Jems 3:9 - Label

⁹ Dala rakan aleklek pas anundala a Leklek a Tamandala ana laigeremindala, pa dala atong laulau otleng a tarai onoi, la ning e God i akes tar la ana manarna.

Jems 3:9 Referencias Cruzadas

Matiu 26:74

Pa i lele tetek la, i atongi mang, “E God ir warkurai laulau iau ning ar asongo. Bel a tasman a barsan ning.” Pa ono otning a kakaruk i kurkurakuk.

Matiu 5:44

Ika iau, a atongi ta mulo mang, mulor mang sur anumulo na hirua, pa mulor nunung sur la ning la alaulau mulo.

Aposel 2:26

A balak i gas kol, pa a warwara taum ana gasgas, pa a tortorot mang a palaok bel ir laulau tikin,

A Pas ane Pol tetek a tarai Rom 3:14

“A pahanla i bukus ana warwara laulau pa i saran a mamahat tetek a tarai.” Buk Song 10:7

1 Korin 11:7

Bel i tostos ning ta barsan ir pol alar a pukulna, anasa i a manar e God pa i asangan a matatar e God. Ika a hane i asangan a matatar a barsan.

Epeses 1:3

Dalar atong leklek pas e God, a Tamana e Iesu Karisito anundala Leklek. I angisngis dala ana ututnala rop misaot na langit sur ir nangan a ingundala, ning dala kaning o e Karisito.

Jems 1:27

Ika ning dala nangan a nat a biasuila, pa a laola ning la pot na marmaris, pa ning dala tumarang dala otleng kusun a dur a toltol mite na rakrakan hanua, ine i a tostos a lotu, pa bel ta utna i rongo ono namatana e God a Tamandala.

Jems 3:10

A warwara na rakan aleklek a Leklek, pa a warwara ning ir alaulau tik, dia rop, dia sira purum ka miting na pahandala. Na tastasik, bel i tostos larne.

1 Pita 1:3

Dalar atong aleklek pas e God, a Taman anundala Leklek e Iesu Karisito. Ana nun a tnan marmaris, i agon tona pas dala. I maining dala harnanai ana tortorot sur a lalaun tikin, anasa e Iesu Karisito i kamtur ulak kusun a minat,