Jems 2:23 - Label

²³ Pa di tolsot pas a warwara ting na Buk Tabu larne, “E Abaram i tortorot o e God, pa e God i atongi mang i tostos.” Stat 15:6 Pa e God i atongi otleng mang a halna.

Jems 2:23 Referencias Cruzadas

A Wakak a Warwara o e Iesu Karisito i tumusi 12:10

Mangmangasa, bel mulo was a warwara ne ting na Buk Tabu? I atongi mange, ‘A hat ning a tena tol rumaila la kepseni, i ot ning a wakak a hat kes, ning di tol a rumai saot ono.

A Wakak a Warwara o e Iesu Karisito i tumusi 15:27

La sai ahat otleng naur a tena kinkinau taum ono ana naur a rakai kutus, takai ana sot a kuna, pa takai ana kair.

Luk 4:21

pa i atai la mange, “A warwara ne mulo longori, di ka tolsot pasi anone.”

Aposel 1:16

“Na tastasikla, a warwara anuna Talngan Tabu, ning e Dewit i warwara tar onoi nating ot ting na Buk Tabu, onone di ka tolsot pasi. I warwara o e Judas esaning i nigon la ning la tong pas e Iesu.

A Pas ane Pol tetek a tarai Rom 11:2

E God bel i gilam ris kusun anuna tarai ning nating ot ka tasman tar la. Mangmangasa, bel mulo tasman asaning a Buk Tabu i atongi o e Elaija? I ururai tetek e God ana tarai Israel ana toltol laulau ning la toli. I atongi mang,

A Pas ane Pol tetek a tarai Rom 9:17

Larning di ka tumus tari ting na Buk Tabu mang, e God i atongi tetek a king mitimo e Ijip mange, “A suah tar u sur king sur ar asangan a rakrakaik ning ar tolsot pas u, pa sur a taraila rop ana rakrakan hanua lar tasmani mang iau ka e God.” Kisim Bek 9:16

Galesia 3:22

Ika a Buk Tabu i atong puasai mang, a taraila rop te na rakrakan hanua la kes ana dodot ana nunla toltol laulau. Manglarning, la ka ning la tortorot o e Iesu Karisito lar kibas pas a artabar ning e God i lele tar onoi.

Galesia 3:6

A Buk Tabu i warwara o e Abaram mange, “I tortorot o e God, pa e God i atongi mang i tostos.” Stat 15:6

2 Timoti 3:16

A puka warwarala rop ting na Buk Tabu i kamkamna ot o e God, pa i wakak sur a asasaer, pa ir atalapor a laulauna anuna tik tetek i ot, pa ir atostos a rongo, pa ir asaer a tarai ana tostos a toltol,

Jems 2:24

Mulo oroi i, e God ir atong ta barsan mang a tena tostos ana nuna wakak a titolla, pa bel ana nuna tortorot ka.

1 Pita 2:6

Larning di ka tumus tari ting na Buk Tabu larne, “Oroi i, ia ka suah tar a hat saot e Saion. A hat ning a aslang pasi sur ir a wakak a hat kes, ning di tol a rumai saot ono. Pa esining ir tortorot onoi, anuna tortorot bel ir ame i.” Ais 28:16