Aposel 21:21 - Label

²¹ La ka longor a asasongo na warwara hom, mang u asaer a tarai Juda rop ning la kes napira tarai ning bel a tarai Juda, sur lar suah sen a Warkuraila ane Moses, pa u atai la otleng mang gong la kot talilis a natnatunla, pa gong la mur a toltolla ana lotu Juda.

Aposel 21:21 Referencias Cruzadas

Aposel 16:3

Pa e Pol i mang sur ditol ar han taum. I ben pasi, pa i kot talilisi, anasa te Judala ning la kes ana hananuala ning, la tasmani mang e tamana a te Grik.

Aposel 21:22

Lar longori ot mang u ka hanot ute. Pa asa ma dalar toli?

Aposel 21:28

Pa la warwara kol mange, “A tarai Israel, mulor nangan mila. A barsan ne, i asaer a taraila rop ana rakrakan hanua sur lar nget dala, pa a Warkuraila ane Moses, pa a rumai a artabar. Pa ka ben kas pas otleng a te Grikla ute na rumai a artabar, a pukna ning e God i aslang tari anunai, pa ka aduri namatana e God.”

Aposel 28:17

Lamur ana natola pukakiar, e Pol i kabah taum a ningnigola anuna tarai Juda. Pa ning la hanot taum, i atai la mange, “Na tastasikla, bel a alaulau anundala na tarai, pa a toltol anuna tumtubundala tagun nating. Ika la tong akes pas iau, pa la saran tar iau tana tarai Rom saot e Jerusalem.