Aposel 4:22 - Label

²² Anasa a barsan ning di tol tar a utna na kulkulan onoi pa i langolango, anuna rau a lalaun i ka bolos tar diat a bonot a rau.

Aposel 4:22 Referencias Cruzadas

Matiu 9:20

Ning a hane i sasam ana suluk arlar ana ning a bonot pa pisir naur a rau. I nuki mang, ning ir tong ka a mermer ane Iesu, ir langolango. Pa i han tumo lamur ta e Iesu, pa i tuk a ris a tuka saket anunai.

Luk 13:11

Ning a hane i kes tingia, a mot kaning onoi. A intauruna i talugun ning a bonot pa siwal a rau, pa bel i tur tostos lar pas.

Jon 5:5

Pa ning a barsan i kes tingia ka kurah pas natol a bonot pa pisir siwal a rau.

Jon 9:1

Ning e Iesu i han amon, i oroi pas ning a barsan, ning e tana i agoni a kut.

Aposel 3:2

A tarai la los pas ning a barsan bel i sira han, di agon pasi mang ot larning. Pa ana pukakiarla rop, la akakesi ting na taman na rumai a artabar, di atongi mang a wakak a taman, sur ir nununung utna tanla ning la kas.

Aposel 4:21

Ning la ka sairas rakrakai tar diau, la pak sen diau. Bel la pastek ta utna ning lar um diau onoi, anasa a tarai la rakan aleklek pas e God ana utna na kulkulan ning dia ka tol tari.

Aposel 4:23

Ning di ka pak sen e Pita pa e Jon, dia ulak tetek na halalindiau, pa dia atai la ana warwarala rop ning a leklek a tena artabarla tetek e God taum ana ningnigola la ka atong tari tan diau.

Aposel 9:33

Tingia, i pastetek ning a barsan, a risana e Aineas, a palaona i mat. Ka arlar ana siwal a rau, i borbor ka ting na logo ngasna.