Aposel 8:1 - Label

¹ E Sol i malmaling taum onla sur dir umkol e Stiwen. Ana pukakiar ning, a tarai la turpasi sur lar alaulau a tarai a lotula saot e Jerusalem, pa a tarai a lotula la han sarara ana naur a papar e Juda pa e Samaria. Ika, a aposella bel la han.

Aposel 8:1 Referencias Cruzadas

Matiu 22:6

Pa dingla na tarai otleng ning di han sur la, la tong akes pasi ka na tena titol oros, pa la alaulau la pa la umkol la.

Matiu 23:34

I maining, ar sune sen a propetla, na tena tastasmai, pa na tena asaer tetek mulo. Al tarai tagun la, mulor umkol la, pa al tarai, mulor sai ahat la saot na rakai kutusla, pa al tarai otleng, mulor miras la ting na numulo na rumai lotu, pa mulor lu sen la kusun anumulo na hananuala, pa lar liu uting na hananua masik.

Matiu 5:13

“Mulo a sol te na rakrakan hanua rop. Ika, ning a makmakana ka rop, dir amakmakan ulak mangmangasa pasi? Bel ta utna ma i topasi. Dir minggen apurum seni utumo lapiu, pa a tarai lar papas kama saot ono.

Jon 15:20

Mulor nuk pas a warwara ning ia ka atong tari ta mulo mange, ‘A tena titol oros bel i leklek tana nuna ningnigo.’ Ning la alaulau iau, lar alaulau mulo otleng. Ning la longor ana nuk na warwara, lar longor otleng ana numulo na warwara.

Jon 16:2

Lar sairas mulo kusun a rumai lotula. Momol, a taem ir hanot lamur, ning a tarai ning lar umkol mulo, lar nuki mang la tol a titol ane God.

Aposel 1:8

Ning a Talngan Tabu ir kes o mulo, mulor kibas a rakrakai, pa a ututnala ning mulo oroi tak mulor warwara talapor ono saot e Jerusalem, pa ting na hananuala rop tumo na naur a papar Judia pa e Samaria, pa ting na rakrakan hanua rop.”

Aposel 13:1

A propetla pa a tena asaerla tagun a tarai a lotu tumo e Antiok a risanla ne: e Barnabas, e Simion ning a risana otleng e Niger, pa e Lusius a te Sairini, e Sol pa e Manain ning di lawat taum diau ma e Herot a ningnigo.

Aposel 13:36

“E Dewit i tolsot rop pas a nuknuk anune God ana nuna pukakiarla na lalaun. Lamur i mat, pa di pori taum dingla na tumtubunala, pa a palaona i marase.

Aposel 2:47

Pa la rakan aleklek pas e God, pa a taraila rop la gas onla. Pa ana pukakiarla rop a Leklek i alaun a galis a tarai, pa di was taman la ana tena tortorotla.

Aposel 22:20

Pa ning di umkol e Stiwen, esining i warwara talapor hom, iau otleng a tur tingia, a malmaling taum onla, pa a tai alar a kaenla anunla ning la umkoli.’

Aposel 26:10

Pa a tol a titolla ne saot e Jerusalem. Ana malmaling anuna leklek a tena artabarla tetek e God, a han pa a akas a galis a tena tortorot ting na rumai a dodot. Pa ning di umkol la, iau otleng, a malmaling sur lar mat.

Aposel 5:18

Pa la dat pas a aposella, pa la akas la ting na rumai a dodot.

Aposel 5:20

“Mulor han, pa mulor tur ting na rumai a artabar, pa mulor atai a taraila ana warwarala rop ana tona lalaun ne.”

Aposel 5:33

Ning la longor a warwara ne, la balakut kol, pa la mang sur lar umkol a aposella.

Aposel 5:40

La malmaling ana nuna na warwara, pa la kabah ulak a aposella, la dapis la, pa la sairas la mang gong ma la warwara ana risana e Iesu. Pa lamur la pak sen la.

Aposel 7:38

E Moses i kes taum ona maindala tagun nating, a tarai Israella, ting na hanua bel, pa angelo i warwara teteki saot na Mangir Sinai. Pa i kibas a warwara na lalaun pa i tumus akesi sur dala.

Aposel 7:54

Ning a tarai a kiwungla la longor a warwarala ane Stiwen, la balakut kol, pa la harat pap suri.

Aposel 7:58

La rihi kusun a hanua, pa la wololoti. Pa la ning la arup e Stiwen, la pak sen anunla na kaenla ning la polpol alar anunla na minmar ono, pa la suai ting na naur a hana ning a barman a risana e Sol.

Aposel 8:14

A aposella ning la kes saot e Jerusalem, la longori mang a tarai Samariala otleng la ka longor ana warwara ane God, pa la sune e Pita pa e Jon tetek la.

Aposel 8:2

A momol na tena lotula la por e Stiwen, pa la domos rakrakai suri.

Aposel 8:4

Pa la ning la han sarara misaot e Jerusalem, la warawai ana Wakak a Warwara ting na hananuala ning la han ia.

Aposel 8:5

Pa e Pilip i han uting na tnan hanua tumo na papar Samaria, pa i warawai o e Karisito tetek la.

Aposel 9:31

Lamur a tarai a lotula ting na hananuala rop ana natol a papar Judia, e Galili pa e Samaria, la kes ana bal molmol. Pa a lotu i rakrakai, pa la kes na hanrawai tetek a Leklek, a Talngan Tabu i wunan la, pa a wawas ana tarai a lotula i han kas.

A Pas ane Pol tetek a tarai Rom 1:32

A ngas a tarai larne, la tasman ot a warkurai ane God, mang la ning la sira tol a ututnala ne, i sot sur lar mat. Ika la toli ka, pa la malmaling sur a tarai masik otleng lar toli.

Pilipai 1:12

Na tastasik, a mang sur mulor tasmani mang asaning i hanot hok, i agomo a Wakak a Warwara sur ir han sarara.

Hibru 11:27

Ana tortorot, e Moses i han mitimo e Ijip, pa bel i matatan a balakut ana king. I tur rakrakai anasa ka oroi tar e God, esaning bel di oroi.