Jems 1:2 - Label

² Na tastasikla, ning al ngas a mamahat ir hanot tetek mulo, mulor gas,

Jems 1:2 Referencias Cruzadas

Aposel 5:41

Pa a aposella la purum miting na kiwung, la gas, anasa e God i oroi la mang, la wakak sur lar kilang a meme ana risana e Iesu.

A Pas ane Pol tetek a tarai Rom 5:3

Bel i ka i ning, dala gas otleng ana mamahatla ning dala kilangi, anasa dala tasmani mang a mamahatla i tol otnan anundala tuntunur rakrakai.

Pilipai 1:29

Anasa e God ka angis tar mulo. Bel ana numulo na tortorot ka ana Karisito ning i angis mulo, ana mamahat otleng ning mulo kilangi ana risana.

Pilipai 2:17

Anumulo a titol ning anumulo a tortorot i tol otnani, i arlar ana artabar tetek e God. Pa ning ar mat, ar gas par gas taum o mulo rop, anasa a sulukik ir arlar ana artabar ning di peki saot ana numulo na artabar ning.

Pilipai 2:18

Larning mulo otleng mulor gas, pa mulor gas taum hok.

Kolosi 1:24

Onone a gas ana mamahatla ning a kilangi sur ir nangan mulo. Ana mamahatla ning a kilangi ana palaok, a tolsot pas a mamahatla ane Karisito, sur ar nangan a tarai a lotu, la ning a palaona e Karisito.

Hibru 10:34

Mulo mang kol sur la ning la kes ting na rumai a dodot pa mulo nangan la. Pa mulo gas ka ning a tarai la ras pas anumulo na ututnala, anasa mulo tasmani mang anumulo a ututnala masik, ning lar tur tikin, pa la wakak kol tana ututnala ning la ras pasi.

Jems 1:12

A barsan ning i tolsot pas a arlam, pa i tur rakrakai, i angis. Anasa esaning i tolsot pas a ututnala ning di lar anuna tortorot onoi, ir kibas pas a kukuh na lalaun tikin, ning e God i lele tar sur ir sarani tanla rop ning la mang suri.

Jems 1:16

Na wakak a tastasikla, gong mulo noren tar tik sur ir asongo mulo.

Jems 1:19

Na wakak a tastasikla, mulor tasman a utna ne: I wakak ning mulo rop, mulor longlongor kapit, pa gong mulo iapiap sur mulor warwara, pa gong mulo iapiap sur mulor balakut.

Jems 5:11

Oroi, dingla na tarai tagun nating la tur rakrakai ana tortorot ning la pastetek a mamahatla. Dala atong la mang la angis. Mulo tasman a lalaun ane Jop, i tur rakrakai ana tortorot ning i pastetek a mamahatla. Pa lamur, a Leklek i angis ulaki. A Leklek i bukus ana marmaris pa a tena harnangai.

2 Pita 2:9

I maining a Leklek i tasman a ngas ning ir alaun pas a tarai ning la tol a toltol ning e God i mang suri, ting na mamahat ning ir barat la. Pa i tasman otleng a ngas ning ir akadik la ning bel la tol a tostos a toltol, ning la harnanai sur anunla na warkurai a arkeles ana pukakiar a warkurai.

Tatatai 2:10

Gong mulo matatan a kankan ning milau ir hanot tetek mulo. Oroi i, e Satan ir akas tar dingla na tarai o mulo uting na rumai a dodot suir lar mulo, pa mulor kilang a kankan ana ning a bonot a pukakiar. Mulor tur rakrakai ot ana anumulo a tortorot tuk ana pukakiar ning mulor mat ono, par saran tar a lalaun tetek mulo, larning di saran a arlou tetek tik ning i tolsot pas a arsoksok.