Aposel 23:10 - Label

¹⁰ Ning a arlak ka itna pa la turpas a harum, a tnan ningnigo anuna tena harumla i matmataut, sakana lar dat kakahal e Pol. I sune a tarai a harum, sur lar han pa lar dat pasi kusun a taraila, pa lar beni usaot na rumai anuna tarai a harum.

Aposel 23:10 Referencias Cruzadas

Aposel 21:37

Ning la mang ma sur lar kas taum o e Pol uting na rumai anuna tarai a harum, i deken a tnan ningnigo mange, “I wakak ka ning ar atong ta utna tam?” Pa a tnan ningnigo i dekeni mang, “Ai, u tasman ot a warwara Grik?

Aposel 22:24

Pa a tnan ningnigo i arsune sur dir ben e Pol uting na rumai anuna tena harumla, pa dir dapisi pa dir dekeni sur dir tasman asa a kamkamna ning a tarai la kukuk larne ono.

Aposel 23:16

Ning a etna ane Pol i longor a pinpidaiwol ne, i han sur a rumai anuna tena harumla, pa i atai e Pol ono.

Aposel 23:27

A barsan ne a sune i tetek u, a tarai Juda la tong akes pasi, pa milau lar umkoli. Ika mila pa a tena harumla, mila hanot, pa mila alaun pasi, anasa ia ka tasman tari mang i a te Rom.

Aposel 23:28

Pa a mang sur ar tasman asaning di arupi ono, pa a ben tari ana nunla kiwung.

Aposel 23:32

Ana pukakiar lamur, a tarai a harum ning la kas ana hosla, la bolos taum o e Pol, pa a tarai a harum otleng la ulak usaot e Jerusalem.

2 Korin 11:26

Ia ka han ana galis a tinan. A arlar ana utna na hinirua ana tinan ana malumla, pa dingla na taem milau ar hirua ting na kuna tena kinkinaula. Milau ar barat a hinirua tana nuk a tarai ot, pa a tarai masik otleng. Milau ar barat a hinirua ting na hananuala, pa ting na hanua bel, pa tisa latasi. Pa milau otleng, ar hirua tana asasongo na tastasik ana tortorot.

Jems 1:19

Na wakak a tastasikla, mulor tasman a utna ne: I wakak ning mulo rop, mulor longlongor kapit, pa gong mulo iapiap sur mulor warwara, pa gong mulo iapiap sur mulor balakut.

Jems 3:14

Ika, ning mulor ram sur ta utna ana tik, pa mulo nuknuk sur ta ngas sur mulor aitna pas mulo onoi, gong mulo atong aleklek pas mulo ono, pa gong mulo asongo alar pas a momolna ono.