Aposel 18:6 - Label

⁶ Ika a tarai Juda la saran taurunla sur e Pol pa la atong saksakani. Pa e Pol i daplan anuna kaen, a asilang mang bel ma ir warwara ulak tetek la. Pa i atai la mange, “Ning mulor hirua ana warkurai ane God, mulo ot a kamkamna, pa ia ka langolango. Turpasi onone, ar han kama tetek la ning bel a tarai Juda.”

Aposel 18:6 Referencias Cruzadas

Matiu 10:14

Ning tik bel i gasgas pas mulo, pa bel i longor anumulo a warwara, ning mulor han kusun anuna rumai, o a hanua ning, mulor tang sen a kubus kusun a hamulo.

Matiu 21:41

La kelesi mang, “Ir umkol arop sen a laulau a tarai ning, pa ir saran tar anuna barim a wain tetek al tarai a titol masik, sur lar tai alari. A tarai a titol ning, lar bot saran tar anunal wana wain ana kalang a sol.”

Matiu 21:43

I maining a atongi ta mulo mang, dir rakan sen a matanitu ane God kusun mulo, pa dir saran tari tan al tarai ning lar suah a wakak a wanala ning i sot.”

Matiu 22:10

Pa na tena titol oros la han uting na ngasla, pa la ben taum la rop ning la pastek la, na laulau a tarai pa wakak a taraila otleng, pa a ngasa na taulai i bukus ana wasirala.

Matiu 27:25

A tarai rop la kelesi mang, “I wakak ka, a warkurai a arkeles ona sulukna ir kes omila pa na natnatumila otleng.”

Matiu 8:11

A atai mulo mang kaning lamur a galis a tarai lar han miting namatana tobar pa matana labur, pa lar kes taum o e Abaram, e Aisak pa e Jekop ana ngasa ting na matanitu saot na langit.

Luk 22:65

Pa la atong saksakani ana galis a warwara otleng.

Luk 9:5

Ning al tarai bel lar gasgas pas mulo, ning mulo han kusun a nunla hanua, mulor tang sen a kubus kusun a hamulo, sur a asilang na tumarang tetek la.”

Aposel 13:51

Pa dia tang sen a kubus kusun a handiau sur a asilang mang e God ka saran kabaina tanla, pa dia han utumo Ikonion.

Aposel 26:11

A galis a taem a kas ting na rumai lotula sur ar alaulau la, pa a ngongos la sur lar warwara laulau o e Iesu. A sira balakut rakrakai tetek la, pa a han otleng ana dingla na hananuala masik, sur ar tai pas la pa ar alaulau la.

Aposel 26:20

A warawai nigo tumo e Damaskus pa e Jerusalem pa ana hananuala ana papar Judia rop, pa lamur tetek la ning bel a tarai Juda, mang lar lingir a nuknukinla, pa lar talingir tetek e God, pa lar tol a titolla, sur ir asangani mang la ka lingir a nuknukinla.

Aposel 28:28

“Onone mulor tasmani mang di ka han ana warwara talapor ana arlaun ane God tetek a tarai ning bel a tarai Juda. I wakak, la, lar kibasi.’

A Pas ane Pol tetek a tarai Rom 3:29

Mangasa, e God a God anuna tarai Juda ka, o a God anuna tarai masik otleng? Momol, i a God anuna tarai masik otleng.

1 Timoti 5:22

Gong u suah kapit naur kum saot on tik pa u angisi sur a titol anuna Leklek. Pa gong u mur a taraila ana toltol laulau. Ur tai alar anuma lalaun sur ir totoh.

2 Timoti 2:25

La ning bel la mang sur anuna asasaer, ir atostos la ana molmol, sakana e God ir atalapor a matanla sur lar lingir a nuknukinla, pa lar tasman a momol a asasaer,

1 Pita 4:14

Ning di atong laulau mulo anasa mulo ane Karisito, mulo angis. Anasa a Inguna e God, a Ingun a matatar, i kes o mulo.

1 Pita 4:4

Pa onone, na halalimulo la kulkulan kol ning bel mulo mur na laulau a toltol ne taum onla, pa la atong laulau mulo.