Aposel 7:2 - Label

² Pa i kelesi mange, “Na tastasikla, taum ana tatala, mulor longor tak. A God na matatar i hanot tetek e tubundala e Abaram, ning kaning ot i kes ting e Mesopotemia, pa belot i kes tumo e Haran.

Aposel 7:2 Referencias Cruzadas

Matiu 6:13

Gong u ben mila uting na arlam. Ur alaun mila kusun a Tena Laulau.’

Luk 2:14

“Dalar atong leklek a risana e God tisaot kol, pa bal molmol ana rakrakan hanua rop tetek la ning i gas onla.”

Jon 1:14

A Warwara i hanot a barsan momol, pa i kes na arpotor ta mila. Mila ka oroi tar anuna matatar, a matatar ane Natnalik takai sot ka, ning i han kusun e Tamana, i bukus ana marmaris pa a momolna.

Jon 12:41

E Aisaia i atongi larne, anasa ka oroi nigon tar a matatar ane Iesu, pa i warwara onoi.

Aposel 22:1

“Na tastasikla, pa na tamtamangla mulor longor a warwara ning ar atalapor iau ono.”

Aposel 23:7

Ning ka atong tari larning, a Parisaiola pa a Sadusila la turpas a arlak, pa a kiwung i taptapagal.

Aposel 7:1

A ningnigo na tena artabar tetek e God i deken e Stiwen mange, “I momol ot a warwarala ne?”

1 Korin 2:8

Bel ta ningnigo mite na rakrakan hanua i tasman a tastasim ne. Pa ngandek la ka tasman tari, bel lar sai ahat a Leklek, ning i bukus ana matatar, saot na rakai kutus.

Epeses 1:17

A sira nunung mang e God anuna Leklek anundala e Iesu Karisito, a Tamandala ning i bukus ana matatar, ir tabar mulo ana tastasmai miting tana Talngan Tabu, pa ir atalapor a nuknukimulo, sur mulor tasman wakak e God.

Taitus 2:13

ning dala harnanai ana tortorot sur a pukakiar na gas ning ir hanot. A pukakiar ning anundala a leklek e God, e Iesu Karisito, anundala a Tena Alaun ir hanot taum ana anuna matatar.

Hibru 1:3

E Natnalik i talapor kol ana matatar ane God, pa i arlar momol ot o e God. Ana nuna warwara ning i rakrakai kol, i tong akes a rakrakan hanua rop sur ir titol taum wakak. I saran tar anuna lalaun, sur ir atotoh dala kusun a toltol laulaula rop. Pa ning ka tol arop tar a titol ne, i kes ting na ris a sot a kuna e God, a tnan king kol, saot na langit.

Hibru 11:8

Ana tortorot, e Abaram i longor tetek e God ning i kabah pasi sur ir han uting na pukna ning lamur ir hanot a hanua ngasna. I han, ika bel i tasman a pukna ning i han suri.

Jems 2:1

Na tastasikla, mulo ning mulo tortorot ana nundala a Leklek e Iesu Karisito, a Leklek na matatar, gong mulo purpurngis.

Tatatai 4:11

“Anumila a Leklek pa anumila a God, i tostos kol sur dir aitna pas u pa dir hanrawai u, pa i tostos kol ning ur tong akes a rakrakai, anasa u, u akes a ututnala rop. U akes la ana nuknukim ot, pa la laun ka hom.”