Aposel 9:22 - Label

²² Ika a warawai ane Sol i rakrakai pa i atong a ututnala ning i amomol pasi mang e Iesu ot a Karisito. Pa a tarai Juda ning la kes tumo e Damaskus la nuknuk kol ana nuna na warwara, pa bel la kelesi.

Aposel 9:22 Referencias Cruzadas

Luk 21:15

Anasa iau ot, ar anuknuk tar a warwara pa tastasmai otleng ting na nuknukimulo, pa anumulo a hiruala rop bel lar keles sot pasi, pa bel lar puain seni.

Aposel 17:3

I papak, pa i atong talapori mang i sot ot sur e Karisito ir mat pa ir kamtur ulak kusun a minat. Pa i atongi mange, “E Iesu ning a atai mulo onoi, i ot e Karisito.”

Aposel 18:5

Ning e Sailas pa e Timoti dia hanot mitimo na papar e Makedonia, e Pol bel i manah kusun a warawai ana warwara ane God, pa i apuasa i tetek a tarai Juda mang e Iesu a Karisito ning e God i sune i ute.

Aposel 28:23

La kubus pas ning a pukakiar sur lar warwara taum o e Pol. A kumun a tarai kol la hanot teteki ting na rumai ning i kes ono. Turpasi ana kobot tuk ana rah, i papak tetek la ana matanitu ane God, pa i atai talapor la o e Iesu, tagun a Warkuraila ane Moses pa a buk anuna propetla sur lar tortorot.

Aposel 9:20

Pa i turpas a warawai kakat ana rumai lotula anuna tarai Juda, mang e Iesu a Nat e God.

Aposel 9:21

Pa la rop ning la longori, la kulkulan onoi pa la atongi mang, “A barsan kaning, i umkol la ning la lotu tetek e Iesu saot e Jerusalem. Pa ne i hanot ute sur ir dat pas a tarai a lotu o e Iesu, tetek a leklek a tena artabarla tetek e God.”

Aposel 9:23

Ning a galis a pukakiar ka rop, a tarai Juda la warwara taum sur lar umkol e Sol.

Aposel 9:27

Ika e Barnabas i ben pasi, pa dia armuri tetek a aposella, pa i atai la mang, “E Sol ka oroi tar a Leklek, pa a Leklek i warwara teteki ana nuna tinan utumo e Damaskus. Pa ning i kes tumo e Damaskus, i warawai ana risana e Iesu pa bel i matmataut.”

1 Korin 1:27

Ika e God i aslang pas a tarai ning la longlong namatana tarai, sur ir ame na tena tastasim. Pa e God i aslang pasi otleng a tarai ning bel la rakrakai namatana tarai, sur ir ame la ning la rakrakai.

Galesia 1:18

Lamur ana natol a rau, a bot han usaot e Jerusalem sur ar tasman e Pita, pa a kes taum onoi ning a bonot pa pisir dilima na pukakiar.

Pilipai 4:13

A tolsot pas a ututnala rop anasa o e Karisito ning i arakrakai iau.

1 Timoti 1:12

A atong wakak tetek e Karisito Iesu anundala Leklek, esaning i tortorot hok pa i saran tar a rakrakai tak, pa i aslang pas iau sur ar titol teteki.