Aposel 17:1 - Label

¹ Ning e Pol pa e Sailas dia bolos e Ampipolis pa e Apolonia, dia hanot tumo e Tesalonika. Ning a rumai lotu anuna tarai Juda kaning ia.

Aposel 17:1 Referencias Cruzadas

Aposel 14:1

E Pol pa e Barnabas dia kas uting na rumai lotu anuna tarai Juda tumo e Ikonion, lar ot ning dia sira toli ana hananuala. Ning dia warwara, anundia na warwara i talapor, pa a galis a tarai Juda pa dingla na tarai otleng, la tortorot.

Aposel 15:21

Anasa tagun nating ot ana hananuala rop, di was a Warkuraila ane Moses, pa la warawai onoi ting na rumai lotula ana pukakiar Sabatla.”

Aposel 16:13

Ana Pukakiar Sabat mila purum ana taman na hanua ning, sur a malum, anasa mila nuki mang ta pukna na nunung kaning ia. Mila kes, pa mila warwara tetek a gurarala ning la kes taum tingia.

Aposel 17:10

Ning i morom purum, la ning la tas ana tortorot la sune e Pol pa e Sailas uto e Beria. Ning dia ka hanot tingia, dia kas uting na rumai lotu anuna tarai Juda.

Aposel 17:11

La ne la wakak tanla tumo e Tesalonika, anasa la mang kol sur lar kibas a warwara ne, pa la was wakak a warwarala miting na Buk Tabu ana pukakiarla rop, sur lar tasmani mang a warwara ane Pol i momol o bel.

Aposel 17:13

Ning a tarai Juda mitimo e Tesalonika la longori mang e Pol i warawai ana warwara ane God tumo e Beria, la han utumo pa la akutkut a balan a kunum a tarai pa la akamtur a balanla.

Aposel 20:4

Pa e Sopater, a te Beria, a nat e Pirus, pa naur a te Tesalonika, e Aristarkus pa Sekundus, e Gaius a te Derbe, pa e Timoti, pa naur a te Esia, Tikikus pa e Tropimus, la armuri taum o e Pol.

Aposel 27:2

Mila kas ana ning a sip misaot Adramitium, ning ir han sur ir sot amon ting na hananuala ana papar Esia. Ning mila kas, a sip i han. Mila armuri taum o e Aristarkus misaot e Tesalonika ana papar Makedonia.

Pilipai 4:16

Pa ning a kes tumo e Tesalonika, mulo sira tabar iau ning a kapan.

1 Tesalonika 1:1

Iau e Pol, Sailas, pa e Timoti, mitol tumtumus tetek mulo a tarai a lotu to e Tesalonika, mulo ning mulo laun o e God e Tamandala pa a Leklek e Iesu Karisito. A marmaris pa a bal molmol tetek mulo.

1 Tesalonika 2:2

Mulo tasmani mang lanigo tana numitol a tinan ot tetek mulo, a tarai la alaulau mitol pa la ame mitol to e Pilipai. Ika ana harnangai anuna nundala God, mitol rakrakai ot sur mitol ar atatai ana nuna Wakak a Warwara tetek mulo, pa bel mitol matatan la ning la sairas rakrakai mitol.

2 Tesalonika 1:1

Iau e Pol, Sailas pa e Timoti, mitol tumtumus tetek mulo a tarai a lotu to e Tesalonika, mulo ning mulo laun o e God e Tamandala pa a Leklek e Iesu Karisito.

2 Timoti 4:10

anasa e Demas ka han kusun iau, anasa i mang sur a ututnala mite na rakrakan hanua, pa ka han utumo e Tesalonika. E Kresko i han utumo ana papar Galesia pa e Taitus i han utumo ana papar Dalmatia.