Jems 5:11 - Label

¹¹ Oroi, dingla na tarai tagun nating la tur rakrakai ana tortorot ning la pastetek a mamahatla. Dala atong la mang la angis. Mulo tasman a lalaun ane Jop, i tur rakrakai ana tortorot ning i pastetek a mamahatla. Pa lamur, a Leklek i angis ulaki. A Leklek i bukus ana marmaris pa a tena harnangai.

Jems 5:11 Referencias Cruzadas

Matiu 10:22

Pa taraila rop lar nget mulo anasa mulo anuki, ika esining ir tur rakrakai tuk anuna lalaun ir rop, e God ir alauni.

Luk 1:50

Anuna marmaris i kes tetek la ning la hanrawai i, i kes tetek a tarai tagun onone, pa tagun lamur.

Luk 11:10

Anasa la rop ning la nunung dir tabar la, pa esining i sereni ir pasteteki, pa esining i pinpidir, dir sapang pasi.

Luk 6:36

Mulor asangan a marmaris, arlar ana Tamamulo a tena marmaris.

A Pas ane Pol tetek a tarai Rom 2:4

Ka asangan tar anuna wakak a toltol ning i itna tetek mulo, pa bel i warkurai kapit mulo ana numulo na toltol laulaula, pa bel i ngoro kapit o mulo. Mangasa, mulo oroi purum anuna wakak a toltol? Mangasa, bel mulo tasmani mang i maris mulo larne sur mulor lingir a nuknukimulo?

Epeses 1:6

Pa dalar atong aleklek pas e God ana nuna wakak a marmaris, ning ka tabar oros dala onoi, o e Natnalik ning i katnan koli.

Epeses 2:4

Ika, e God i bukus ana marmaris! I alaun pas dala anasa i maris kol dala.

Hibru 10:39

Ika dala, bel dala miting onla ning la susur ulak kusun a tortorot pa la hirua. Dala miting na tarai a tortorot, pa e God ka alaun pas dala.

Hibru 3:14

Dala o e Karisito, ning dalar tur rakrakai ana tortorot tuk ana araropna, arlar larning dala turpasi nating.

Hibru 3:6

Ika e Karisito, i a Nat e God pa i momol ana nuna titol ning i tai alar a rumai ane God. Ning dala tur rakrakai ana tortorot, pa bel dala matmataut, pa dala harnanai sur a ututnala ning e God ir toli, dala a rumai ane God.

Jems 1:12

A barsan ning i tolsot pas a arlam, pa i tur rakrakai, i angis. Anasa esaning i tolsot pas a ututnala ning di lar anuna tortorot onoi, ir kibas pas a kukuh na lalaun tikin, ning e God i lele tar sur ir sarani tanla rop ning la mang suri.

Jems 1:2

Na tastasikla, ning al ngas a mamahat ir hanot tetek mulo, mulor gas,

1 Pita 1:13

I maining mulor sang a nuknukimulo sur anumulo a titol, mulor warkurai tostos anumulo a lalaun, pa mulor harnanai ana tortorot momol sur a utna ning dir tabar mulo onoi ning e Iesu Karisito ir hanot puasa.

1 Pita 3:14

Ika ning dir akadik mulo anasa ana numulo na tostos a toltol, mulo angis. “Gong mulo matatan asaning lar amatmataut mulo onoi, pa gong mulo koloron.” Ais 8:12-13

2 Pita 2:9

I maining a Leklek i tasman a ngas ning ir alaun pas a tarai ning la tol a toltol ning e God i mang suri, ting na mamahat ning ir barat la. Pa i tasman otleng a ngas ning ir akadik la ning bel la tol a tostos a toltol, ning la harnanai sur anunla na warkurai a arkeles ana pukakiar a warkurai.