Aposel 24:1 - Label

¹ Dilima na pukakiar lamur, e Ananias, a ningnigo na tena artabar tetek e God pa dingla na ningnigola tagun a lotu, pa e Tertulus, a tena tastasmai ana Warkuraila, la hanot tumo e Sisaria, pa la atalapor anunla na ararup o e Pol tetek e Feliks a tnan ningnigo ana matanitu.

Aposel 24:1 Referencias Cruzadas

Aposel 12:21

Ana pukakiar ning e Herot i kubus tari tanla, i mermer pas ana kaenla anuna king, pa i kes tar ana keskes na king, pa i warwara tetek a tarai.

Aposel 21:27

Ning a mais a pukakiar na atotoh milau ir rarop, dingla na tarai Juda mitimo na papar Esia, la oroi e Pol ting na rumai a artabar. Pa la angangas a tarai sur lar balakut e Pol pa la tong akesi.

Aposel 23:2

Pa e Ananias a ningnigo na tena artabar tetek e God, i sune la ning la tur milau e Pol sur lar pasar a pahana.

Aposel 23:24

Mur ben ir naur a hos, sur e Pol ir han ono. Mulor tai alar wakaki tuk mulor hanot onoi tetek e Feliks, a tnan ningnigo ana matanitu.”

Aposel 23:30

Ning di atai iau ana pinpidaiwol sur a barsan ne mang lar umkoli, a sune kapiti tetek u. Pa a atai la ning la arupi, sur lar atalapor anunla na ararup tetek u. Ai ka i ning. Ka rop.

Aposel 23:33

Ning la hanot ting e Sisaria, la saran tar a pas tetek e Feliks, a tnan ningnigo ana matanitu, pa la saran tar e Pol ana kuna.

Aposel 23:35

i atai i mange, “Ning a tarai a ararup lar hanot ute, ar longor a utna ning lar arup u ono.” Pa i arsune sur dir tai alari ting na rumai ane Herot.

Aposel 24:11

Ning ur deke, ur tasmani mang ning a bonot pa pisir naur a pukakiar alar tari ka, a hanot saot e Jerusalem, sur ar lotu.

Aposel 24:2

Ning di ka kabah pas e Pol, e Tertulus i turpas a warwara teteki mange, “Feliks, u leklek kol. Mila kes bongnani ana bal molmol nahai a warkurai anumi. A galis a utna i hanot ana nundala papar anasa anuma tai alar i wakak kol.

Aposel 25:15

Pa ning a han usaot e Jerusalem, a leklek na tena artabar tetek e God pa a ningnigola anuna tarai Juda la atai iau ana warwara na ararup onoi, pa la nunung iau sur ar warkurai i sur dir umkoli.

Aposel 25:2

Pa leklek a tena artabarla tetek e God pa a ningnigola anuna tarai Juda, la hanot teteki pa la warwara na ararup o e Pol.

1 Korin 2:1

Na tastasik, ning a hanot tetek mulo pa a warawai ana warwara talapor o e God, bel a warwara ana ngas a warwara ning a kep aitna pas iau onoi, pa bel a warwara ana ngas a warwara ning na tena tastasim la sira warwara onoi.

1 Korin 2:4

Ning a warwara pa warawai, bel a warwara ana warwara na tastasim anuna tarai, pa bel a warwara ana ngas a warwara ning ir dat a nuknukin a tarai. A rakrakai ana Talngan Tabu i amomol anuka warwara,