Aposel 2:4 - Label

⁴ Pa la rop la bukus taum ana Talngan Tabu, pa la turpas a warwara ana urmatana warwarala, ning a Talngan Tabu i sarani tanla.

Aposel 2:4 Referencias Cruzadas

Matiu 10:19

Ning dir dat pas mulo, gong mulo matmataut sur asa mulor atongi, pa mulor warwara mangmangasa, anasa ana taem ot ning, e God ir saran tar a warwara ning mulor atongi.

A Wakak a Warwara o e Iesu Karisito i tumusi 16:17

A tena tortorotla lar tol a ututnala na kulkulan larne: Lar kepsen a motla ana risak, lar warwara ana urmatana tona warwara,

Luk 1:15

anasa ir itna na matan a Leklek. Bel ir gang a wain, pa a gang laulaula, pa ning belot dir agoni, ka bukus ana Talngan Tabu.

Luk 1:41

Ning e Elisabet i longor a arkabah na gasgas ane Maria teteki, a kaklik i pele ting na balana, pa e Elisabet i bukus ana Talngan Tabu.

Luk 1:67

E Sekaria e tamana e Jon, i bukus ana Talngan Tabu, pa i warwara na propet mange,

Luk 12:12

Anasa ana pukakiar ning, a Talngan Tabu ot ir asaer mulo ana sa ning mulor atongi.”

Luk 21:15

Anasa iau ot, ar anuknuk tar a warwara pa tastasmai otleng ting na nuknukimulo, pa anumulo a hiruala rop bel lar keles sot pasi, pa bel lar puain seni.

Luk 4:1

E Iesu i bukus ana Talngan Tabu. Ning i han mito na malum Jodan, a Talngan Tabu i nigoni uting na hanua bel.

Jon 14:26

A Tena Arnangai, a Talngan Tabu, ning e Tata ir sune i ana risak, ir asaer mulo ana ututnala rop, pa ir anuknuk mulo ana warwarala ning ia ka atai tar mulo ono.

Jon 20:22

Ning ka atong tar a warwara ne, i wus a wuwu na pahana onla, pa i atai la mange, “A Talngan Tabu ne, mulor kibasi ting na lalaun anumuloi.

Aposel 1:5

E Jon i baptais ana malum, pa bel i bongnani ning dir baptais mulo ana Talngan Tabu.”

Aposel 1:8

Ning a Talngan Tabu ir kes o mulo, mulor kibas a rakrakai, pa a ututnala ning mulo oroi tak mulor warwara talapor ono saot e Jerusalem, pa ting na hananuala rop tumo na naur a papar Judia pa e Samaria, pa ting na rakrakan hanua rop.”

Aposel 10:46

Anasa la longor la, ning la warwara ana urmatana warwara, pa la atong leklek pas e God.

Aposel 10:47

Lamur e Pita i mang, “Bel tik ir sairas lar pas la ne sur gong di baptais la ana malum. Anasa a Talngan Tabu ka kes onla arlar larning i kes ondala.”

Aposel 11:15

Ning a turpas a warwara, a Talngan Tabu i kes onla, larning i toli ondala nating.

Aposel 13:52

Pa tarai a asasaer tumo e Antiok la bukus taum ana gasgas, pa Talngan Tabu.

Aposel 13:9

Pa e Sol ning di atongi otleng mang e Pol, i bukus ana Talngan Tabu, i ngoson rakrakai e Elimas,

Aposel 15:8

E God, ning i tasman a nuknuk a taraila rop, i asangani tetek dala mang i gasgas pas la ning bel a tarai Juda, ning i saran a Talngan Tabu tetek la, larning i sarani tetek dala.

Aposel 19:6

Ning e Pol i suah naur a kuna saot onla, a Talngan Tabu i kes onla, pa la warwara ana urmatana warwara, pa la warwara na propet.

Aposel 2:11

Pa dala miting e Krit pa a papar Arebia. Dala rop dala longor la ning la warwara ana tatatnan titolla anun e God ana nundala na warwarala.”

Aposel 2:3

Pa la oroi a ututnala la arlar ana irnga na iahla, la han sarara pa la kes saot onla taktakai.

Aposel 4:31

Ning la ka nunung pas, a rumai ning la kes onoi, i gulgule, pa la rop la bukus ana Talngan Tabu, pa la warwara ana warwara ane God, pa bel la matmataut.

Aposel 4:8

E Pita i bukus ana Talngan Tabu, pa i atai la mang, “Mulo a ningnigola anuna taraila pa a tarai a kiwung otleng,

Aposel 6:3

Na tastasimila, mulor aslang pas ir mais a wakak a barsan tagun mulo, ning la tastasman pa la bukus ana Talngan Tabu, sur milar saran tar a titol na artabar ne tanla.

