun ning u kibas pasi i kamkamna ot hok, pa i arlar ana dinau tetek u.

Jems 1:15

Lamur, ning anunla a laulau a nuknuk ir itna, ir agon otnan pas a toltol laulau. Ning a toltol laulau ir itna, ir agon otnan pas a minat.

Jems 1:21

Mulor manah kusun a dur a toltol pa na toltol laulau ning kane i bukus te na rakrakan hanua. Pa mulor anatarna pas mulo ning mulo kibas a warwara ning di ka oman tari ting na balamulo, a warwara ane God ning ir alaun lar pas mulo.

Jems 5:15

A nunung ning i han taum ana tortorot, ir alangolango esining i sasam, pa a Leklek ot, ir alangolango ulak pasi. Pa ning ka tol tar a toltol laulau, a Leklek ir kepseni.

Jems 5:19

Na tastasik, ning tik o mulo ir han rongo kusun a momolna, mulor ben lingir ulak pasi.

1 Pita 4:8

Ine a utna ning i leklek kol tan a ututnala rop, mulor mang artalai sur mulo ana momol, anasa a marmaris i poroi a galis a toltol laulau.

Tatatai 20:6

La ning di alaun la ana ningnigo na kamkamtur ulak kusun a minat, la angis pa la na totoh a tarai ane God. A munaur a minat bel ta rakrakai sur ir alaulau la. La na tena artabar tetek e God pa e Karisito. Lar warkurai taum o e Karisito ning a rip a rau.