Aposel 21:7 - Label

⁷ Mila han mitimo e Tair pa mila sot to e Tolemes, pa mila gasgas pas la ning la tas ana tortorot, pa mila kes taum onla ning a pukakiar.

Aposel 21:7 Referencias Cruzadas

Matiu 5:47

Ning mulo gas pas ka sur na halalalimulo, mulor wakak kol tan a tarai masikla mangmangasa? A tarai otleng ning bel la tortorot la gasgas pas ka sur na halalalinla, gepi?

Aposel 1:15

Ona ning a pukakiar na arpotor tana pukakiarla ning, a tena tortorotla la kes taum, la rop la arlar ana takai amar pa pisir naur a bonot. E Pita i tur pa i atongi mang,

Aposel 12:20

E Herot i balakut tetek a tarai ana naur a hanua Tair pa e Saidon. Pa tarai miting na naur a hanua ning, la han taum sur lar oroi i. Pa lar nunungi sur a bal molmol, anasa anunla naur a hanua la laun ka ana utna na hangan miting na papar anuna king Herot. La bal taum nigo taum o e Blastus, a tnan tena tai alar anuna king, pa i nangan la sur lar oroi a king.

Aposel 18:22

Ning i sot to e Sisaria i han usaot e Jerusalem pa i oroi tar a tarai a lotu, pa lamur i han uto e Antiok.

Aposel 21:10

Ning mila kes tingia ana galis a pukakiar, ning a propet, a risana e Agabus, i hanot misaot na papar Judia.

Aposel 21:17

Ning mila hanot saot e Jerusalem, na tastasimila ana tortorot la ben pas mila ana gasgas.

Aposel 21:19

Ning e Pol ka warwara na gasgas pas la, i atai la ana taktakai utna ning i toli ana rakrakai e God ana nuna titol tetek la ning bel a tarai Juda.

Aposel 21:3

Mila oroi a lolo Saiprus i kes ana ris a kair i mila, mila bolosi. Pa mila han utumo na papar Siria, pa mila sot tumo e Tair, sur a sip ir asirok a ututnala.

Aposel 25:13

Dingla na pukakiar lamur, King Agripa ditas ma e Bernaisi a hane, dia hanot tumo e Sisaria, sur diar saran a hanrawai tetek e Festus ana nuna keskes na ningnigo.

Aposel 28:12

Mila sot pas ting e Sirakus, pa mila kes pas natola pukakiar.

Hibru 13:24

Mulor saran anumila marmaris tetek anumulo na ningnigola rop, pa tetek a taraila rop ane God. La otleng mitimo e Itali la saran anunla marmaris tetek mulo.