Aposel 6:5

Pa la rop la gas ana warwara ne. Pa la aslang pas e Stiwen, a barsan ning i bukus ana tortorot pa a Talngan Tabu. Pa la aslang pas otleng e Pilip, e Prokorus, e Nikano, e Timon, e Pamenas, pa e Nikolas, a barsan mitimo e Antiok ning bel a te Juda, ika i kas ana lotu Juda.

Aposel 6:8

E Stiwen i bukus ana rakrakai taum ana marmaris ane God, pa i tol a tatatnan utna na kulkulanla, taum ana akinalangla na arpotor a taraila.

Aposel 7:55

E Stiwen i bukus taum ana Talngan Tabu, i tandai usaot na langit, pa i oroi a matatar ane God, pa e Iesu ning i tur ana sot a kuna e God.

Aposel 8:17

Pa e Pita pa e Jon dia suah a kundiau saot onla pa la bot kibas a Talngan Tabu.

Aposel 9:17

Lamur e Ananias i han, pa i kas ting na rumai ning e Sol i kes ia. I suah naur a kuna saot onoi, pa i atai i mange, “Tasiklik e Sol, a Leklek e Iesu, i ning i tur ot tetek u ting na ngas ning u han ute, i sune iau ute sur ur tai ulak, pa ur bukus ana Talngan Tabu.”

A Pas ane Pol tetek a tarai Rom 15:13

Pa nunung tetek e God, esaning dala harnanai suri ana tortorot sur a wakakna ning ir toli. A nunung sur ir abukus mulo ana tnan gasgas pa a bal molmol, ning mulo tortorot onoi. Pa ana rakrakai ana Talngan Tabu ot, mulor harnanai ana tnan tortorot sur a wakakna ning e God ir toli lamur.

1 Korin 12:10

Pa i tabar takai otleng ana rakrakai sur ir tol a ututnala na kulkulan, pa takai otleng ana warwara na propet. Pa i tabar takai otleng ana tastasim sur ir tasman lalan a Talngan Tabu pa na ingun masik otleng, pa takai otleng ana tastasim sur ir warwara ana urmatana ngas a warwara, pa takai otleng ana tastasim sur ir pak a kama urmatana ngas a warwara.

1 Korin 13:1

Ning ar warwara ana urmatana ngas a warwara anuna taraila pa anuna angelola otleng, ika ning bel ar lasan ana marmaris, a arlar ka ana garamut ning i aregaia kol, o a kudu ning i tangtangis oros ka.

1 Korin 13:8

A marmaris bel ir rop lar pas. Ika na warwara na propet lar rarop ka, a urmatana ngas a warwara lar rarop ka, pa a tastasim otleng ir rarop ka.

1 Korin 14:18

A atong wakak tetek e God, anasa a lasan kol ana warwara ana urmatana ngas a warwara ta mulo rop.

1 Korin 14:5

A mang sur mulo rop mulor warwara ana urmatana ngas a warwara, ika a mang kol sur mulor warwara na propet. Esaning i warwara na propet i wakak kol ta esaning i warwara ana urmatana ngas a warwara. Ika, ning tik ir papak ana kamkam a urmatana ngas a warwara sur ir arakrakai a tarai a lotu, i wakak larotleng ning a warwara na propet.

Epeses 3:19

Pa mulor tasman a marmaris ane Karisito ning i itna tana tastasmai anuna taraila, sur mulor bukus ana kidol a lalaun ane God.

Epeses 5:18

Gong mulo gang a wain pa mulo sipak onoi, anasa ir alaulau mulo. Ika, mulor bukus ana Talngan Tabu.

Epeses 6:18

Mulor nunung taum ana rakrakai ana Talngan Tabu ana pukakiarla rop, taum ana urmatana nunung rop. Mulor kes na sang, pa mulor sira nunung bolbolos ana taraila rop ane God.

1 Pita 1:12

E God i apuasai tetek a propetla mang a ututnala ne, bel ir hanot tetek la. La warwara ka ana ututnala ning e God ir toli tetek mulo. Pa onone, mulo ka longor tari kusun a tarai ning la warawai ana Wakak a Warwara tetek mulo ana rakrakai a Talngan Tabu esaning di sunei misaot na langit. Pa a ututnala ne, na angelo otleng la mang kol sur lar oroi i.

2 Pita 1:21

Anasa bel ta warwara na propet i hanot miting na nuknukin ta barsan. A Talngan Tabu ot i nigon a taraila ning la warwara ana warwara miting ta e God.