Aposel 22:3 - Label

³ “Iau a te Juda, di agon iau tumo e Taso ana papar Silisia. A barman tar ot te e Jerusalem, pa iau a kaklik a asaer ot ane Gamaliel, pa i asaer wakak iau ana Warkuraila anuna tumtubundala, pa a titol rakrakai tetek e God larotne mulo toli.

Aposel 22:3 Referencias Cruzadas

Luk 10:39

Pa e tasna hane a risana e Maria, i kes milau ting na naur a hana Leklek, pa i longor anuna na warwara.

Luk 2:46

Ning dia ka tai pas natol a pukakiar, dia pastetek pas e Iesu tingui na woroh na rumai a artabar. I kes taum ana tena asaerla tagun a warkurai, i longor la, pa i deken la ana kabahla.

Luk 8:35

Pa tarai la han sur lar oroi asaning i hanot. Ning la hanot tetek e Iesu, la oroi a barsan ning a motla la ka purum tar kusuni, i kes milau tar naur a hana e Iesu, ka pipis pas pa ka mananos ulak. Pa la matmataut.

Aposel 11:25

Lamur e Barnabas i han utumo e Taso, sur ir tai sur e Sol.

Aposel 15:23

Pa la tumus tar a pas sur lar losi. A pas i atongi mange: Mila a aposella pa a ningnigola, na tastasimulo, mila tumtumus tetek mulo a tena tortorotla tagun a tarai ning bel a tarai Juda ning mulo kes tumo e Antiok, pa ana naur a papar Siria pa e Silisia: Marmaris tetek mulo,

Aposel 15:41

Dia han taltal ting na arpotor a naur a papar Siria pa e Silisia, pa dia arakrakai a tarai a lotu ana hananuala.

Aposel 21:20

Ning la longori, la rakan aleklek pas e God. La atai e Pol mange, “Tasimila, u tasmani mang a galis a rip tan dala a tarai Juda, la ka tortorot, pa la rop la rakrakai sur lar mur a Warkuraila ane Moses.

Aposel 21:39

Pa e Pol i kelesi mange, “Iau a te Juda mitimo e Taso, ana papar Silisia, iau bel tagun ta hanua oros ka. Lak, ur malmaling sen iau, sur ar awara a taraila ne.”

Aposel 23:34

Ning e Feliks ka was tar a pas, i deken e Pol mange, “U tagun esi na papar?” Pa ning ka tasman tari mang e Pol a te Silisia,

Aposel 23:6

Ning e Pol i tasmani mang dingla na tarai tagun la, a Sadusila, pa dingla a Parisaiola, i kukuk ting na kiwung mange, “A tastasikla, iau a Parisaio, pa a nat a Parisaio, onone di arup iau kamna ana nuka tortorot ana lalaun ulak kusun a minat.”

Aposel 26:5

La tasman iau tagun nating, ning la mang, lar warwara talapor mang a mur ot a toltolla anuna Parisaiola. Mila ning a kunum tagun a tarai Juda ning mila mur sot rop pas a Warkuraila ana numila lotu.

Aposel 26:9

“Iau otleng, nating a nuki mang i wakak ning ar toh arop tar a rakrakai a ngas sur ar sairas a taraila mang gong la tortorot ana risana e Iesu, a te Nasaret.

Aposel 5:34

Ika ning a Parisaio, a risana e Gamaliel, a tena asaer ana Warkuraila ane Moses, esaning a taraila rop la hanrawai i, i tur ting na kiwung, pa i atongi mang a aposella lar purum kaba.

Aposel 6:9

Ika dingla na tarai Juda la arngaras taum o e Stiwen. A taraila ne miting na ning a kunum ning di atongi A Rumai Lotu anuna Langolango na Tarai. La miting na naur a hanua, e Sairini, pa e Aleksandria pa mitimo na naur a papar e Silisia pa e Esia.

Aposel 9:1

Ana pukakiarla ning, e Sol i mang kol sur ir um amat a tarai a asasaer anuna Leklek. I han tetek a ningnigo na tena artabar tetek e God,

Aposel 9:11

Pa a Leklek i atai i mange, “Ur tur, pa ur han sur a rumai ane Judas, ana ngas ning di atongi a Tostos a Ngas. Pa ur kabah sur e Sol, a te Taso, kanumo i nunung.

Aposel 9:30

Ning na tastasnala ana tortorot la longori, la beni utumo e Sisaria, pa lamur la sune seni utumo e Taso.

A Pas ane Pol tetek a tarai Rom 11:1

I maining a kabah: Mangmangasa, e God i gilam ris kusun anuna tarai? Bel! I nuk pas la ot. Iau otleng a te Israel ot, a tubuna e Abaram, tagun a mangis a tarai e Benjamin.

2 Korin 11:22

La atong aitna pas la mang la na te Hibru, gepi? Iau otleng a te Hibru. La miting na tarai Israel, gepi? Iau otleng a te Israel. La na natnat e Abaram, gepi? Iau otleng a nat e Abaram.

Galesia 1:14

A tur rakrakai ana lotu Juda, pa anuka tastasman ana lotu i itna tan a halalikla rop ning anumila na rau i arlar. A rakrakai kol, sur ar mur wakak a toltolla anuna tumtubuk tagun nating.

Galesia 1:21

Lamur a han utumo ana papar Siria, pa a papar Silisia.