Aposel 3:11 - Label

¹¹ Pa a barsan ne i tong akes e Pita pa e Jon, pa a taraila rop la kulkulan kol pa la dun tetek ditol ting na parada na rumai a artabar, ning di atongi mang a Parada ane Solomon.

Aposel 3:11 Referencias Cruzadas

Luk 22:8

Pa e Iesu i sune sen e Pita pa e Jon pa i atongi tandiau mang, “Mur han pa mur sang andala a utna na hangan sur a lotu na Han Lakai.”

Luk 8:38

A barsan ning a motla la purum kusuni, i nunung e Iesu sur diar armuri. Ika e Iesu i sune seni ka mang,

Jon 10:23

E Iesu i han amon ting na parada ane Solomon ana rumai a artabar.

Aposel 2:6

Ning la longor a rurung ne, la dun ot taum, pa i loklokron a nuknukinla onoi, anasa la taktakai la longor anunla na warwarala, ning a tena tortorotla la warwara ono.

Aposel 3:12

Ning e Pita i oroi la, i atai la mang, “Mulo a tarai Israel, sur asa ning mulo kulkulan ana utna ne pa mulo ngoson rakrakai miau? Mangasa, mulo nuki mang mia alangolango pas a barsan ne ana rakrakai i miau ot, o anasa mia tol a toltol ning e God i mang suri? Bel!

Aposel 3:3

Ning i oroi e Pita pa e Jon dia mang sur diar kas, i nunung diau sur al mani.

Aposel 3:4

Pa dia tai tostos teteki, pa e Pita i atai mang, “Ur ngoson miau!”

Aposel 5:12

A aposella la tol a galis a akinalang pa galis a utna na kulkulan tana taraila. Pa a tena tortorotla rop la sira kes taum ting na parada na rumai a artabar ning di atongi mang a Parada ane Solomon.